ಕ್ರೆಡಿಟ್ ಕಾರ್ಡ್ ಹೋಲ್ಡರ್ ಮೃತಪಟ್ಟರೆ, ಸಾಲದ ಕಂತು ತೀರಿಸೋದು ಯಾರು?
Credit Card : ಕ್ರೆಡಿಟ್ ಕಾರ್ಡ್ ಹೋಲ್ಡರ್ ಮೃತಪಟ್ಟರೆ ಬಾಕಿ ಉಳಿದ ಸಾಲ ಯಾರು ತೀರಿಸಬೇಕು? ಅನ್‌ಸಿಕ್ಯೂರ್ಡ್, ಸೆಕ್ಯೂರ್ಡ್ ಕಾರ್ಡ್‌ಗಳಿಗೆ ಏನು ನಿಯಮಗಳು ಎಂಬುದರ ಸ್ಪಷ್ಟನೆ ಇಲ್ಲಿದೆ.
ಇಂದಿನ ಕಾಲದಲ್ಲಿ ಕ್ರೆಡಿಟ್ ಕಾರ್ಡ್ (credit card) ಪ್ರತಿಯೊಬ್ಬರಿಗೂ ಅವಶ್ಯಕತೆ ಎಂಬಂತೆ ಪರಿಣಮಿಸಿದೆ. ಆದರೆ ಕಾರ್ಡ್ ಹೋಲ್ಡರ್ ಹಠಾತ್ ನಿಧನರಾದರೆ ಬಾಕಿ ಉಳಿದಿ ಸಾಲ (Loan) ಯಾರು ಭರಿಸಬೇಕು ಎಂಬ ಪ್ರಶ್ನೆ ಹಲವು ಮಂದಿ ಮನಸ್ಸಿನಲ್ಲಿ ಮೂಡುತ್ತದೆ.
ಹಣಕಾಸು ತೊಂದರೆಯಲ್ಲಿ ಇದ್ದಾಗ ಅಥವಾ ತಾತ್ಕಾಲಿಕ ಖರ್ಚಿಗೆ ಅತೀ ಉಪಯುಕ್ತವಾಗಿರುವ ಕ್ರೆಡಿಟ್ ಕಾರ್ಡ್‌ಗಳಿಗೆ ಸಾಮಾನ್ಯವಾಗಿ ಬ್ಯಾಂಕ್‌ಗಳು ಗ್ರೇಸ್ ಪೀರಿಯಡ್ ಅನ್ನು (grace period) ಒದಗಿಸುತ್ತವೆ.
ಈ ಅವಧಿಯಲ್ಲಿ ಬಿಲ್ ಪಾವತಿಸಿದರೆ ಯಾವ ಬಡ್ಡಿಯೂ ವಿಧಿಸುವುದಿಲ್ಲ. ಆದರೆ ನಂತರ ಭಾರೀ ಬಡ್ಡಿ ಹಾಗೂ ಪೆನಾಲ್ಟಿಗಳು ಜಾರಿಗೆ ಬರುತ್ತವೆ.
ಇದನ್ನೂ ಓದಿ: ಚಿನ್ನದ ಬೆಲೆ ಇಳಿಕೆ, ಬೆಂಗಳೂರು ಜನಕ್ಕೆ ಖುಷಿ! ಚಿನ್ನ ಬೆಳ್ಳಿ ಖರೀದಿ ಮಿಸ್ ಮಾಡ್ಬೇಡಿ
ಅನ್‌ಸಿಕ್ಯೂರ್ಡ್ ಕ್ರೆಡಿಟ್ ಕಾರ್ಡ್‌ಗಳನ್ನು (unsecured credit card) ಬ್ಯಾಂಕ್ ನಿಮ್ಮ ಆರ್ಥಿಕ ಸ್ಥಿತಿ, ಕ್ರೆಡಿಟ್ ಇತಿಹಾಸ ನೋಡಿದ ಮೇಲೆ ನೀಡುತ್ತದೆ. ಇವುಗಳಿಗೆ ಯಾವುದೇ ಜಾಮೀನು ಅವಶ್ಯಕವಿಲ್ಲ. ಅಂಥ ಕಾರ್ಡ್ ಹೋಲ್ಡರ್ ನಿಧನರಾದರೆ, ಆ ಬಾಕಿಯ ಹೊಣೆಗಾರಿಕೆ ಕುಟುಂಬದ ಮೇಲೆ ಬರುವುದಿಲ್ಲ. ಸಾಮಾನ್ಯವಾಗಿ ಈ ಬಾಕಿಯನ್ನು ಬ್ಯಾಂಕ್‌ಗಳು ತಾನೇ ನಷ್ಟವಾಗಿ ಬರೆದುಕೊಳ್ಳುತ್ತವೆ.
ಆದರೆ ಮೊದಲು ಅವರು ಮೃತ ವ್ಯಕ್ತಿಯ ಆಸ್ತಿ ಮತ್ತು ಬ್ಯಾಂಕ್ ಖಾತೆಗಳನ್ನು ಪರಿಶೀಲಿಸುತ್ತವೆ. ಆಸ್ತಿ ಅಥವಾ ಬ್ಯಾಂಕ್‌ನಲ್ಲಿ ಹಣವಿದ್ದರೆ, ಅದು ಕಾನೂನಿನ ಪ್ರಕಾರ ಕ್ಲೇಮ್ ಮಾಡಲಾಗುತ್ತದೆ. ಯಾವುದೇ ಆಸ್ತಿ ಇಲ್ಲದಿದ್ದರೆ ಮಾತ್ರ, ನಷ್ಟವನ್ನು ಬರೆದುಕೊಳ್ಳುತ್ತಾರೆ.
