Best Mileage Cars: ವಾವ್ಹ್ ಸೂಪರ್! ಇವು ಕಡಿಮೆ ಖರ್ಚಿನಲ್ಲಿ ಹೆಚ್ಚು ಮೈಲೇಜ್ ನೀಡುವ ಕಾರುಗಳು

Best Mileage Cars in India: ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳು ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಹೆಚ್ಚಿನ ಮೈಲೇಜ್ ನೀಡುವ ಕಾರುಗಳ ಬೇಡಿಕೆ ಹೆಚ್ಚಾಗಿದೆ. ನಗರ ಬಳಕೆ, ಕುಟುಂಬ ಪ್ರಯಾಣ ಹಾಗೂ ದೀರ್ಘ ದೂರದ ಸಂಚಾರಕ್ಕೆ ಸೂಕ್ತವಾಗಿರುವ ಹಲವು ಮಾದರಿಗಳು ಈಗ ಮಾರುಕಟ್ಟೆಯಲ್ಲಿ ಗಮನ ಸೆಳೆಯುತ್ತಿವೆ.

ಎಂಟ್ರಿ ಲೆವೆಲ್ ವಿಭಾಗದಲ್ಲಿ ಮಾರುತಿ ಸುಜುಕಿ ಆಲ್ಟೊ K10 ಉತ್ತಮ ಮೈಲೇಜ್ ನೀಡುವ ಕಾರುಗಳಲ್ಲಿ ಒಂದಾಗಿದೆ. ಪೆಟ್ರೋಲ್ ಮಾದರಿ ಲೀಟರ್‌ಗೆ ಸುಮಾರು 24.9 ಕಿ.ಮೀ.ವರೆಗೆ ಮೈಲೇಜ್ ನೀಡುತ್ತದೆ. ಸಿಎನ್‌ಜಿ ಆವೃತ್ತಿಯಲ್ಲಿ ಇದು ಇನ್ನಷ್ಟು ಉತ್ತಮವಾಗಿದ್ದು, ಕಡಿಮೆ ನಿರ್ವಹಣಾ ವೆಚ್ಚದ ಕಾರಣ ಮೊದಲ ಬಾರಿಗೆ ಕಾರು ಖರೀದಿಸುವವರ ಮೆಚ್ಚುಗೆ ಗಳಿಸಿದೆ.

5 ರಿಂದ 10 ಲಕ್ಷ ರೂ. ಬೆಲೆ ವಿಭಾಗದಲ್ಲಿ ಮಾರುತಿ ಸುಜುಕಿ ಡಿಜೈರ್ ಗಮನಾರ್ಹ ಆಯ್ಕೆಯಾಗಿದೆ. ವಿಶಾಲ ಕ್ಯಾಬಿನ್, ಉತ್ತಮ ಸೌಕರ್ಯಗಳ ಜೊತೆಗೆ ಹೆಚ್ಚಿನ ಇಂಧನ ದಕ್ಷತೆಯೂ ಇದಕ್ಕೆ ಪ್ಲಸ್ ಪಾಯಿಂಟ್ ಆಗಿದೆ. ಕುಟುಂಬ ಬಳಕೆಗೆ ಇದು ಜನಪ್ರಿಯ ಸೆಡಾನ್ ಆಗಿ ಗುರುತಿಸಿಕೊಂಡಿದೆ.

SUV ವಿಭಾಗದಲ್ಲಿ ಟೊಯೋಟಾ ಅರ್ಬನ್ ಕ್ರೂಸರ್ ಹೈರೈಡರ್ ಮುಂಚೂಣಿಯಲ್ಲಿದೆ. ಹೈಬ್ರಿಡ್ ತಂತ್ರಜ್ಞಾನದಿಂದ ಈ ವಾಹನವು ಗಮನಾರ್ಹ ಮೈಲೇಜ್ ನೀಡುತ್ತದೆ. ಪೆಟ್ರೋಲ್, ಸಿಎನ್‌ಜಿ ಮತ್ತು ಹೈಬ್ರಿಡ್ ಆಯ್ಕೆಗಳು ಲಭ್ಯವಿರುವುದರಿಂದ ಗ್ರಾಹಕರಿಗೆ ಹೆಚ್ಚಿನ ಆಯ್ಕೆ ಸಿಗುತ್ತದೆ.

ದೊಡ್ಡ ಕುಟುಂಬಗಳಿಗೆ ಟೊಯೋಟಾ ಇನೋವಾ ಹೈಕ್ರಾಸ್ ಉತ್ತಮ ಆಯ್ಕೆಯಾಗಿದೆ. ಮೂರು ಸಾಲಿನ ಆಸನ ವ್ಯವಸ್ಥೆ ಹೊಂದಿದ್ದರೂ ಹೈಬ್ರಿಡ್ ತಂತ್ರಜ್ಞಾನದಿಂದ ಉತ್ತಮ ಇಂಧನ ದಕ್ಷತೆ ಒದಗಿಸುತ್ತದೆ. ದೂರದ ಪ್ರಯಾಣಕ್ಕೆ ಈ ವಾಹನ ಸೂಕ್ತವಾಗಿದೆ.

ಇನ್ನು ಐಷಾರಾಮಿ ವಾಹನ ವಿಭಾಗದಲ್ಲಿ BMW iX1 LWB ಎಲೆಕ್ಟ್ರಿಕ್ SUV ವಿಶೇಷ ಗಮನ ಸೆಳೆಯುತ್ತಿದೆ. ಒಂದು ಬಾರಿ ಚಾರ್ಜ್ ಮಾಡಿದರೆ ನೂರಾರು ಕಿಲೋಮೀಟರ್ ಸಂಚರಿಸುವ ಸಾಮರ್ಥ್ಯ ಹೊಂದಿರುವ ಈ ವಾಹನ ಇಂಧನ ವೆಚ್ಚವನ್ನು ಸಂಪೂರ್ಣವಾಗಿ ತಪ್ಪಿಸಲು ನೆರವಾಗುತ್ತದೆ.