21ರಿಂದ ಎರಡು ದಿನಗಳ ಕಾಲ ಪ್ರಧಾನಿ ಮೋದಿ ಕುವೈತ್ ಪ್ರವಾಸ
PM Modi Kuwait Visit on Dec 21 : ಕುವೈತ್ನ ಆಹ್ವಾನದ ಮೇರೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಎರಡು ದಿನಗಳ ಅಧಿಕೃತ ಭೇಟಿಗಾಗಿ ಡಿಸೆಂಬರ್ 21 ರಿಂದ ಕುವೈತ್ ದೇಶಕ್ಕೆ ಎರಡು ದಿನಗಳ ಕಾಲ ಭೇಟಿ ನೀಡಲಿದ್ದಾರೆ.
ಕುವೈತ್ನ (Kuwait) ಆಹ್ವಾನದ ಮೇರೆಗೆ ಪ್ರಧಾನಿ ನರೇಂದ್ರ ಮೋದಿ (Prime Minister Narendra Modi) ಅವರು ಎರಡು ದಿನಗಳ ಅಧಿಕೃತ ಭೇಟಿಗಾಗಿ ಡಿಸೆಂಬರ್ 21 ರಿಂದ ಕುವೈತ್ ದೇಶಕ್ಕೆ ಎರಡು ದಿನಗಳ ಕಾಲ ಭೇಟಿ ನೀಡಲಿದ್ದಾರೆ.
ಪ್ರಧಾನಿ ಮೋದಿ ತಮ್ಮ ಭೇಟಿಯ ಭಾಗವಾಗಿ ಭಾರತೀಯ ಸಮುದಾಯ ಸಂಘಟನೆಗಳನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ಇದೇ ತಿಂಗಳ 22ರಂದು ಕುವೈತ್ನ ಉನ್ನತ ಅಧಿಕಾರಿಗಳೊಂದಿಗೆ ಅಧಿಕೃತ ಚರ್ಚೆ ನಡೆಸಲಿದ್ದಾರೆ. ಕುವೈತ್ ನಲ್ಲಿ ಸುಮಾರು 10 ಲಕ್ಷ ಭಾರತೀಯರು ವಾಸಿಸುತ್ತಿದ್ದಾರೆ. 2014 ರಲ್ಲಿ ಪ್ರಧಾನಿಯಾಗಿ ಅಧಿಕಾರ ವಹಿಸಿಕೊಂಡ ನಂತರ ಮೋದಿ ಭೇಟಿ ನೀಡದ ಏಕೈಕ ಜಿಸಿಸಿ ಸದಸ್ಯ ರಾಷ್ಟ್ರ ಕುವೈತ್.
1981ರಲ್ಲಿ ಕುವೈತ್ಗೆ ಭೇಟಿ ನೀಡಿದ ಕೊನೆಯ ಭಾರತೀಯ ಪ್ರಧಾನಿ ಇಂದಿರಾ ಗಾಂಧಿ. 43 ವರ್ಷಗಳ ನಂತರ ಪ್ರಧಾನಿಯವರ ಕುವೈತ್ ಭೇಟಿ ನಡೆಯುತ್ತಿದೆ. ಭಾರತ ಮತ್ತು ಕುವೈತ್ ಆಳವಾದ ಐತಿಹಾಸಿಕ ಸಂಬಂಧಗಳು, ಕಾರ್ಯತಂತ್ರದ ಪ್ರಾಮುಖ್ಯತೆ ಮತ್ತು ಬಲವಾದ ದ್ವಿಪಕ್ಷೀಯ ಸಂಬಂಧಗಳನ್ನು ಹೊಂದಿವೆ. ಕುವೈತ್ ಇಂಧನ ಸಹಕಾರದಲ್ಲಿ ಪ್ರಮುಖ ಪಾಲುದಾರ ಮಾತ್ರವಲ್ಲದೆ ದೇಶದ ಉದ್ಯೋಗಿಗಳ ಬೆನ್ನೆಲುಬಾಗಿರುವ ದೊಡ್ಡ ಭಾರತೀಯ ವಲಸಿಗ ಸಮುದಾಯವನ್ನು ಸಹ ಹೊಂದಿದೆ.
PM Modi to Visit Kuwait for Two-Day Official Trip from December 21