ಒಬ್ಬ ವ್ಯಕ್ತಿ ಎರಡು ಪ್ಯಾನ್ ಕಾರ್ಡ್ ಹೊಂದಿದ್ದರೆ ಏನಾಗುತ್ತದೆ ಗೊತ್ತಾ? 99% ಜನಕ್ಕೆ ಇದು ಗೊತ್ತಿಲ್ಲ
ಒಬ್ಬ ವ್ಯಕ್ತಿಗೆ ಎರಡು ಪಾನ್ ಕಾರ್ಡ್ ಇರೋದು ಕಾನೂನು ವಿರೋಧಿ. ಇದರಿಂದ ಬ್ಯಾಂಕ್ ಖಾತೆ, KYC, ITR, ಹಣಕಾಸು ವ್ಯವಹಾರಗಳಲ್ಲಿ ದೊಡ್ಡ ತೊಂದರೆ ಎದುರಿಸಬೇಕು. ತಪ್ಪಾಗಿ ಇದ್ದರೆ ತಕ್ಷಣ ಒಂದು ಪಾನ್ ಸರಂಡರ್ ಮಾಡಬೇಕು.
- ಎರಡು ಪ್ಯಾನ್ ಕಾರ್ಡ್ ಕಾನೂನು ವಿರೋಧಿ
- PAN ಸಮಸ್ಯೆಯಿಂದ ಬ್ಯಾಂಕ್, ITR ತೊಂದರೆ
- ಡುಪ್ಲಿಕೇಟ್ ಪ್ಯಾನ್ ಸರಂಡರ್ ಮಾಡಬೇಕು
ಪ್ಯಾನ್ ಕಾರ್ಡ್ ಕೇವಲ ಗುರುತು ಪತ್ರವಷ್ಟೇ ಅಲ್ಲ, ದೇಶದ ಹಣಕಾಸು ವ್ಯವಸ್ಥೆಯ ಪ್ರಮುಖ ದಸ್ತಾವೇಜು ಎಂದು ಪರಿಗಣಿಸಲಾಗುತ್ತದೆ. ಬ್ಯಾಂಕ್ ಖಾತೆ ತೆರೆಯುವ ವೇಳೆ, ITR ಫೈಲ್ ಮಾಡುವಾಗ, ಆಸ್ತಿ ಖರೀದಿ–ಮಾರಾಟದಲ್ಲಿ, ಶೇರು ಮಾರುಕಟ್ಟೆ ಹೂಡಿಕೆಗಳಲ್ಲಿ, ಮ್ಯೂಚುಯಲ್ ಫಂಡ್‌ಗಳಲ್ಲಿ ಎಲ್ಲಕ್ಕೂ ಪ್ಯಾನ್ ಅಗತ್ಯವಾಗುತ್ತದೆ. ಒಬ್ಬ ನಾಗರಿಕನಿಗೆ ಕೇವಲ ಒಂದು ಪ್ಯಾನ್ ಕಾರ್ಡ್ ಮಾತ್ರ ಇರಬೇಕು ಎಂದು ಆದಾಯ ತೆರಿಗೆ ಕಾಯ್ದೆ ಸ್ಪಷ್ಟಪಡಿಸುತ್ತದೆ.
ಆದರೆ ಅನೇಕ ಬಾರಿ ಕೆಲವರು ತಪ್ಪಾಗಿ ಅಥವಾ ಉದ್ದೇಶಪೂರ್ವಕವಾಗಿ ಎರಡನೇ ಪ್ಯಾನ್ ಪಡೆಯುವುದು ಕಾಣಿಸಿಕೊಳ್ಳುತ್ತದೆ. ಇಂತಹ ಸಂದರ್ಭಗಳಲ್ಲಿ ಗಂಭೀರ ಸಮಸ್ಯೆ ಆರಂಭವಾಗುತ್ತದೆ.
ಎರಡು ಪ್ಯಾನ್ ಕಾರ್ಡ್‌ಗಳು ದಾಖಲಾಗಿದ್ದರೆ ಅದು ಸೆಕ್ಷನ್ 272B ಅಡಿಯಲ್ಲಿ ಕಾನೂನು ಅಪರಾಧವಾಗುತ್ತದೆ. ದಂಡ ರೂಪದಲ್ಲಿ ₹10,000 ವಿಧಿಸಲಾಗುವುದರ ಜೊತೆಗೆ ಮೋಸ ಅಥವಾ ಅಕ್ರಮ ವಹಿವಾಟಿಗೆ ಎರಡನೇ ಪ್ಯಾನ್ ಬಳಸಿದರೆ ಜೈಲು ಶಿಕ್ಷೆಯೂ ಎದುರಾಗಬಹುದು.
ಇದನ್ನೂ ಓದಿ: ಕ್ರೆಡಿಟ್ ಸ್ಕೋರ್ ಇಲ್ಲದವರಿಗೆ ಹೊಸ ಕ್ರೆಡಿಟ್ ಕಾರ್ಡ್! ಮಹಿಳೆಯರಿಗೆ ಸುಲಭವಾಗಿ ಲಭ್ಯ
ಎರಡು ಪ್ಯಾನ್ ಇರುವುದರಿಂದ ಬ್ಯಾಂಕ್ ಖಾತೆ ಫ್ರೀಜ್ ಆಗುವ ಸಾಧ್ಯತೆ ಇದೆ. KYC ಅಪ್‌ಡೇಟ್ ಆಗದೇ ಇರಬಹುದು. ITR ಸಲ್ಲಿಸುವಾಗ ವ್ಯವಸ್ಥೆ ಎರಡು ಪಾನ್‌ನಿಂದ ಸಲ್ಲಿಸಿದ ರಿಟರ್ನ್‌ಗಳನ್ನು ಒಪ್ಪುವುದೇ ಇಲ್ಲ. ಇದೇ ವೇಳೆ ಆಧಾರ್–ಪ್ಯಾನ್ ಲಿಂಕ್ ಸಮಸ್ಯೆ ಉದ್ಭವಿಸಿ, ವ್ಯಕ್ತಿಯ ಮೇಲೆ ಅನುಮಾನ ವ್ಯಕ್ತವಾಗುವ ಪರಿಸ್ಥಿತಿ ಉಂಟಾಗುತ್ತದೆ.
