ಗುಜರಾತ್‌ ಸೂರತ್ ಜಿಲ್ಲೆಯಲ್ಲಿ ಲಘು ಭೂಕಂಪ

Gujarat Earthquake: ಗುಜರಾತ್‌ ಸೂರತ್ ಜಿಲ್ಲೆಯಲ್ಲಿ ಶನಿವಾರ ಮುಂಜಾನೆ ಲಘು ಭೂಕಂಪ ಸಂಭವಿಸಿದೆ. ಭೂಕಂಪನದ ತೀವ್ರತೆಯು ರಿಕ್ಟರ್ ಮಾಪಕದಲ್ಲಿ 3.8 ರಷ್ಟಿತ್ತು
ಎಂದು ಇನ್‌ಸ್ಟಿಟ್ಯೂಟ್ ಆಫ್ ಸಿಸ್ಮಾಲಾಜಿಕಲ್ ರಿಸರ್ಚ್ (ISR) ಅಧಿಕಾರಿಗಳು ಬಹಿರಂಗಪಡಿಸಿದ್ದಾರೆ .

ಭೂಕಂಪದ ಕೇಂದ್ರಬಿಂದು ಅರಬ್ಬಿ ಸಮುದ್ರದಲ್ಲಿ ಸೂರತ್‌ನಿಂದ ನೈಋತ್ಯಕ್ಕೆ 27 ಕಿಮೀ ದೂರದಲ್ಲಿದೆ ಎಂದು ಅವರು ಹೇಳಿದರು. 5.2 ಕಿ.ಮೀ ಆಳದಲ್ಲಿ ಭೂಕಂಪ ಸಂಭವಿಸಿದೆ ಎಂದು ಹೇಳಲಾಗಿದೆ. ಭೂಕಂಪದಿಂದಾಗಿ ಸೂರತ್ ಸೇರಿದಂತೆ ಸುತ್ತಮುತ್ತಲಿನ ಜನರು ತೀವ್ರ ಭಯಭೀತರಾಗಿದ್ದರು. ಅವರು ಮನೆಯಿಂದ ಓಡಿಹೋದರು. ಘಟನೆಯಲ್ಲಿ ಯಾವುದೇ ಪ್ರಾಣ ಅಥವಾ ಆಸ್ತಿ ಹಾನಿಯಾಗಿಲ್ಲ.

ಗುಜರಾತ್ ರಾಜ್ಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ (GSDMA) ಪ್ರಕಾರ, ರಾಜ್ಯದಲ್ಲಿ 1819, 1845, 1847, 1848, 1864, 1903, 1938, 1956, 2001 ರಲ್ಲಿ ಪ್ರಮುಖ ಭೂಕಂಪಗಳು ಸಂಭವಿಸಿವೆ. ಈ ಪೈಕಿ 2001ರಲ್ಲಿ ಕಚ್ ಪ್ರದೇಶದಲ್ಲಿ ಸಂಭವಿಸಿದ ಭೂಕಂಪದಲ್ಲಿ 13,800 ಮಂದಿ ಸಾವನ್ನಪ್ಪಿದ್ದರೆ, 1.67 ಲಕ್ಷ ಜನರು ಗಂಭೀರವಾಗಿ ಗಾಯಗೊಂಡಿದ್ದರು. ಈ ಭೂಕಂಪವು ವಿಶ್ವದ ಮೂರನೇ ಅತಿದೊಡ್ಡ ಭೂಕಂಪವಾಗಿದೆ ಮತ್ತು ಭಾರತದಲ್ಲಿ ಎರಡನೇ ಅತ್ಯಂತ ವಿನಾಶಕಾರಿ ಭೂಕಂಪವಾಗಿದೆ.

Earthquake Hits Gujarat Surat

Follow us On

Advertisement