ಪೋಸ್ಟ್ ಆಫೀಸ್ ಸ್ಕೀಮ್, ಬಡ್ಡಿಯ ಮೂಲಕವೇ 2 ಲಕ್ಷ ಗಳಿಸಿ! ಬಂಪರ್ ಯೋಜನೆ ಇದು
ಪೋಸ್ಟ್ ಆಫೀಸ್ ಟೈಂ ಡಿಪಾಸಿಟ್ ಯೋಜನೆ ಹೂಡಿಕೆದಾರರಿಗೆ ಭದ್ರತೆ, ಸ್ಥಿರ ಬಡ್ಡಿದರ ಮತ್ತು ಉತ್ತಮ ರಿಟರ್ನ್ ಒದಗಿಸುವ ಸುಲಭ ಯೋಜನೆ. 5 ಲಕ್ಷ ಹೂಡಿಕೆಯಿಂದ 2 ಲಕ್ಷಕ್ಕೂ ಹೆಚ್ಚು ಬಡ್ಡಿ ಗಳಿಸಬಹುದು.
Post Office Scheme: ಹೂಡಿಕೆದಾರರಿಗೆ ಭದ್ರತೆ ಮುಖ್ಯವಾಗಿರುವ ಸಂದರ್ಭದಲ್ಲಿ, ಪೋಸ್ಟ್ ಆಫೀಸ್ ಟೈಂ ಡಿಪಾಸಿಟ್ ಯೋಜನೆ “ಜಿರೋ ರಿಸ್ಕ್” ಹೂಡಿಕೆ ಎಂದು ಪ್ರಸಿದ್ಧಿ ಪಡೆದಿದೆ. ಭಾರತ ಸರ್ಕಾರದಿಂದಲೇ ಈ ಯೋಜನೆಗೆ ಭದ್ರತೆ ಸಿಗುವ ಕಾರಣ, ಜನರು ಇದನ್ನು ವಿಶ್ವಾಸದಿಂದ ಆಯ್ಕೆ ಮಾಡುತ್ತಿದ್ದಾರೆ.
ವಿಶೇಷವಾಗಿ ಐದು ವರ್ಷದ ಅವಧಿಯನ್ನು ಆಯ್ಕೆ ಮಾಡಿದಲ್ಲಿ ಸೆಕ್ಷನ್ 80C ಅಡಿಯಲ್ಲಿ ತೆರಿಗೆ ಪ್ರಯೋಜನವೂ ಲಭಿಸುತ್ತದೆ.
ಪೋಸ್ಟ್ ಆಫೀಸ್ ಸೇವಿಂಗ್ ಯೋಜನೆಗಳು ಸಾಮಾನ್ಯ ಜನರಿಗೆ ಹೆಚ್ಚಿನ ಲಾಭವನ್ನು ನೀಡುವ ರೀತಿಯಲ್ಲಿ ರೂಪಿಸಲಾಗಿದೆ. ಮಕ್ಕಳಿಂದ ಹಿಡಿದು ಮಹಿಳೆಯರು, ಯುವಕರು, ಹಿರಿಯ ನಾಗರಿಕರ ತನಕ ಎಲ್ಲರಿಗೂ ವಿವಿಧ ಯೋಜನೆಗಳು ಲಭ್ಯ. ಈ ಯೋಜನೆಗಳಲ್ಲಿ ಒಂದಾದ ಟೈಂ ಡಿಪಾಸಿಟ್ ಸ್ಕೀಮ್ ಹೂಡಿಕೆ ಮಾಡಿದರೆ ಕೇವಲ ಬಡ್ಡಿಯಿಂದಲೇ ಎರಡು ಲಕ್ಷ ರೂ.ಗಳಿಗಿಂತ ಹೆಚ್ಚು ಲಾಭ ಪಡೆಯಬಹುದಾಗಿದೆ.
