ಅಡುಗೆ ಎಣ್ಣೆ ಬೆಲೆ ಇಳಿಕೆಗೆ ಕೇಂದ್ರ ಸರ್ಕಾರ ಸೂಚನೆ
ನವದೆಹಲಿ : ಅಡುಗೆ ಎಣ್ಣೆ ಬೆಲೆ ಗಗನಕ್ಕೇರುತ್ತಿರುವ ಹಿನ್ನೆಲೆ ಕೇಂದ್ರ ಸರಕಾರ ಇದೀಗ ಬೆಲೆ ಇಳಿಕೆ ಮಾಡುವಂತೆ ತಯಾರಕರನ್ನು ಕೇಳಿದೆ. ಅಂತಾರಾಷ್ಟ್ರೀಯ ಬೆಲೆ ಕುಸಿತದ ಹಿನ್ನೆಲೆಯಲ್ಲಿ ಆಮದು ಮಾಡಿಕೊಳ್ಳುವ ಅಡುಗೆ ಎಣ್ಣೆಯ ಎಂಆರ್ಪಿಯನ್ನು ಒಂದು ವಾರದೊಳಗೆ ಲೀಟರ್ಗೆ ರೂ.10 ಇಳಿಕೆ ಮಾಡಲು ಸೂಚಿಸಲಾಗಿದೆ.
ಅದೇ ರೀತಿ, ಅದೇ ಬ್ರಾಂಡ್ ತೈಲಗಳಿಗೆ ಅದೇ MRP ಅನ್ನು ಖಚಿತಪಡಿಸಿಕೊಳ್ಳಬೇಕು ಎಂದು ಉಲ್ಲೇಖಿಸಲಾಗಿದೆ. ಅಂತಾರಾಷ್ಟ್ರೀಯ ಬೆಲೆ ಕುಸಿತದ ಹಿನ್ನೆಲೆಯಲ್ಲಿ ಆಹಾರ ಸಚಿವಾಲಯದ ಕಾರ್ಯದರ್ಶಿ ಸುದಾಂಶು ಪಾಂಡೆ ಅಡುಗೆ ಎಣ್ಣೆ ತಯಾರಕರ ಸಂಘಗಳೊಂದಿಗೆ ಸಭೆ ನಡೆಸಿದರು. ಪ್ರಸ್ತುತ ಸ್ಥಿತಿಗತಿಗಳು, ಎಂಆರ್ಪಿ ಇಳಿಕೆ ಕುರಿತು ಚರ್ಚಿಸಲಾಯಿತು.
ಕಳೆದ ವಾರದಲ್ಲಿ ಅಂತರಾಷ್ಟ್ರೀಯ ಬೆಲೆಗಳು ಶೇಕಡಾ 10 ರಷ್ಟು ಕಡಿಮೆಯಾಗಿದೆ ಮತ್ತು ಅದಕ್ಕೆ ಅನುಗುಣವಾಗಿ MRP ಗಳನ್ನು ಕಡಿಮೆ ಮಾಡಲು ಅವರು ಕೇಳಿಕೊಂಡಿದ್ದಾರೆ ಎಂದು ಪಾಂಡೆ ಹೇಳಿದ್ದಾರೆ.
ಇದಕ್ಕಾಗಿ ಬಹುತೇಕ ತಯಾರಕರು ಒಂದು ವಾರದಲ್ಲಿ ತಾಳೆ ಎಣ್ಣೆ, ಸೋಯಾಬೀನ್ ಮತ್ತು ಸೂರ್ಯಕಾಂತಿ ಎಣ್ಣೆಗಳ ಮೇಲೆ 10 ರೂ.ವರೆಗೆ ಕಡಿತಗೊಳಿಸುವುದಾಗಿ ಭರವಸೆ ನೀಡಿದ್ದಾರೆ. ನಮ್ಮ ದೇಶವು ತನ್ನ ಅಡುಗೆ ಎಣ್ಣೆಯ ಶೇಕಡಾ 60 ಕ್ಕಿಂತ ಹೆಚ್ಚು ಆಮದು ಮಾಡಿಕೊಳ್ಳುತ್ತದೆ. ಜಾಗತಿಕ ಮಾರುಕಟ್ಟೆಯಲ್ಲಿನ ಪರಿಸ್ಥಿತಿಯಿಂದಾಗಿ ಕಳೆದ ಕೆಲವು ತಿಂಗಳುಗಳಿಂದ ತೈಲ ಬೆಲೆಯು ಏರಿಕೆಯಾಗಿದೆ.
Reduce the price of cooking oil by Rs.10
