ಗೃಹಲಕ್ಷ್ಮಿ, ಗೃಹಜ್ಯೋತಿ ಯೋಜನೆಗಳು 2028 ರವರೆಗೆ ಮುಂದುವರೆಯಲಿದೆ; ಸಿದ್ದರಾಮಯ್ಯ

ರಾಜ್ಯದಲ್ಲಿ ಖಾತರಿ ಯೋಜನೆಗಳನ್ನು ನಿಲ್ಲಿಸಲು ಯಾವುದೇ ಕಾರಣವಿಲ್ಲ. ಎಲ್ಲಾ ಖಾತರಿ ಯೋಜನೆಗಳು ಮೇ 2028 ರವರೆಗೆ ಮುಂದುವರಿಯುತ್ತದೆ. ಅಲ್ಲಿಯವರೆಗೆ ನಾವು ಅಧಿಕಾರದಲ್ಲಿ ಇರುತ್ತೇವೆ. ಆ ನಂತರವೂ ನಾವೇ ಅಧಿಕಾರಕ್ಕೆ ಬರುತ್ತೇವೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ (Siddaramaiah) ಹೇಳಿದರು.

ಗುರುವಾರ ಹಾಸನದಲ್ಲಿ (Hassan) ಕಾಂಗ್ರೆಸ್ ಜನ ಕಲ್ಯಾಣ ಸಭೆ ಅದ್ಧೂರಿಯಾಗಿ ನಡೆಯಿತು. ಸಚಿವರು, ಶಾಸಕರು, ಮುಖಂಡರು ಜಮಾಯಿಸಿದ್ದರು. ಸಿಎಂ ಸಿದ್ದರಾಮಯ್ಯ ತಮ್ಮ ಒಂದೂವರೆ ವರ್ಷದ ಸರ್ಕಾರದ ಆಡಳಿತದ ಬಗ್ಗೆ ಅಬ್ಬರಿಸಿದರು.

ಅಭಿಮಾನಿಗಳೇ ದೇವರು ಎಂದು ಡಾ.ರಾಜ್ ಕುಮಾರ್ ಹೇಳುತ್ತಿದ್ದರು. ಮತದಾರರೇ ನಮಗೆ ದೇವರು. ಉಪಚುನಾವಣೆಯಲ್ಲಿ ಮೂರೂ ಸ್ಥಾನ ಗೆದ್ದಿದ್ದೇವೆ, ಮಹಾನ್ ನಾಯಕರನ್ನೆಲ್ಲ ಸೋಲಿಸಿದ್ದೇವೆ ಎಂದು ದೇವೇಗೌಡರನ್ನು ಸಿಎಂ ಲೇವಡಿ ಮಾಡಿದರು.

ಜೆಡಿಎಸ್ ಮತ್ತು ಬಿಜೆಪಿ ಟೀಕೆ

ಜೆಡಿಎಸ್-ಬಿಜೆಪಿ ಸ್ವಂತ ಬಲದಿಂದ ಅಧಿಕಾರಕ್ಕೆ ಬರಲೇ ಇಲ್ಲ. ಕುಮಾರಸ್ವಾಮಿ (Kumaraswamy) ನಮ್ಮ ಮೂಲಕ 2 ಬಾರಿ ಸಿಎಂ ಆದರು. ಅಡ್ಡ ರಾಜಕಾರಣದಿಂದಲೇ ಬಿಜೆಪಿ ಅಧಿಕಾರಕ್ಕೆ ಬಂದಿದೆ ಎಂದು ಸಿದ್ದರಾಮಯ್ಯ ವಾಗ್ದಾಳಿ ನಡೆಸಿದರು. ಭರವಸೆಗಳನ್ನು ಬಿಜೆಪಿ ಸುಳ್ಳು ಎಂದು ಹೇಳುತ್ತಿದೆ ಎಂದರು.

ಡಿಸಿಎಂ ಡಿಕೆ ಶಿವಕುಮಾರ್, ಕಾಂಗ್ರೆಸ್ ಉಸ್ತುವಾರಿ ರಣದೀಪ್ ಸಿಂಗ್ ಸುರ್ಜೇವಾಲಾ ಭಾಗವಹಿಸಿದ್ದರು. ಜಿಲ್ಲೆಯಲ್ಲಿ ಅಲ್ಲಲ್ಲಿ ಪ್ರಮುಖ ನಾಯಕರ ಕಟೌಟ್‌ಗಳು ಕಾಣಿಸಿಕೊಂಡವು.

Gruhalakshmi, Gruhajyoti schemes to continue till 2028, Says Siddaramaiah