ಎಕ್ಸ್‌ಪ್ರೆಸ್ ರೈಲಿನಿಂದ ಯುವತಿಯನ್ನು ಅಪಹರಿಸಿ ಅತ್ಯಾಚಾರ, 5 ಗಂಟೆಗಳ ಕಾಲ ಚಿತ್ರಹಿಂಸೆ
ಉತ್ತರ ಪ್ರದೇಶದ ಇಟಾವಾ ಜಿಲ್ಲೆಯ 22 ವರ್ಷದ ಯುವತಿ ಮಧ್ಯಪ್ರದೇಶದ ಪಿಂಡ್ ಜಿಲ್ಲೆಯ ತನ್ನ ತಾಯಿಯ ಚಿಕ್ಕಪ್ಪನ ಮನೆಯಿಂದ ಕೋಟಾ-ಇಟಾವಾ ಎಕ್ಸ್‌ಪ್ರೆಸ್ ರೈಲಿನಲ್ಲಿ ನಿನ್ನೆ ತನ್ನ ಮನೆಗೆ ಬರುತ್ತಿದ್ದಳು.
ಆಗ ಅದೇ ಕಂಪಾರ್ಟ್‌ಮೆಂಟ್‌ನಲ್ಲಿ ಪ್ರಯಾಣಿಸುತ್ತಿದ್ದ ವ್ಯಕ್ತಿಯೊಬ್ಬ ಯುವತಿಯನ್ನು ಕೆಣಕಿದ್ದಾನೆ. ಆತ ತನ್ನ ಮೊಬೈಲ್‌ನಲ್ಲಿ ಮಹಿಳೆಯ ವಿಡಿಯೋ ತೆಗೆದುಕೊಂಡಿದ್ದಾನೆ.
ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಯುವತಿ ಎದ್ದು ಮತ್ತೊಂದು ಬೋಗಿಗೆ ಹೋಗಿದ್ದಾಳೆ. ತನ್ನ ಸೆಲ್ ಫೋನ್ ನಲ್ಲಿ ವ್ಯಕ್ತಿಯ ಚಿತ್ರವನ್ನೂ ತೆಗೆದುಕೊಂಡಿದ್ದಾಳೆ. ಆದರೂ ಹಿಂಬಾಲಿಸಿದ ವ್ಯಕ್ತಿ ಮಹಿಳೆಗೆ ಪುಸಲಾಯಿಸಿ ಮಾದಕ ವಸ್ತು ನೀಡಿ ಅಪಹರಿಸಿದ್ದಾನೆ.
ನಂತರ ಆತನ ಜೊತೆಗೆ ಇತರ ಇಬ್ಬರು ಪುರುಷರು ಮಹಿಳೆಯನ್ನು ಸುಮಾರು 5 ಗಂಟೆಗಳ ಕಾಲ ಇಟ್ಟುಕೊಂಡು ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ. ಆಕೆಗೆ ಪ್ರಜ್ಞೆ ಬಂದಾಗ, ತನ್ನ ಸುತ್ತಲೂ 3 ಪುರುಷರು ಮತ್ತು ಅವರು ತನ್ನ ಮೇಲೆ ಅತ್ಯಾಚಾರವೆಸಗಿದ್ದಾರೆ ಎಂದು ಮಹಿಳೆಗೆ ಅರಿವಾಯಿತು. ಬಳಿಕ ಯುವತಿಯನ್ನು ಉಜಿಯಾನಿ ಗ್ರಾಮದ ಹೆದ್ದಾರಿಯಲ್ಲಿ ಬಿಟ್ಟು ಹೋಗಿದ್ದಾರೆ.
ಸ್ಥಳೀಯರು ಯುವತಿಗೆ ಸಹಾಯ ಮಾಡಿ ಮನೆಯವರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರಿಗೂ ಮಾಹಿತಿ ನೀಡಿದ್ದಾರೆ.
ಸಂತ್ರಸ್ತೆಯ ಕುಟುಂಬದವರು ನೀಡಿದ ದೂರಿನ ಮೇರೆಗೆ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ. ನಂತರ ಪ್ರಕರಣವನ್ನು ಸರ್ಕಾರಿ ರೈಲ್ವೆ ಪೊಲೀಸರಿಗೆ ವರ್ಗಾಯಿಸಲಾಯಿತು. ಪೊಲೀಸರು ಆರೋಪಿಗಳಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.
ಭಾರತೀಯ ನ್ಯಾಯ ಸಂಹಿತಾ (ಬಿಎನ್‌ಎಸ್) ಕಾಯ್ದೆಯಡಿ ಸಾಮೂಹಿಕ ಅತ್ಯಾಚಾರ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
young woman was abducted from a train and raped