ಇದನ್ನೂ ಓದಿ: ಪೋಸ್ಟ್ ಆಫೀಸ್‌ನಲ್ಲಿ ಬರಿ ₹6,000 ಕಟ್ಟಿ, 5 ವರ್ಷಕ್ಕೆ ₹4.45 ಲಕ್ಷ ನಿಮ್ಮದಾಗಿಸಿಕೊಳ್ಳಿ
ಇನ್ನು ಸೆಕ್ಯೂರ್ಡ್ ಕ್ರೆಡಿಟ್ ಕಾರ್ಡ್ (secured credit card) ಗಳನ್ನು ಕಡಿಮೆ ಕ್ರೆಡಿಟ್ ಸ್ಕೋರ್ ಇರುವವರಿಗೆ ಅಥವಾ ಸ್ಥಿರ ಆದಾಯವಿಲ್ಲದವರಿಗೆ ನೀಡಲಾಗುತ್ತದೆ. ಇದರಲ್ಲಿ ಹೆಚ್ಚಿನ ಸಂದರ್ಭಗಳಲ್ಲಿ ಸ್ಥಿರ ಠೇವಣಿಗೆ (Fixed Deposit) ಆಧಾರಿತವಾದರೂ, ಬಳಕೆದಾರರು ನಿಧನರಾದರೆ, ಆ ಹಣದಿಂದಲೇ ಬಾಕಿ ತೀರಿಸಲಾಗುತ್ತದೆ. ಉಳಿದ ಮೊತ್ತವನ್ನು ಕುಟುಂಬಕ್ಕೆ ಹಿಂತಿರುಗಿಸಲಾಗುತ್ತದೆ.
ಇದನ್ನೂ ಓದಿ: ಜುಲೈ 1ರಿಂದ ನಿಮ್ಮ ಖರ್ಚು ಡಬಲ್! ಈ ಬ್ಯಾಂಕ್‌ಗಳಲ್ಲಿ ಅಕೌಂಟ್ ಇದ್ದೋರಿಗೆ ಭಾರೀ ಹೊರೆ
ಇದಕ್ಕೂ ಹೊರತಾಗಿ, ಹಲವಾರು ಜನರು ಕ್ರೆಡಿಟ್ ಕಾರ್ಡ್ ಬಳಸುವಾಗ ನಿಯಮಗಳ ಬಗ್ಗೆ ಎಚ್ಚರಿಕೆಯಿಂದಿರಲ್ಲ. ಉದಾಹರಣೆಗೆ, ಕೇವಲ ಮಿನಿಮಮ್ ಪೇಮೆಂಟ್ ಮಾಡುವುದು, ಕಾಲಮಿತಿಯಲ್ಲಿ ಬಿಲ್ ಪಾವತಿ ಮಾಡದೇ ಉಳಿಯುವುದು, ಲಿಮಿಟ್ ಮೀರಿದ ಖರ್ಚು ಮಾಡುವುದು ಇವು ಎಲ್ಲವೂ ಆರ್ಥಿಕ ಗೊಂದಲಕ್ಕೆ ಕಾರಣವಾಗಬಹುದು.
ಹಾಗೆಯೇ, ಅನೇಕ ಜನರು ಪ್ರತಿಯೊಂದು ಖರೀದಿಗೂ ಇಎಂಐ ಆಯ್ಕೆಮಾಡುವುದು, ಹೆಚ್ಚು ಕಾರ್ಡ್‌ಗಳನ್ನು ಹೊಂದುವುದು, ರಿವಾರ್ಡ್‌ ಆಫರ್‌ಗಳಿಗೆ ಮಾರುಹೋಗುವುದು, ಸ್ಟೇಟ್ಮೆಂಟ್ ಚೆಕ್ ಮಾಡದೇ ಪಾವತಿ ಮಾಡುವುದು ಕೂಡ ತೀವ್ರ ಹಣಕಾಸು ಒತ್ತಡಕ್ಕೆ ತಳ್ಳಬಹುದು.
ಇದನ್ನೂ ಓದಿ: ಸಿಹಿ ಸುದ್ದಿ, ಹಿರಿಯ ನಾಗರಿಕರ ಬ್ಯಾಂಕ್ ಅಕೌಂಟ್ ಹಣಕ್ಕೆ ಸಿಗುತ್ತೆ 8.8% ವರೆಗೆ ಬಡ್ಡಿ
ಆದಷ್ಟು ಎಚ್ಚರಿಕೆಯಿಂದ, ಜವಾಬ್ದಾರಿಯುತವಾಗಿ ಕ್ರೆಡಿಟ್ ಕಾರ್ಡ್ ಬಳಸುವುದು ಮಾತ್ರ ಸದುಪಯೋಗವಾಗಬಹುದು. ಇಲ್ಲದಿದ್ದರೆ, ಅದು ರಿಸ್ಕ್ ಆಗಿ ಮಾರ್ಪಡಬಹುದು!
Who Pays Credit Card Dues After Death
