ದೆಹಲಿಯಲ್ಲಿ ತೀವ್ರ ವಾಯು ಮಾಲಿನ್ಯ, ಶಾಲಾ ಮಕ್ಕಳಿಗೆ ಆನ್‌ಲೈನ್‌ನಲ್ಲಿ ತರಗತಿಗಳು
ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ವಾಯು ಮಾಲಿನ್ಯ ತೀವ್ರ ಮಟ್ಟ ತಲುಪಿದೆ. ಗಾಳಿಯ ಗುಣಮಟ್ಟ ತೀವ್ರವಾಗಿ ಹದಗೆಟ್ಟಿದೆ. ಸತತ ಮೂರನೇ ದಿನವೂ ಭಾರೀ ವಾಯು ಮಾಲಿನ್ಯ ನೋಂದಾಯಿಸಿದೆ.
ದೆಹಲಿ ವಿಶ್ವದ ಎರಡನೇ ಅತಿ ಹೆಚ್ಚು ಮಾಲಿನ್ಯದ ನಗರವಾಗಿದೆ. ಇಂದು ಬೆಳಗ್ಗೆ 7 ಗಂಟೆಗೆ ದೆಹಲಿಯಲ್ಲಿ ವಾಯು ಗುಣಮಟ್ಟ ಸೂಚ್ಯಂಕ 498 ಎಂದು ದಾಖಲಾಗಿದೆ. ಪಾಕಿಸ್ತಾನದ ಲಾಹೋರ್‌ನಲ್ಲಿ ಗಾಳಿಯ ಗುಣಮಟ್ಟ 770 ಎಂದು ದಾಖಲಾಗಿದೆ.
ದೆಹಲಿಯ ಜಹಾಂಗೀರ್‌ಪುರಿ, ಬವಾನಾ, ವಜೀರ್‌ಪುರ, ರೋಹಿಣಿ ಮತ್ತು ಪಂಜಾಬಿ ಬಾಗ್ ಪ್ರದೇಶಗಳು ಅತಿ ಹೆಚ್ಚು ಮಾಲಿನ್ಯವನ್ನು ದಾಖಲಿಸಿವೆ. ದೆಹಲಿಯ ಪಾಲಂ ಮತ್ತು ಸಫ್ದರ್‌ಜಂಗ್‌ನಲ್ಲಿ 500ಮೀ ಮತ್ತು 400ಮೀ ಗೋಚರತೆ ದಾಖಲಾಗಿದೆ.
ದೆಹಲಿಯಲ್ಲಿ ತೀವ್ರ ಮಾಲಿನ್ಯದ ಹಿನ್ನೆಲೆಯಲ್ಲಿ.. ರಾಜ್ಯದ ಸಿಎಂ ಅತಿಶಿ ಇಂದು ತಮ್ಮ ಎಕ್ಸ್ ಖಾತೆಯಲ್ಲಿ ಪ್ರಾಥಮಿಕ ಶಾಲಾ ಮಕ್ಕಳಿಗೆ ಆನ್‌ಲೈನ್‌ನಲ್ಲಿ ತರಗತಿಗಳು ಮುಂದುವರಿಯಲಿವೆ ಎಂದು ತಿಳಿಸಿದ್ದಾರೆ. ಮತ್ತೊಂದೆಡೆ, ತೀವ್ರ ಮಾಲಿನ್ಯದಿಂದ ಗೋಚರತೆ ಕಡಿಮೆ ಆಗಿ ವಿಮಾನಗಳು ಮತ್ತು ರೈಲುಗಳ ಆಗಮನವು ವಿಳಂಬವಾಗಿದೆ.
Due Severe Pollution Levels Online Classes To Be Continued In Delhi Primary Schools
