K viswanath: ತೆಲುಗು ಹಿರಿಯ ನಿರ್ದೇಶಕ, ನಟ ಕಲಾ ತಪಸ್ವಿ ಕೆ ವಿಶ್ವನಾಥ್ ನಿಧನ

K Viswanath passes away: ತೆಲುಗು ಹಿರಿಯ ನಿರ್ದೇಶಕ, ನಟ ಕಲಾತಪಸ್ವಿ ಕೆ.ವಿಶ್ವನಾಥ್ ನಿಧನ. ಕೆಲ ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ಅಪೋಲೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಗ ಕೊನೆಯುಸಿರೆಳೆದಿದ್ದಾರೆ. ವಿಶ್ವನಾಥ್ ಅವರು 50ಕ್ಕೂ ಹೆಚ್ಚು ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.

ವಿಶ್ವನಾಥ್ ನಿಧನಕ್ಕೆ ಟಾಲಿವುಡ್ ಇಂಡಸ್ಟ್ರಿ (Tollywood Cinema Industry) ಕಂಬನಿ ಮಿಡಿದಿದೆ. ಇಂಡಸ್ಟ್ರಿಯಲ್ಲಿ ದೊಡ್ಡ ದುರಂತವೊಂದು ಎದುರಾಗಿದೆ. ಉದ್ಯಮವು ಪ್ರಮುಖ ದಿಕ್ಕನ್ನು ಕಳೆದುಕೊಂಡಿದೆ. ಕೆ.ವಿಶ್ವನಾಥ್ ಇನ್ನಿಲ್ಲ (K Viswanath No More) ಎಂಬ ಸುದ್ದಿಯನ್ನು ಅರಗಿಸಿಕೊಳ್ಳಲು ಚಿತ್ರರಂಗಕ್ಕೆ ಸಾಧ್ಯವಾಗುತ್ತಿಲ್ಲ. ಸಪ್ತಪದಿ, ಸ್ವಾತಿಮುತ್ಯ, ಸಾಗರಸಂಗಮ, ಸ್ವರ್ಣಕಮಲ ಮುಂತಾದ ಸಿನಿಮಾಗಳು ಕೆ.ವಿಶ್ವನಾಥ್ ಅವರನ್ನು ನೆನಪಿಸುತ್ತವೆ.

ಕೆ ವಿಶ್ವನಾಥ್ ನಿಧನ – ಚಿತ್ರರಂಗ ಕಂಬನಿ

ಕೆ.ವಿಶ್ವನಾಥ್ ನಿಧನಕ್ಕೆ ಚಿತ್ರರಂಗವೇ ಕಂಬನಿ ಮಿಡಿದಿದೆ. ಅವರ ಸಾವಿನ ಸುದ್ದಿ (K Viswanath Death News)  ಕೇಳಿ ಚಿತ್ರರಂಗದ ಅನೇಕ ಗಣ್ಯರು ಸಂತಾಪ ಸೂಚಿಸಿದ್ದಾರೆ. ಕೆ ವಿಶ್ವನಾಥ್ ಜೊತೆಗಿನ ಒಡನಾಟವನ್ನು ಹಲವು ಗಣ್ಯರು ಸ್ಮರಿಸಿದ್ದಾರೆ.

ಕೆ ವಿಶ್ವನಾಥ್ ಅವರು ಫೆಬ್ರವರಿ 19, 1930 ರಂದು ಗುಂಟೂರು (Gunturu) ಜಿಲ್ಲೆಯ ರಾಯಪಲ್ಲಿಯಲ್ಲಿ ಜನಿಸಿದರು. ಗುಂಟೂರು ಹಿಂದೂ ಕಾಲೇಜಿನಲ್ಲಿ ಇಂಟರ್ ಓದಿದರು. ಆಂಧ್ರ ವಿಶ್ವವಿದ್ಯಾಲಯದಲ್ಲಿ ಬಿಎಸ್ಸಿ ಮುಗಿಸಿದ್ದಾರೆ. ಆ ನಂತರ ವಾಹಿನಿ ಸ್ಟುಡಿಯೋದಲ್ಲಿ ಸೌಂಡ್ ಆರ್ಟಿಸ್ಟ್ ಆಗಿ ಸಿನಿಮಾ ವೃತ್ತಿ ಆರಂಭಿಸಿದರು.

