ಕುರ್ತಾ ಪೈಜಾಮ ಹಾಕಿದ್ದ ಟೀಚರ್ ಮೇಲೆ ಜಿಲ್ಲಾಧಿಕಾರಿ ಸಿಟ್ಟು

ಪಾಟ್ನಾ: ಸರ್ಕಾರಿ ಶಾಲೆಯ ಮುಖ್ಯೋಪಾಧ್ಯಾಯರು ತೊಟ್ಟಿದ್ದ ಉಡುಗೆ ಜಿಲ್ಲಾಧಿಕಾರಿಗೆ ಇಷ್ಟವಾಗಲಿಲ್ಲ. ಕುರ್ತಾ, ಪೈಜಾಮ ಹಾಕಿದ್ದ ಟೀಚರ್ ಮೇಲೆ ಸಿಟ್ಟಿಗೆದ್ದರು. ‘ನೀವು ಶಿಕ್ಷಕರಾ? ಅಥವಾ ರಾಜಕಾರಣಿಯಾ?’ ಎಂದು ಏರು ದ್ವನಿಯಲ್ಲಿ ಹರಿಹಾಯ್ದರು. ಮೇಲಾಗಿ ಮುಖ್ಯಶಿಕ್ಷಕರನ್ನು ಅಮಾನತುಗೊಳಿಸಿ, ಶೋಕಾಸ್ ನೋಟಿಸ್ ನೀಡಿ ವೇತನ ಕಡಿತಗೊಳಿಸುವಂತೆ ಶಿಕ್ಷಣ ಇಲಾಖೆ ಅಧಿಕಾರಿಗಳಿಗೆ ಆದೇಶಿಸಲಾಗಿದೆ. ಬಿಜೆಪಿ ಅಧಿಕಾರದಲ್ಲಿರುವ ಬಿಹಾರದಲ್ಲಿ ಈ ಘಟನೆ ನಡೆದಿದೆ.

ಲಖಿಸರಾಯ್ ಜಿಲ್ಲಾಧಿಕಾರಿ ಸಂಜಯ್ ಕುಮಾರ್ ಸಿಂಗ್ ಅವರು ಶನಿವಾರ ಬಾಲಗುಡಾರ್‌ನಲ್ಲಿರುವ ಬಾಲಕಿಯರ ಪ್ರಾಥಮಿಕ ಶಾಲೆಗೆ ಭೇಟಿ ನೀಡಿ ಪರಿಶೀಲಿಸಿದರು. ಈ ಸಂದರ್ಭದಲ್ಲಿ ಕುರ್ತಾ ಹಾಗೂ ಪೈಜಾಮ ಧರಿಸಿದ್ದ ಮುಖ್ಯಶಿಕ್ಷಕ ನಿರ್ಭಾಯಿ ಕುಮಾರ್ ಸಿಂಗ್ ಮೇಲೆ ಆಕ್ರೋಶ ವ್ಯಕ್ತಪಡಿಸಿದರು.

ಮುಖ್ಯೋಪಾಧ್ಯಾಯರು ತೊಟ್ಟಿದ್ದ ಡ್ರೆಸ್ ಇಷ್ಟವಾಗದ ಜಿಲ್ಲಾಧಿಕಾರಿ, ‘ನೀವು ಟೀಚರ್ ತರಹ ಕಾಣ್ತಿಲ್ಲ. ನೀವು ರಾಜಕೀಯ ನಾಯಕರಂತೆ ಕಾಣುತ್ತೀರಿ’ ಎಂದು ಕಿಡಿಕಾರಿದರು. ಶಾಲೆಯನ್ನು ನಡೆಸುತ್ತಿರುವ ರೀತಿಗೆ ಅವರು ಕೋಪಗೊಂಡಿದ್ದರು. ಕೂಡಲೇ ಮುಖ್ಯಶಿಕ್ಷಕರನ್ನು ಅಮಾನತುಗೊಳಿಸುವಂತೆ ಶಿಕ್ಷಣ ಇಲಾಖೆ ಅಧಿಕಾರಿಗೆ ಆದೇಶಿಸಲಾಗಿದೆ. ಅಲ್ಲದೆ, ತಮ್ಮ ಸಂಬಳವನ್ನು ಕಡಿತಗೊಳಿಸಿ ಶೋಕಾಸ್ ನೋಟಿಸ್ ನೀಡಲು ಬಯಸಿದ್ದಾರೆ.

ಈ ನಡುವೆ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಕುರ್ತಾ, ಪೈಜಾಮ ಧರಿಸಿದ ಶಾಲಾ ಮುಖ್ಯೋಪಾಧ್ಯಾಯರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಜಿಲ್ಲಾಧಿಕಾರಿ ಆದೇಶವನ್ನು ಹಲವರು ಟೀಕಿಸಿದ್ದಾರೆ. ಶಿಕ್ಷಕರು ಕುರ್ತಾ ಮತ್ತು ಪೈಜಾಮ ಧರಿಸುವುದು ಭಾರತದಲ್ಲಿ ಅಪರಾಧವೇ? ಎಂದು ಒಬ್ಬರು ಕೇಳಿದ್ದಾರೆ. ‘ಕುರ್ತಾ ಮತ್ತು ಪೈಜಾಮ’ ಧರಿಸಿದ್ದಕ್ಕಾಗಿ ಅವರನ್ನು ಅಮಾನತುಗೊಳಿಸಿ, ಶೋಕಾಸ್ ನೋಟಿಸ್ ನೀಡಿ ವೇತನ ಕಡಿತಗೊಳಿಸುವಂತೆ ಆದೇಶಿಸಿದ್ದಾರೆ. ಈ ಆಂಗ್ಲ ಕಲೆಕ್ಟರ್ ನಡುವಳಿಕೆ ಸ್ವೀಕಾರಾರ್ಹವೇ?’  ಎಂಬ ವಿಚಾರಕ್ಕೆ ನೆಟ್ಟಿಗರು ವಿರೋಧ ವ್ಯಕ್ತಪಡಿಸಿದರು.

Does wearing “Kurta Pyjama” by a teacher is now crime in India ?

Does wearing "Kurta Pyjama" by a teacher is now crime in India??
This DM is ordering 'show cause' and 'salary cut' notice just for wearing "Kurta Pyjama".
The way this English Babu DM is behaving, is it anyhow acceptable @jsaideepak and @JaipurDialogues sir?? pic.twitter.com/wr8MUsrSFV

— Saurabh Pathak (@SaurabhPathakJi) July 10, 2022