ಪಹಲ್ಗಾಮ್ ದಾಳಿ: ಕಾಂಗ್ರೆಸ್ ನಾಯಕರಿಗೆ ರಾಹುಲ್ ಗಾಂಧಿ ಖಡಕ್ ವಾರ್ನಿಂಗ್

ಪಹಲ್ಗಾಮ್ ಉಗ್ರ ದಾಳಿಯ (Pahalgam terrorist attack) ಬಳಿಕ ಕಾಂಗ್ರೆಸ್ ನಾಯಕರು (Congress Leaders) ಒಬ್ಬರಿಗೊಬ್ಬರು ವಿಭಿನ್ನ ಹೇಳಿಕೆಗಳನ್ನು ನೀಡುತ್ತಿದ್ದು, ಪಕ್ಷದ ಒಳಗಡೆ ಗದ್ದಲ ಮೂಡಿಸಿದೆ. ಯುದ್ಧವನ್ನು ವಿರೋಧಿಸುವವರು, ಶಾಂತಿಯ ಮಾತು ಮಾತನಾಡುವವರು, ಸಿಂಧೂ ನೀರಿನ ವಿಚಾರದಲ್ಲಿ ಅಭಿಪ್ರಾಯ ನೀಡುವವರು.. ಹೀಗೆ ಹಲವರ ಹೇಳಿಕೆಗಳು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯನ್ನು (Rahul Gandhi) ಕಿರಿಕಿರಿ ಮಾಡಿವೆ.

ಇದರಿಂದ ಬೇಸರಗೊಂಡ ರಾಹುಲ್ ಗಾಂಧಿ, ನಾಯಕರಿಗೆ ಪಹಲ್ಗಾಮ್ ಉಗ್ರದಾಳಿಯ ಬಗ್ಗೆ “ಪಕ್ಷದ ಲೈನ್ ಮೀರಿ ಹೇಳಿಕೆ ನೀಡಬೇಡಿ” ಎಂದು ತಾಕೀತಾಗಿ ಎಚ್ಚರಿಕೆ ನೀಡಿದ್ದಾರೆ.

ದೇಶದ ಭದ್ರತೆ ಸಂಬಂಧಿಸಿದ ವಿಷಯದಲ್ಲಿ ಸ್ವಂತ ಅಭಿಪ್ರಾಯ ಹೇಳುವುದನ್ನು ತಡೆಯಲು, ತಾವು ಮತ್ತು ಖರ್ಗೆ ನೀಡಿರುವ ಹೇಳಿಕೆಯನ್ನು ಮಾತ್ರ ಪಾಲಿಸಬೇಕು ಎಂದು ಖಡಕ್ ಸೂಚನೆ ನೀಡಿದ್ದಾರೆ.

ಇದಕ್ಕೂ ಮುನ್ನ, ಕರ್ನಾಟಕ ಮುಖ್ಯಮಂತ್ರಿ ಸಿದ್ಧರಾಮಯ್ಯ, ಕಾಂಗ್ರೆಸ್ ಹಿರಿಯ ನಾಯಕ ಶಶಿ ತರೂರ್ ಮತ್ತು ಸೈಫುದ್ದೀನ್ ಸೌಜ್ ವಿವಾದಾತ್ಮಕ ಹೇಳಿಕೆಗಳ ಮೂಲಕ ಪಕ್ಷಕ್ಕೆ ತೊಂದರೆ ತಂದಿದ್ದಾರೆ. ಪಾಕಿಸ್ತಾನ ಜೊತೆ ಯುದ್ಧ ವಿರೋಧಿಸಿ, ಶಾಂತಿಯನ್ನು ಬಯಸುತ್ತಿರುವಂತೆ ಸಿದ್ದರಾಮಯ್ಯ ಹೇಳಿದರೆ, ಶಶಿ ತರೂರ್ ತೀವ್ರ ಹೋರಾಟಕ್ಕೆ ಪ್ರೋತ್ಸಾಹಿಸಿದರು. ಸಿಂಧೂ ನೀರಿನ ತಡೆ ಬಗ್ಗೆ ಸೌಜ್ ಸೇರಿದಂತೆ ಪಕ್ಷದ ನಾಯಕರು ವಿಭಿನ್ನ ಹೇಳಿಕೆಗಳನ್ನು ನೀಡಿದ್ದರು.

ಈ ಹಿನ್ನಲೆಯಲ್ಲಿ ರಾಹುಲ್ ಗಾಂಧಿ ತಕ್ಷಣವೇ ನಿರ್ಧಾರ ಕೈಗೊಂಡಿದ್ದು, ಇನ್ನು ಮುಂದೆ ನಾಯಕರಿಂದ ಅನಾವಶ್ಯಕ ಮಾತು ಹೊರಬರದಂತೆ ಕಟ್ಟುನಿಟ್ಟಿನ ನಿಯಮ ಜಾರಿಗೊಳಿಸಿದ್ದಾರೆ.

ಈ ಎಲ್ಲ ಪ್ರಕ್ರಿಯೆಯಲ್ಲಿ, ಪಕ್ಷದ ಶಿಸ್ತನ್ನು ಕಾಯ್ದುಕೊಳ್ಳುವುದು ರಾಹುಲ್ ಗಾಂಧಿಗೆ ಸವಾಲಾಗಿ ಪರಿಣಮಿಸಿದ್ದು, ಈಗಿನ ತುರ್ತು ಕ್ರಮಗಳು ಕಾಂಗ್ರೆಸ್‌ನ ಭವಿಷ್ಯಕ್ಕೆ ಮುಖ್ಯವಾದ ನಿರ್ಧಾರವೆಂದು ಪಕ್ಷ ಚಿಂತಿಸಿದೆ.

Rahul Gandhi Strict Warning to Congress Leaders

English Summary▼

After the Pahalgam terrorist attack, several Congress leaders made individual statements which created confusion and controversy within the party. Rahul Gandhi, displeased by these incidents, has strictly warned all leaders not to cross the official party line and to avoid making personal comments on national security matters.

Notable figures like Karnataka CM Siddaramaiah, senior leader Shashi Tharoor, and former union minister Saifuddin Soz had made conflicting remarks. In response, Rahul Gandhi emphasized that only the statements made by himself and Mallikarjun Kharge are to be considered final, signaling a push for greater discipline within the Congress party.