ಸೊಳ್ಳೆಗಳಿಂದ ರಕ್ಷಣೆ ನೀಡುವ ಮನೆಗಿಡಗಳು! ಈ ಗಿಡ ನೆಟ್ಟರೆ ಸಾಕು ಸೊಳ್ಳೆ ಬರಲ್ಲ

• ಈ ಗಿಡಗಳು ಮನೆಯ ಒಳಗೆ-ಹೊರಗೆ ಸೊಳ್ಳೆ ತಡೆಗೆ ಸಹಕಾರಿ
• ತೀವ್ರವಾದ ನೈಸರ್ಗಿಕ ವಾಸನೆಯಿಂದ ಕೀಟ ತಡೆ ಸಾಧ್ಯ
• ರಾಸಾಯನಿಕ ಉಪಯೋಗವಿಲ್ಲದೆ ಆರೋಗ್ಯಪೂರ್ಣ ಪರಿಹಾರ

ಮಳೆಗಾಲ ಶುರುವಾಗಿದೆ ಅಂದ್ರೆ ಸೊಳ್ಳೆಗಳ ಬಿಸಿ ಮುಟ್ಟಲೇ ಬೇಕು. ಈ ಸಮಯದಲ್ಲಿ ಹೆಚ್ಚಿನವರು ಮನೆಗಳಲ್ಲಿ ಗಿಡಗಳನ್ನು (indoor plants) ಬೆಳೆಸುವ ಆಸೆಯಲ್ಲಿ ಹಲವಾರು ಗಿಡಗಳನ್ನು ನೆಡುವುದು ಸಾಮಾನ್ಯ.

ಆದರೆ ಕೆಲವೊಂದು ಗಿಡಗಳು ನಿಮ್ಮ ಮನೆಗೆ ಅಸಾಧಾರಣ ಸೇವೆ ಮಾಡುತ್ತವೆ – ಸೊಳ್ಳೆಗಳನ್ನು ದೂರ ಇಡುವ ಕೆಲಸ ಮಾಡುತ್ತವೆ!

ಹೌದು, ಕೆಲ ಗಿಡಗಳಲ್ಲಿ ಇರುವ ವಿಶಿಷ್ಟ ಗಂಧಗಳು ಸೊಳ್ಳೆಗಳನ್ನ ಬರದಂತೆ ಮಾಡುತ್ತವೆ. ಇವುಗಳನ್ನು ಮನೆ ಬಾಗಿಲು, ಕಿಟಕಿ, ಬಾಲ್ಕನಿ ಅಥವಾ ಹೊರಾಂಗಣದಲ್ಲಿ ನೆಟ್ಟರೆ ಸೊಳ್ಳೆ (mosquitoes) ತಿರುಗಿ ನೋಡಲ್ಲ. ಇದರ ಜೊತೆಗೆ ನಿಮ್ಮ ಮನೆಗೂ ನೈಸರ್ಗಿಕ ಸೌಂದರ್ಯ ಹೆಚ್ಚಾಗುತ್ತದೆ.

1. ಗೊಂಡೆ ಹೂ (Marigold plant):

ಇದು ಹಬ್ಬದ ದಿನಗಳಲ್ಲಿ ಮನೆ ಅಲಂಕರಣಕ್ಕೆ ಬಳಸುವ ಸಾಮಾನ್ಯ ಹೂವಷ್ಟೆ ಅಲ್ಲ. ಇದರ ತೆಳುವಾದ ಸಿಟ್ರಸ್ ವಾಸನೆಯು ಕೀಟಗಳನ್ನು ತಡೆಯುವ ಶಕ್ತಿಯಿದೆ. ಬಾಗಿಲು, ಕಿಟಕಿ ಹತ್ತಿರ ಈ ಗಿಡವನ್ನು ಇಟ್ಟರೆ ಸೊಳ್ಳೆ ಸಂತಾನವೃದ್ಧಿಗೆ ತಡೆ ಸಿಗುತ್ತದೆ.

