ರಾಹುಲ್ ಬ್ರಿಟನ್ ಪ್ರವಾಸಕ್ಕೆ ರಾಜಕೀಯ ಅನುಮತಿ ಅಗತ್ಯವಿಲ್ಲ: ಕಾಂಗ್ರೆಸ್

ನವದೆಹಲಿ: ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ (Rahul Gandhi) ಅವರ ಇತ್ತೀಚಿನ ಬ್ರಿಟನ್ ಭೇಟಿಗೆ (Uk Visit) ರಾಜಕೀಯ ಅನುಮೋದನೆ ನೀಡಲಾಗಿಲ್ಲ ಎಂಬ ಸರ್ಕಾರದ ಹೇಳಿಕೆಯನ್ನು ಕಾಂಗ್ರೆಸ್ ಪಕ್ಷ ಗುರುವಾರ ತಿರಸ್ಕರಿಸಿದೆ (Not Require Political Clearance).

ಈ ಹಿಂದೆ ಭಾರತ ವಿರೋಧಿ ಹೇಳಿಕೆಗಳನ್ನು ನೀಡಿದ್ದ ಬ್ರಿಟಿಷ್ ಕಾರ್ಮಿಕ ನಾಯಕ ಹಾಗೂ ಸಂಸದ ಜೆರೆಮಿ ಕಾರ್ಬಿನ್ ಅವರನ್ನು ರಾಹುಲ್ ಭೇಟಿಯಾದ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಈ ಹೇಳಿಕೆ ನೀಡಿದೆ. ರಾಹುಲ್ ಬ್ರಿಟನ್ ಭೇಟಿಗೆ ರಾಜಕೀಯ ಅನುಮತಿ ಪಡೆದಿಲ್ಲ ಎಂದು ಹಿರಿಯ ಅಧಿಕಾರಿಗಳು ಹೇಳಿದ್ದಾರೆ.

ಸರ್ಕಾರದ ಟೀಕೆಗಳನ್ನು ತಿರಸ್ಕರಿಸಿರುವ ಕಾಂಗ್ರೆಸ್, ರಾಹುಲ್ ಗಾಂಧಿ ಬ್ರಿಟನ್‌ಗೆ ಭೇಟಿ ನೀಡಲು ಅನುಮತಿ ಅಗತ್ಯವಿಲ್ಲ ಎಂದು ಸ್ಪಷ್ಟಪಡಿಸಿದೆ. ರಾಹುಲ್ ಗಾಂಧಿ ಎಫ್‌ಸಿಆರ್‌ಎ ಅನುಮೋದನೆ ಪಡೆದಿದ್ದು, ಅವರ ರಾಜಕೀಯ ಅನುಮತಿ ಅಗತ್ಯವಿಲ್ಲ ಎಂದು ಕಾಂಗ್ರೆಸ್ ವಕ್ತಾರ ರಣದೀಪ್ ಸುರ್ಜಿವಾಲಾ ಹೇಳಿದ್ದಾರೆ. ಬಿಜೆಪಿಯವರು ಉದ್ದೇಶಪೂರ್ವಕವಾಗಿ ಈ ವಿಷಯ ಪ್ರಸ್ತಾಪಿಸುತ್ತಿದ್ದಾರೆ ಎಂದರು.

Congress Says Rahul Gandhi Did Not Require Political Clearance For Uk Visit

Follow us On