ಪ್ರಿಪೇಯ್ಡ್ to ಪೋಸ್ಟ್ಪೇಯ್ಡ್ ಪ್ರಕ್ರಿಯೆ ಈಗ ಸುಲಭ! ಬರಿ ಒಂದೇ ಕ್ಲಿಕ್ ಸಾಕು
ಪ್ರಿಪೇಯ್ಡ್ ಮತ್ತು ಪೋಸ್ಟ್ಪೇಯ್ಡ್ ಸಂಪರ್ಕಗಳ ನಡುವೆ ಬದಲಾವಣೆ ಇನ್ನಷ್ಟು ಸುಲಭವಾಗಿದೆ. DoT ಹೊಸ ಮಾರ್ಗಸೂಚಿಗಳನ್ನು ಹೊರಡಿಸಿದ್ದು, OTP ಆಧಾರಿತ ವ್ಯವಸ್ಥೆ, ಲಾಕ್ ಇನ್ ಅವಧಿಯಲ್ಲಿ ಕೆಲವು ಬದಲಾವಣೆಗಳಿವೆ.
- OTP ಆಧಾರಿತ ಸ್ವಿಚಿಂಗ್ ಪ್ರಕ್ರಿಯೆ ಆರಂಭ
- ಮೊದಲ ಬದಲಾವಣೆಗೆ 30 ದಿನಗಳ ಅವಕಾಶ
- ನಂತರದ ಬದಲಾವಣೆಗೆ 90 ದಿನ ಲಾಕ್-ಇನ್ ಅವಧಿ
prepaid to postpaid switch : ದೂರಸಂಪರ್ಕ ಇಲಾಖೆಯ (DoT) ಹೊಸ ಮಾರ್ಗಸೂಚಿಗಳಂತೆ, ಪ್ರಿಪೇಯ್ಡ್ ಮತ್ತು ಪೋಸ್ಟ್ಪೇಯ್ಡ್ ಸಂಪರ್ಕಗಳ ಬದಲಾವಣೆ ಪ್ರಕ್ರಿಯೆ [OTP-based switching] ಮೂಲಕ ಇನ್ನಷ್ಟು ಸುಲಭವಾಗಲಿದೆ.
ಗ್ರಾಹಕರು ತಮ್ಮ ಸಂಪರ್ಕವನ್ನು ಬದಲಾಯಿಸಲು ಈಗ ಕೇವಲ ಒಮ್ಮೆ ಒಟಿಪಿ ಮೂಲಕ ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು.
ಪ್ರಿಪೇಯ್ಡ್ ಮತ್ತು ಪೋಸ್ಟ್ಪೇಯ್ಡ್ ಸಂಪರ್ಕಗಳ ನಡುವೆ ಬದಲಾಯಿಸುವುದನ್ನು ಈಗ ಒಂದು ಬಾರಿಯ OTP ಆಧಾರಿತ ಪ್ರಕ್ರಿಯೆಯ ಮೂಲಕ ಸುಲಭವಾಗಿ ಮಾಡಬಹುದು. ಇದಕ್ಕೆ ಸಂಬಂಧಿಸಿದ ಹೊಸ ಮಾರ್ಗಸೂಚಿಗಳನ್ನು ಇತ್ತೀಚೆಗೆ ಬಿಡುಗಡೆ ಮಾಡಲಾಗಿದೆ.
ಇದನ್ನೂ ಓದಿ: ನಿಮ್ಮ ಬಜೆಟ್ 20 ಸಾವಿರಕ್ಕಿಂತ ಕಡಿಮೆ ಇದ್ದರೆ, ಈ 6 ಸ್ಮಾರ್ಟ್ಫೋನ್ಗಳು ಬೆಸ್ಟ್ ಚಾಯ್ಸ್
ಮೊದಲ ಬದಲಾವಣೆಯ ನಂತರ, ಮತ್ತೆ ಪ್ರಿಪೇಯ್ಡ್ ಅಥವಾ ಪೋಸ್ಟ್ಪೇಯ್ಡ್ಗೆ ತಿರುಗಲು 30 ದಿನಗಳೊಳಗೆ ಅವಕಾಶವಿದೆ ಎಂದು DoT ಸ್ಪಷ್ಟಪಡಿಸಿದೆ. ಈ ಮೊದಲ ಬದಲಾವಣೆಯ ಮೇಲೆ ಯಾವುದೇ ಲಾಕ್ಇನ್ ಅವಧಿ ಇರದು. ಆದರೆ ಗ್ರಾಹಕರು ಮರುಬದಲಾವಣೆ ಮಾಡಲು ಬಯಸಿದರೆ, ಎರಡನೇ ಬದಲಾವಣೆಯಿಂದ ಮುಂಬರುವ ಪ್ರತಿಯೊಂದು ಬದಲಾವಣೆಗಳಿಗೆ 90 ದಿನಗಳ ಲಾಕ್ಇನ್ ನಿಯಮ ಅನ್ವಯವಾಗುತ್ತದೆ.
ಈ ಬದಲಾವಣೆಗಳ ಕುರಿತು ಗ್ರಾಹಕರಿಗೆ ಮುಂಚಿತವಾಗಿ ಮಾಹಿತಿ ನೀಡುವುದು ಕಡ್ಡಾಯವಾಗಿದೆ. DoT ತನ್ನ ಅಧಿಕೃತ [X (formerly Twitter)] ಖಾತೆಯಲ್ಲಿ ಈ ಮಾರ್ಗಸೂಚಿಗಳನ್ನು ಪ್ರಕಟಿಸಿದೆ.
ಲಾಕ್ ಇನ್ ಅವಧಿಯೊಳಗಿನ ಬದಲಾವಣೆಗಳಿಗೆ, ಗ್ರಾಹಕರು ಕಡ್ಡಾಯವಾಗಿ ಅಧಿಕೃತ PoS ಕೇಂದ್ರಗಳಲ್ಲಿ KYC (Know Your Customer) ಪ್ರಕ್ರಿಯೆ ನೆರವೇರಿಸಬೇಕು.
ಇದನ್ನೂ ಓದಿ: ತುಂಬಾ ಸ್ಟೈಲಿಷ್ ಗುರು! Samsung ನ ಹೊಸ ಫೋನ್ Galaxy F36 ಬಿಡುಗಡೆಗೆ ಸಜ್ಜು
30 ಅಥವಾ 90 ದಿನಗಳ ಅವಧಿಯೊಳಗೆ ಬದಲಾವಣೆ ಮಾಡಬೇಕಾದರೆ, ಗ್ರಾಹಕರು DoT ಪರವಾನಗಿ ಪಡೆದ PoS ಅಥವಾ ಅಧಿಕೃತ ಔಟ್ಲೆಟ್ಗಳನ್ನು ಮಾತ್ರ ಬಳಸಬೇಕು ಎಂದು ಸೂಚನೆ ನೀಡಲಾಗಿದೆ. ಇದು ಗ್ರಾಹಕರ ಸುರಕ್ಷತೆಗೆ ಸಹಕಾರಿ ಮತ್ತು ದುರೂಪಯೋಗ ತಡೆಯಲು ಸಹಾಯವಾಗುತ್ತದೆ.
DoT simplifies prepaid to postpaid switch
======== Story End ========
Writer of This Story
