ಖಾಸಗಿ ಕಂಪನಿ ಬಸ್ನಲ್ಲಿ ಬೆಂಕಿ, ನಾಲ್ವರು ಉದ್ಯೋಗಿಗಳು ಸಜೀವ ದಹನ
ಮಹಾರಾಷ್ಟ್ರದ ಪಿಂಪ್ರೀ-ಚಿಂಚ್ವಾಡ್ನಲ್ಲಿ ಭೀಕರ ಘಟನೆ. ಕಂಪನಿಗೆ ತೆರಳುತ್ತಿದ್ದ ಬಸ್ ಬೆಂಕಿಗಾಹುತಿಯಾಗಿ ನಾಲ್ವರು ಸಾವನ್ನಪ್ಪಿದ್ದಾರೆ. ಇನ್ನಷ್ಟು ಮಂದಿ ಗಾಯಗೊಂಡಿದ್ದು, ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲಾಗಿದೆ.
- ಬಸ್ನಲ್ಲಿ ಬೆಂಕಿ ನಾಲ್ವರು ಸ್ಥಳದಲ್ಲೇ ಸಜೀವ ದಹನ
- ಐವರು ಗಂಭೀರ ಗಾಯ – ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ
- ಮುಂದುವರಿದ ಪೊಲೀಸ್ ತನಿಖೆ
ಮಹಾರಾಷ್ಟ್ರದ ಪಿಂಪ್ರೀ-ಚಿಂಚ್ವಾಡ್(Pimpri-Chinchwad) ನಲ್ಲಿ ಭೀಕರ ಅಪಘಾತ ಸಂಭವಿಸಿದೆ. ಪ್ರೈವೇಟ್ ಕಂಪನಿಯ (Private Company) ಬಸ್ನಲ್ಲಿ ಇದ್ದಕಿದ್ದಂತೆ ಬೆಂಕಿ ಕಾಣಿಸಿಕೊಂಡಿದ್ದು, ನಾಲ್ವರು ಉದ್ಯೋಗಿಗಳು (Employees) ಸಜೀವ ದಹನಗೊಂಡಿದ್ದಾರೆ.
ಬುಧವಾರ ಬೆಳಗ್ಗೆ 7 ಗಂಟೆ ಸುಮಾರಿಗೆ ಈ ದುರ್ಘಟನೆ ನಡೆದಿದೆ. 12 ಮಂದಿ ಉದ್ಯೋಗಿಗಳು ವ್ಯೋಮಾ ಗ್ರಾಫಿಕ್ಸ್ (Vyoma Graphics) ಗೆ ತೆರಳುತ್ತಿದ್ದರು.
ಡಸ್ಸಾಲ್ಟ್ ಸಿಸ್ಟಮ್ಸ್ (Dassault Systems) ಸಮೀಪ ಬಸ್ನಲ್ಲಿ ಬೆಂಕಿ ಕಾಣಿಸಿಕೊಂಡಿತು. ಚಾಲಕ ಎಚ್ಚರಗೊಂಡು ಬಸ್ಸಿನ ವೇಗವನ್ನು ಕಡಿಮೆ ಮಾಡಿದ. ಆದರೆ, ಬೆಂಕಿ ಬಸ್ಸಿನ ಮುಂಭಾಗಕ್ಕೂ ವ್ಯಾಪಿಸಿತು. ಮುಂಭಾಗದಲ್ಲಿ ಬೆಂಕಿ ಹರಡಿದ ಕಾರಣ ಸಂಪೂರ್ಣ ನಿಯಂತ್ರಣಕ್ಕೆ ತರಲು ಸಾಧ್ಯವಾಗಿಲ್ಲ. ಸಕಾಲದಲ್ಲಿ ಹೊರಬರಲು ಪ್ರಯತ್ನಿಸಿದ ನಾಲ್ವರು ಬರಲಾಗದೆ ಸಜೀವ ದಹನವಾಗಿದ್ದು, ಇನ್ನೂ ಐವರು ಗಂಭೀರ ಗಾಯಗೊಂಡಿದ್ದಾರೆ.
ಪೊಲೀಸರು ಮತ್ತು ಅಗ್ನಿಶಾಮಕ (Fire Brigade) ಸಿಬ್ಬಂದಿ ಕೂಡಲೇ ಸ್ಥಳಕ್ಕೆ ಧಾವಿಸಿ ಬೆಂಕಿ ನಂದಿಸಿದರು. ಗಾಯಗೊಂಡ ಐವರನ್ನು ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಬೆಂಕಿ ಅಪಘಾತಕ್ಕೆ ನಿಜವಾದ ಕಾರಣವೇನು ಎಂಬುದರ ಬಗ್ಗೆ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ. ಘಟನೆಯ ಕುರಿತು ಪ್ರಕರಣ ದಾಖಲಿಸಲಾಗಿದ್ದು, ತನಿಖೆ ನಡೆಯುತ್ತಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
Private Bus Catches Fire, Four Employees Burnt Alive