ಇದನ್ನೂ ಓದಿ: ಎಸ್‌ಬಿಐ ಬ್ಯಾಂಕಿನಲ್ಲಿ 60 ಲಕ್ಷ ಗೃಹ ಸಾಲಕ್ಕೆ ಇಎಂಐ ಎಷ್ಟು? ಬಡ್ಡಿ ಎಷ್ಟು? ಇಲ್ಲಿದೆ ಲೆಕ್ಕಾಚಾರ
ಈ ಟೈಂ ಡಿಪಾಸಿಟ್ ಯೋಜನೆಯಲ್ಲಿ ಒಂದು ವರ್ಷದ ಅವಧಿಗೆ 6.9%, ಎರಡು ವರ್ಷಕ್ಕೆ 7%, ಮೂರು ವರ್ಷಕ್ಕೆ 7.1% ಮತ್ತು ಐದು ವರ್ಷದ ಏಕಕಾಲದ ಠೇವಣಿಗೆ 7.5% ಬಡ್ಡಿದರ ಸಿಗುತ್ತದೆ. ಹೂಡಿಕೆದಾರರು ತಮ್ಮ ಅವಶ್ಯಕತೆಗೆ ತಕ್ಕಂತೆ ಅವಧಿ ಆಯ್ಕೆಮಾಡಿಕೊಂಡು ಉತ್ತಮ ರಿಟರ್ನ್ ಪಡೆಯಬಹುದು.
5 ಲಕ್ಷ ರೂ. ಹೂಡಿಕೆ ಮಾಡಿ ಐದು ವರ್ಷದ ಅವಧಿಯನ್ನು ಆರಿಸಿದಲ್ಲಿ 7.5% ಬಡ್ಡಿದರದಲ್ಲಿ ಸುಮಾರು ₹2,24,974 ರಷ್ಟು ಬಡ್ಡಿ ಸಿಗುತ್ತದೆ. ಅವಧಿ ಮುಗಿದ ನಂತರ ಒಟ್ಟು ₹7,24,974 ರಷ್ಟು ಮೊತ್ತ ನಿಮ್ಮ ಖಾತೆಗೆ ಜಮಾ ಆಗುತ್ತದೆ. ಇದು ಈ ಯೋಜನೆಯನ್ನು ಇನ್ನಷ್ಟು ಜನಪ್ರಿಯವಾಗಿಸಿದೆ.
ಕನಿಷ್ಠ ₹1,000 ರಿಂದ ಖಾತೆ ತೆರೆಯುವ ಅವಕಾಶವಿದ್ದು, ಗರಿಷ್ಠ ಮಿತಿ ಯಾವುದೂ ಇಲ್ಲದೆ ಹೂಡಿಕೆ ಮಾಡಬಹುದು. ಸಿಂಗಲ್ ಮತ್ತು ಜಾಯಿಂಟ್ ಖಾತೆ ಎರಡೂ ಲಭ್ಯ.
ಇದನ್ನೂ ಓದಿ: ನಿಮ್ಮ ಪರ್ಸನಲ್ ಲೋನ್ ಅರ್ಜಿ ರಿಜೆಕ್ಟ್ ಆಯ್ತಾ? ಹಾಗಾದ್ರೆ, ಮೊದಲು ಈ 4 ತಪ್ಪು ತಿದ್ದಿಕೊಳ್ಳಿ
10 ವರ್ಷದ ಮೇಲಿನ ಮಕ್ಕಳು ಕುಟುಂಬ ಸದಸ್ಯರ ಮೂಲಕ ಈ ಯೋಜನೆ ಅಡಿಯಲ್ಲಿ ಖಾತೆ ತೆರೆದುಕೊಳ್ಳಬಹುದು. ವರ್ಷಕ್ಕೊಮ್ಮೆ ಬಡ್ಡಿ ಜಮೆಯಾಗುವ ವ್ಯವಸ್ಥೆ ಇರುವುದರಿಂದ ದೀರ್ಘಾವಧಿ ಲಾಭ ಹೆಚ್ಚಾಗುತ್ತದೆ. ನಿಮ್ಮ ಸಮೀಪದ ಪೋಸ್ಟ್ ಆಫೀಸ್‌ನಲ್ಲಿ ಸುಲಭವಾಗಿ ಖಾತೆ ತೆರೆಯಬಹುದು.
Post Office TD Scheme, Earn 2 Lakh Interest
