ರಾಷ್ಟ್ರಧ್ವಜ ಖರೀದಿಸಿದರೆ ಮಾತ್ರ ರೇಷನ್!

ರಾಷ್ಟ್ರಧ್ವಜ ಖರೀದಿಸಿದ ನಂತರ ಪಡಿತರ ನೀಡುವುದಕ್ಕಿಂತ ನಾಚಿಕೆಗೇಡಿನ ಸಂಗತಿ ಮತ್ತೊಂದಿಲ್ಲ ಎಂದು ಬಿಜೆಪಿ ಸಂಸದ ವರುಣ್ ಗಾಂಧಿ ಕೇಂದ್ರದ ಬಿಜೆಪಿ ಸರಕಾರದ ವಿರುದ್ಧ ವಾಗ್ದಾಳಿ ನಡೆಸಿದರು.

ನವದೆಹಲಿ : ರಾಷ್ಟ್ರಧ್ವಜ ಖರೀದಿಸಿದ ನಂತರ ಪಡಿತರ ನೀಡುವುದಕ್ಕಿಂತ ನಾಚಿಕೆಗೇಡಿನ ಸಂಗತಿ ಮತ್ತೊಂದಿಲ್ಲ ಎಂದು ಬಿಜೆಪಿ ಸಂಸದ ವರುಣ್ ಗಾಂಧಿ ಕೇಂದ್ರದ ಬಿಜೆಪಿ ಸರಕಾರದ ವಿರುದ್ಧ ವಾಗ್ದಾಳಿ ನಡೆಸಿದರು. ಹರಿಯಾಣದ ಕೆಲವೆಡೆ ಪಡಿತರಕ್ಕಾಗಿ ತೆರಳಿದ್ದ ಬಡವರಿಂದ ರಾಷ್ಟ್ರಧ್ವಜಕ್ಕೆ ರೂ.20 ವಸೂಲಿ ಮಾಡುತ್ತಿರುವ ವಿಡಿಯೋವನ್ನು ಬುಧವಾರ ಟ್ವಿಟರ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಪ್ರತಿಯೊಬ್ಬ ಭಾರತೀಯನ ಹೃದಯದಲ್ಲಿ ತ್ರಿವರ್ಣ ಧ್ವಜವಿದೆ ಎಂದ ಅವರು, ಆದರೆ ರಾಷ್ಟ್ರಧ್ವಜ ಖರೀದಿಸದಿದ್ದರೆ ಪಡಿತರ ನೀಡುವುದಿಲ್ಲ ಎಂದು ಹೇಳುತ್ತಿರುವುದು ಅತಿರೇಕದ ಸಂಗತಿ. ಪಡಿತರ ಚೀಟಿದಾರರು ಬಲವಂತವಾಗಿ ರಾಷ್ಟ್ರಧ್ವಜ ಖರೀದಿಸುತ್ತಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

varun gandhi said ration only if you buy the national flag