ವಿಮಾನ ನಿಲ್ದಾಣದಲ್ಲಿ ಲ್ಯಾಂಡಿಂಗ್ ವೇಳೆ ವಿಮಾನದ ಇಂಜಿನ್ ವಿಫಲ

ನವದೆಹಲಿ: ವಿಮಾನ ನಿಲ್ದಾಣದಲ್ಲಿ ಲ್ಯಾಂಡಿಂಗ್ ವೇಳೆ ವಿಮಾನದ ಇಂಜಿನ್ ವಿಫಲವಾಗಿದೆ. ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಮಂಗಳವಾರ ಈ ಘಟನೆ ನಡೆದಿದೆ. ವಿಸ್ತಾರಾ ಏರ್‌ಲೈನ್ಸ್ ಏರ್‌ಬಸ್ ಎ320 ಫ್ಲೈಟ್ ಯುಕೆ-122 ಮಂಗಳವಾರ ಸಂಜೆ ಬ್ಯಾಂಕಾಕ್‌ನಿಂದ ದೆಹಲಿಗೆ ಆಗಮಿಸಿದೆ. ಆದರೆ ವಿಮಾನ ನಿಲ್ದಾಣದಲ್ಲಿ ಇಳಿದಾಗ, ಎಂಜಿನ್ ವಿಫಲವಾಯಿತು. ಪೈಲಟ್‌ಗಳು ಏರ್ ಟ್ರಾಫಿಕ್ ಕಂಟ್ರೋಲ್ ಅನ್ನು ಸಂಪರ್ಕಿಸಿದರು. ಟೋಯಿಂಗ್ ವಾಹನ ಸಹಾಯಕ್ಕಾಗಿ ಕರೆಯಲಾಯಿತು.

ಏತನ್ಮಧ್ಯೆ, ವಿಸ್ತಾರಾ ಏರ್‌ಲೈನ್ಸ್ ಬುಧವಾರ ಈ ವಿಷಯವನ್ನು ಬಹಿರಂಗಪಡಿಸಿದೆ. “ಜುಲೈ 5 ರಂದು, ನಮ್ಮ ಯುಕೆ 122 (ಬ್ಯಾಂಕಾಕ್-ದೆಹಲಿ) ವಿಮಾನವು ದೆಹಲಿಯಲ್ಲಿ ಇಳಿದ ನಂತರ ಪಾರ್ಕಿಂಗ್ ಸ್ಥಳ ಸಮೀಪಿಸುತ್ತಿರುವಾಗ ಎಂಜಿನ್‌ನಲ್ಲಿ ಸಣ್ಣ ವಿದ್ಯುತ್ ದೋಷವನ್ನು ಅನುಭವಿಸಿತು. ಪ್ರಯಾಣಿಕರ ಸುರಕ್ಷತೆ ಮತ್ತು ಸೌಕರ್ಯವನ್ನು ಗಮನದಲ್ಲಿಟ್ಟುಕೊಂಡು, ನಮ್ಮ ಸಿಬ್ಬಂದಿ ವಿಮಾನವನ್ನು ಪಾರ್ಕಿಂಗ್ ಬೇ ಗೆ ಕೊಂಡೊಯ್ಯಲು ಟೋಯಿಂಗ್ ವಾಹನವನ್ನು ಆಯ್ಕೆ ಮಾಡಿದ್ದಾರೆ,” ಎಂದು ಹೇಳಿಕೆ ತಿಳಿಸಿದೆ.

plane engine failed On landing at the airport

Follow us On