ಪ್ರಿಯಕರನ ಜೊತೆ ಸೇರಿ ಗಂಡನ ಕೊಂದ ಹೆಂಡತಿಗೆ ಜೀವಾವಧಿ ಶಿಕ್ಷೆ
ವಿವಾಹೇತರ ಸಂಬಂಧಕ್ಕೆ ಪತಿ ಅಡ್ಡಿಯಾದಾಗ ಕೊಂದ, ಆರೋಪಿ ಪತ್ನಿ ಮತ್ತು ಪ್ರಿಯಕರನಿಗೆ ಹೋಸೂರು ನ್ಯಾಯಾಲಯದಿಂದ ಜೀವಾವಧಿ ಶಿಕ್ಷೆ
- ಪತಿಯ ವಿರುದ್ಧ ಸಂಚು ನಡೆಸಿ ಪ್ರಿಯಕರ ಸಹಾಯದಿಂದ ಹತ್ಯೆ
- ಮರಣವನ್ನು ಆಕಸ್ಮಿಕವೆಂದು ನಾಟಕವಾಡಿದ ಪತ್ನಿ
- ನ್ಯಾಯಾಲಯದಲ್ಲಿ ಆರೋಪಿಗಳು ದೋಷಿ ಎಂದು ತೀರ್ಪು, ಜೀವಾವಧಿ ಶಿಕ್ಷೆ
ಹೋಸೂರು ಹತ್ತಿರದ ಡೆಂಕಣಿಕೋಟೆ ತಾಲೂಕಿನ ಉಣಿಸೆಟ್ಟಿ ಗ್ರಾಮದ ನಿವಾಸಿ ಅಯ್ಯಪ್ಪ (Ayyappa), ಪಿಕಪ್ ವಾಹನ ಚಾಲಕರಾಗಿದ್ದರು. ಕೃಷಿ ಉತ್ಪನ್ನಗಳನ್ನು ಮಾರುಕಟ್ಟೆಗೆ ಸಾಗಿಸುವ ಉದ್ಯೋಗದಲ್ಲಿ ತೊಡಗಿಸಿಕೊಂಡಿದ್ದ ಅವರು, ಈ ಕೆಲಸಕ್ಕೆ ತಮ್ಮ ದೂರದ ಸಂಬಂಧಿ ತಂಗಮಣಿ (Thangamani) ಅವರ ಸಹಾಯ ಪಡೆದುಕೊಳ್ಳುತ್ತಿದ್ದರು. ತಂಗಮಣಿ ಆಗಾಗ ಅವರ ಮನೆಗೆ ಹೋಗಿಬರುತ್ತಿದ್ದರು, ಇದೇ ಹತ್ಯೆಯ ಮೂಲ ಆಗುತ್ತೆ ಅಂತ ಅಯ್ಯಪ್ಪನಿಗೆ ಗೊತ್ತೇ ಆಗಿರಲಿಲ್ಲ.
ಅಯ್ಯಪ್ಪ ಅವರ ಪತ್ನಿ ರೂಪ (Roopa) ಮತ್ತು ತಂಗಮಣಿ ನಡುವೆ ಸುದೀರ್ಘ ಸಮಯದಿಂದ ಅಕ್ರಮ ಸಂಬಂಧವಿತ್ತು. ಈ ಸಂಗತಿ ಅಯ್ಯಪ್ಪಗೆ ಗೊತ್ತಾದಾಗ ಪತ್ನಿಯನ್ನು ಪ್ರಶ್ನಿಸಿದರು. ಇದರಿಂದ ಕೋಪಗೊಂಡರೂಪ ಮತ್ತು ತಂಗಮಣಿ, ಅಯ್ಯಪ್ಪನನ್ನು ಕೊಲ್ಲಲು ನಿರ್ಧಾರ ಕೈಗೊಂಡರು. 2021ರ ಅಕ್ಟೋಬರ್ 21ರಂದು ಪತಿಯನ್ನು ಮದ್ಯ ಸೇವಿಸಲು ಪ್ರೇರೇಪಿಸಿ, ಗಲಾಟೆ ಶುರುಮಾಡಿ ಕೊಲೆಗೈದರು.
ಇದನ್ನೂ ಓದಿ: ಇಂಜಿನಿಯರಿಂಗ್ ವಿದ್ಯಾರ್ಥಿನಿ ಮೇಲೆ ಹರಿದ ಕ್ಯಾನ್ಟರ್ ಲಾರಿ, ಸ್ಥಳದಲ್ಲೇ ಸಾವು
ಅಯ್ಯಪ್ಪ ಅವರ ಪತ್ನಿ, ಈ ಕೊಲೆಯನ್ನು ಆತ್ಮಹತ್ಯೆ ಎಂದು ತೋರಿಸಲು ಪ್ರಯತ್ನಿಸಿದರು. ಮದ್ಯದ ನಿಶೆಯಲ್ಲಿ ಇದ್ದ ಆತನ ಕತ್ತು (throat) ಕತ್ತರಿಸಿಕೊಂಡು ಸಾವನ್ನಪ್ಪಿರುವಂತೆ ನಾಟಕವಾಡಿದರು. ಆದರೆ, ಪೊಲೀಸರು ನಡೆಸಿದ ಸುಕ್ಷ್ಮ ತನಿಖೆಯಲ್ಲಿ ನಿಜ ಹೊರಬಿದ್ದಿತ್ತು. ತಕ್ಷಣವೇ ಇಬ್ಬರನ್ನೂ ಬಂಧಿಸಲಾಗಿತ್ತು, ಪ್ರಕರಣ ಹೋಸೂರು ನ್ಯಾಯಾಲಯಕ್ಕೆ ಹೋಗಿ, ಈಗ ಪತ್ನಿ ಮತ್ತು ಪ್ರಿಯಕರನಿಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ.
Wife and Lover Get Life Sentence for Husband’s Murder