2. ತುಳಸಿ (Tulsi plant):

ಆಧ್ಯಾತ್ಮದ ಜೊತೆಗೆ ಆರೋಗ್ಯಕ್ಕೆ ಸಹಾಯಕವಾಗಿರುವ ತುಳಸಿ ಗಿಡ ಸೊಳ್ಳೆಗಳ ದಾಳಿ ತಡೆಯಲು ಉತ್ತಮ (natural repellent). ಇದನ್ನು ಮನೆ ಒಳಗೆಯೇ ಅಥವಾ ಒಳಾಂಗಣದಲ್ಲಿ ಕುಂಡದಲ್ಲಿ ಬೆಳೆಸಬಹುದಾಗಿದೆ.

3. ನೀಲಗಿರಿ (Eucalyptus plant):

ಇದರ ವಾಸನೆ ಸೊಳ್ಳೆಗಳನ್ನು ದೂರ ಓಡಿಸುತ್ತದೆ. ಬಾಲ್ಕನಿ ಅಥವಾ ಕಿಟಕಿಯ ಹತ್ತಿರ ಇಟ್ಟರೆ ಉತ್ತಮ ಪರಿಣಾಮ ಸಿಗಬಹುದು. ಇದು ನೈಸರ್ಗಿಕ ಸೊಳ್ಳೆ ತಡೆಗಟ್ಟುವ ಶಕ್ತಿ ಹೊಂದಿದೆ.

4. ರೋಸ್ಮರಿ (Rosemary plant):

ಇದು ಬಿಸಿಲಿನಲ್ಲಿ ಬೆಳೆಯುವ (outdoor herb) ಗಿಡ. ಸ್ವಲ್ಪ ನೀರಿನ ಜತೆಗೆ ಇದು ಬೆಳೆಯುತ್ತದೆ. ಇದರ ಸುವಾಸನೆಯು ಕೂಡ ಸೊಳ್ಳೆಗಳನ್ನು ತಡೆಯುತ್ತದೆ. ಮನೆಯೊಳಗೆ ಇಡಬೇಕು ಅಂದ್ರೆ, ಸಾಕಷ್ಟು ಬೆಳಕು ಬೇಕು.

5. ಪುದೀನ (Mint plant):

ಪುದೀನದ ವಾಸನೆಯು ತೀವ್ರವಾಗಿದ್ದು, ಸೊಳ್ಳೆಗಳನ್ನ ತಡೆಗಟ್ಟುತ್ತದೆ. ಇದರ ಎಲೆಗಳಿಂದ ಎಣ್ಣೆ ಮಾಡಬಹುದು, ಅದನ್ನು ಮನೆ ಕೌಂಟರ್ ಅಥವಾ ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಳಸಿ ಸೊಳ್ಳೆಗಳ ಜೊತೆಗೆ ಇತರ ಕೀಟಗಳನ್ನೂ ತಡೆಗಟ್ಟಬಹುದು.

ಈ ಎಲ್ಲಾ ಗಿಡಗಳನ್ನು ಬೆಳೆಸುವುದು ಸುಲಭ. ಯಾವ ರಾಸಾಯನಿಕವೂ ಇಲ್ಲದೆ, ಇವು ನೈಸರ್ಗಿಕವಾಗಿ ಆರೋಗ್ಯವನ್ನು ಕಾಪಾಡುತ್ತವೆ ಮತ್ತು ಸೊಳ್ಳೆಗಳಿಂದ ರಕ್ಷಣೆ ನೀಡುತ್ತವೆ. ಈ ಮಳೆಗಾಲದಲ್ಲಿ ನಿಮ್ಮ ಮನೆ ಸುತ್ತ ಈ ಗಿಡಗಳನ್ನು ನೆಡಿ – ಆರೋಗ್ಯ ಹಾಗೂ ನೆಮ್ಮದಿ ನಿಮ್ಮದಾಗಲಿ!

Grow These Plants to Keep Mosquitoes Away from Home

English Summary▼

During the rainy season, mosquito problems surge. Instead of relying on chemicals, growing specific plants like tulsi, mint, and marigold can naturally repel mosquitoes. Their strong fragrances act as natural deterrents.

These plants not only beautify your home but also protect your health by keeping pests and mosquitoes away. Placing them near doors, windows, or balconies ensures minimal mosquito entry and enhances indoor air quality.