1965ರಲ್ಲಿ ಆತ್ಮ ಗೌರವ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟ ಕೆ.ವಿಶ್ವನಾಥ್ ಅನೇಕ ಅದ್ಭುತ ಚಿತ್ರಗಳನ್ನು ನಿರ್ದೇಶಿಸಿದ್ದರು. ಸಿರಿಸಿರಿಮುವ್ವ, ಶಂಕರಾಭರಣಂ, ಸಪ್ತಪದಿ, ಸಾಗರಸಂಗಂ, ಸ್ವಾತಿಮುತ್ಯಂ, ಸಿರಿವೆನ್ನೆಲ, ಶ್ರುತಿಲಯಲು, ಸ್ವಯಂಕೃಷಿ, ಸ್ವರ್ಣಕಮಲಂ, ಸೂತ್ರಧಾರುಲು, ಸ್ವಾತಿಕಿರಣಂ ಮುಂತಾದ ಹಲವು ಶಾಸ್ತ್ರೀಯ ಚಿತ್ರಗಳನ್ನು ತೆಲುಗು ಪ್ರೇಕ್ಷಕರಿಗೆ ನೀಡಿದರು.

ಕೆ ವಿಶ್ವನಾಥ್ ನಿರ್ದೇಶನದ ಜೊತೆಗೆ ನಟನೆಯ್ಲಲೂ ರಂಜಿಸಿದ್ದರು

ಅವರು ನಿರ್ದೇಶಕರಾಗಿ ಮಾತ್ರವಲ್ಲದೆ ನಟರಾಗಿಯೂ ತಮ್ಮ ಪ್ರತಿಭೆಯನ್ನು ತೋರಿಸಿದರು. ಅಜ್ಜ ಮತ್ತು ತಂದೆಯ ಪಾತ್ರಗಳಲ್ಲಿ ಅವರು ಅದ್ಭುತವಾಗಿ ನಟಿಸಿದ್ದಾರೆ. ಶುಭಸಂಕಲ್ಪಂ ಚಿತ್ರದ ಮೂಲಕ ಮೊಟ್ಟಮೊದಲ ಬಾರಿಗೆ ಬೆಳ್ಳಿತೆರೆಯಲ್ಲಿ ಕಾಣಿಸಿಕೊಂಡ ಕೆ.ವಿಶ್ವನಾಥ್.

ಕೆ.ವಿಶ್ವನಾಥ್ ಅನೇಕ ಪ್ರಶಸ್ತಿಗಳನ್ನು ಪಡೆದರು. ಕೆ.ವಿಶ್ವನಾಥ್ ಅವರಿಗೆ 2016ರಲ್ಲಿ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ಲಭಿಸಿದೆ. 1992 ರಲ್ಲಿ ಪದ್ಮಶ್ರೀ ಪ್ರಶಸ್ತಿಯನ್ನು ಪಡೆದರು. ಕೆ.ವಿಶ್ವನಾಥ ಅವರ ನಿಧನ ತೆಲುಗು ಚಿತ್ರರಂಗಕ್ಕೆ (Telugu Cinema) ತುಂಬಲಾರದ ನಷ್ಟ ಎಂದೇ ಹೇಳಬಹುದು.

ಅವರು ಅನೇಕ ಶ್ರೇಷ್ಠ ಮತ್ತು ಕಲಾತ್ಮಕ ಚಲನಚಿತ್ರಗಳನ್ನು ಮಾಡಿದ್ದಾರೆ. ಅವರ ಶಾಸ್ತ್ರೀಯ ಚಿತ್ರಗಳು ಕಮರ್ಷಿಯಲ್ ಹಿಟ್ ಆದವು. ಪ್ರೇಕ್ಷಕರ ಹೃದಯದಲ್ಲಿ ಶಾಶ್ವತವಾಗಿ ಉಳಿಯಿತು. ಕೆ ವಿಶ್ವನಾಥ್ ತಮ್ಮ ಚಿತ್ರಗಳಲ್ಲಿ ಕಥೆಗೆ ಆದ್ಯತೆ ನೀಡುತ್ತಾರೆ. ಅದರೊಂದಿಗೆ ಸಂಗೀತಕ್ಕೂ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಾರೆ. ಅವರು ಮಾಡಿದ ಪ್ರತಿಯೊಂದು ಸಿನಿಮಾವೂ ಕ್ಲಾಸಿಕಲ್ ಹಿಟ್ ಆಗಿತ್ತುವೆ.

Legendary director-actor K Vishwanath passed away in Hyderabad