ಇತ್ತೀಚೆಗೆ ಸಮಜವಾದಿ ಪಕ್ಷದ ನಾಯಕ ಆಜಂ ಖಾನ್ ಹಾಗೂ ಅವರ ಪುತ್ರ ಅಬ್ದುಲ್ಲಾ ಆಜಂ ಖಾನ್ ಇಬ್ಬರೂ ನಕಲಿ ಪ್ಯಾನ್ ಕಾರ್ಡ್ ಪ್ರಕರಣದಲ್ಲಿ ತಪ್ಪಿತಸ್ಥರೆಂದು ಘೋಷಿಸಲ್ಪಟ್ಟಿದ್ದು, ಇಬ್ಬರಿಗೆ ಏಳು ವರ್ಷ ಜೈಲು ಶಿಕ್ಷೆ ಹಾಗೂ ₹50,000 ದಂಡ ವಿಧಿಸಲಾಯಿತು. ಚುನಾವಣೆಗೆ ಬೇಕಾದ ವಯಸ್ಸು ಹೆಚ್ಚಾಗಿ ತೋರಿಸಲು ಎರಡನೇ ಪ್ಯಾನ್ ಪಡೆದಿದ್ದರೆಂದು ಆರೋಪ.
ಪಾನ್‌ನ ಸ್ಥಿತಿ ವಿಶೇಷವಾಗಿರುವುದಕ್ಕೆ ಕಾರಣ ಏನೆಂದರೆ ಅದು ಎಲ್ಲ ಹಣಕಾಸು ವ್ಯವಹಾರಗಳನ್ನು ಒಂದೇ ಗುರುತಿನ ಸಂಖ್ಯೆಗೆ ಕೊಂಡಿ ಹಾಕುತ್ತದೆ. ಸರ್ಕಾರ ತೆರಿಗೆ ವ್ಯವಸ್ಥೆಯನ್ನು ಪಾರದರ್ಶಕವಾಗಿಸಲು ಪ್ಯಾನ್ ಅನ್ನು ಕಡ್ಡಾಯಗೊಳಿಸಿದೆ.
ಇದನ್ನೂ ಓದಿ: ಪೋಸ್ಟ್ ಆಫೀಸ್ ಸ್ಕೀಮ್, ಬಡ್ಡಿಯ ಮೂಲಕವೇ 2 ಲಕ್ಷ ಗಳಿಸಿ! ಬಂಪರ್ ಯೋಜನೆ ಇದು
ಎರಡು ಪ್ಯಾನ್ ಕಾರ್ಡ್ ಇದ್ದರೆ ಅದನ್ನು ಸರಿಪಡಿಸುವ ಮಾರ್ಗವಿದೆ. NSDL ಅಥವಾ UTIITSL ವೆಬ್‌ಸೈಟ್‌ನಲ್ಲಿ ‘Surrender Duplicate PAN’ ಆಯ್ಕೆಯ ಮೂಲಕ ಹೆಚ್ಚುವರಿ ಪ್ಯಾನ್ ಅನ್ನು ಆನ್‌ಲೈನ್ ಅಥವಾ ಆಫ್‌ಲೈನ್ ಮೂಲಕ ಸಲ್ಲಿಸಬಹುದು. ನಂತರ ತನಿಖೆ ಪೂರ್ಣವಾಗುವವರೆಗೆ ಆ ಪ್ಯಾನ್ ನಿಷ್ಕ್ರಿಯಗೊಳಿಸಲಾಗುತ್ತದೆ.
ವ್ಯಕ್ತಿಗತವಾಗಿಯೂ ಜೊತೆಗೆ ಸಂಸ್ಥೆಗಳಿಗೂ ಪ್ಯಾನ್ ಕಡ್ಡಾಯವಾಗಿದೆ. ₹50,000ಕ್ಕಿಂತ ಹೆಚ್ಚು ಬ್ಯಾಂಕ್ ವ್ಯವಹಾರ, ₹2 ಲಕ್ಷಕ್ಕಿಂತ ಹೆಚ್ಚು ಖರೀದಿಗಳು, ಆಸ್ತಿ ವ್ಯವಹಾರ, ITR ಫೈಲಿಂಗ್ ಹೀಗೆ ಎಲ್ಲಾ ಕಡೆ ಪ್ಯಾನ್ ಅಗತ್ಯ. ಆದರೆ ಪ್ಯಾನ್ ಗುರುತು ಪತ್ರವಾದರೂ ವಿಳಾಸ ಸಾಬೀತಾಗುವುದಿಲ್ಲ ಎಂಬುದನ್ನು ಗಮನದಲ್ಲಿ ಇರಿಸಿಕೊಳ್ಳಬೇಕು.
Trouble of Having Two PAN Cards
