ರೈತರಿಗೆ ಹೊಸ ಸೌಲಭ್ಯ! ಜಮೀನಿನ ಸರ್ವೆ ನಂಬರ್ ಒಂದೇ ಕ್ಲಿಕ್‌ನಲ್ಲಿ ತಿಳಿಯಿರಿ
ಕರ್ನಾಟಕ ರಾಜ್ಯದ ರೈತರಿಗೆ ಸುಲಭವಾಗಿ ತಮ್ಮ ಜಮೀನಿನ ಸರ್ವೆ ನಂಬರ್ (Survey Number) ತಿಳಿಯಲು ಕಂದಾಯ ಇಲಾಖೆ ವೆಬ್ಸೈಟ್ ಮೂಲಕ ಉಚಿತ ಸೇವೆ ಆರಂಭಿಸಿದೆ. ಮೊಬೈಲ್‌ನಲ್ಲೇ ಸಂಪೂರ್ಣ ಮಾಹಿತಿ ದೊರೆಯಲಿದೆ.
- ಕಂದಾಯ ಇಲಾಖೆ ನೀಡಿದ ಉಚಿತ Survey Link
- ರೈತರಿಗೆ ನೆರವಾಗುವ ಭದ್ರತೆಯ ದಾಖಲಾತಿ ಪಹಣಿ (RTC)
- ಪಹಣಿ ಇಲ್ಲದಿದ್ದರೆ ಸಬ್ಸಿಡಿ, ಸಾಲಕ್ಕೂ ಅಡ್ಡಿ
ಬೆಂಗಳೂರು (Bengaluru): ಕೇವಲ ಒಂದು ಕ್ಲಿಕ್‌ನೊಂದಿಗೆ ರೈತರು ತಮ್ಮ ಜಮೀನಿನ ಪಹಣಿಯ (RTC) ಸರ್ವೆ ನಂಬರ್ ಅನ್ನು ತಿಳಿಯಬಹುದಾಗಿದೆ. ಈ ಕುರಿತು ಕಂದಾಯ ಇಲಾಖೆ ಹೊಸ ಸೌಲಭ್ಯ ಒದಗಿಸಿದ್ದು, ವೆಬ್ಸೈಟ್ ಲಿಂಕ್ ಮೂಲಕ ಈ ಸೇವೆ ಲಭ್ಯವಿದೆ.
ರಾಜ್ಯದ ಯಾವುದೇ ಭಾಗದ ಕೃಷಿಕರು ಈಗ ತಮ್ಮ ಮೊಬೈಲ್ ಫೋನ್‌ನಲ್ಲಿಯೇ ಈ ಮಾಹಿತಿ ಪಡೆಯಬಹುದಾಗಿದೆ.
ಇದನ್ನೂ ಓದಿ: ಇಂತಹ ರೇಷನ್ ಕಾರ್ಡುಗಳು ರದ್ದು! ರಾಜ್ಯ ಸರ್ಕಾರದಿಂದ ಕಠಿಣ ಕ್ರಮ
ಬಹುಮಟ್ಟಿಗೆ ರೈತರು ಬ್ಯಾಂಕ್ ಸಾಲ (Bank Loan), ಬೆಳೆ ವಿಮೆ (Crop Insurance) ಅಥವಾ ಕೃಷಿ ಸಬ್ಸಿಡಿ (Agriculture Subsidy) ಪಡೆಯುವ ಸಂದರ್ಭದಲ್ಲಿ ತಮ್ಮ ಜಮೀನಿನ ಸರ್ವೆ ನಂಬರ್ ಮರೆತು ಹೋಗಿರುವುದು ಸಾಮಾನ್ಯ. ನಾಡಕಚೇರಿ ಅಥವಾ ಮೆಜೆಸ್ಟ್ರೇಟ್ ಕಚೇರಿಗೆ ಧಾವಿಸಿ ದಾಖಲೆ ಹುಡುಕುವುದು ಕಷ್ಟದ ಕೆಲಸ. ಇದೀಗ ಆ ತೊಂದರೆಗೂ ಶಾಶ್ವತ ಪರಿಹಾರ ಸಿಕ್ಕಂತಾಗಿದೆ.
ಪಹಣಿ ದಾಖಲೆ ಯಾಕೆ ಮುಖ್ಯ ಅನ್ನೋದು ರೈತರು ಇನ್ನೊಮ್ಮೆ ಅರಿಯಬೇಕಾದ ವಿಷಯ. ಬೆಳೆ ಪರಿಹಾರ, ಬೆಂಬಲ ಬೆಲೆ ಯೋಜನೆ, ಸಾಲದ ಅರ್ಜಿ (Loan Application) ಹೀಗೆ ಎಲ್ಲವೂ ಪಹಣಿಯ ಮೇಲೇ ಆಧಾರಿತ. ಪಹಣಿ ಇಲ್ಲದೆ ಖಾತೆ ಮಾಹಿತಿ, ಮಾಲೀಕರ ಹೆಸರು ಅಥವಾ ಜಮೀನಿನ ಅಳತೆ ಖಚಿತ ಪಡಿಸಲು ಸಾಧ್ಯವಿಲ್ಲ.
ಇದನ್ನೂ ಓದಿ: ರೈತರಿಗೆ ಉಚಿತ ಬೋರ್ ವೆಲ್, ಗಂಗಾ ಕಲ್ಯಾಣ ಯೋಜನೆಗೆ ಮತ್ತೆ ಅರ್ಜಿಗೆ ಅವಕಾಶ
ಅಂತಹ ಸಂದರ್ಭಗಳಲ್ಲಿ, https://rdservices.karnataka.gov.in/BhoomiMaps ಎಂಬ ಲಿಂಕ್ ಮೂಲಕ, ಯಾವುದೇ ರೈತ ತಮ್ಮ ಹಳ್ಳಿಯ ಹೆಸರು ಟೈಪ್ ಮಾಡಿ, ಗೂಗಲ್ ನಕ್ಷೆಯಲ್ಲಿ ತಮ್ಮ ಜಮೀನು ಹೊಂದಿರುವ ಸ್ಥಳದ ಮೇಲೆ ಕ್ಲಿಕ್ ಮಾಡಿ, ಜಮೀನಿನ ಸರ್ವೆ ನಂಬರ್, ಹಿಸ್ಸಾ ನಂಬರ್, ಮಾಲೀಕರ ವಿವರ ಹಾಗೂ ವಿಸ್ತೀರ್ಣ ಮಾಹಿತಿ ಪಡೆಯಬಹುದು. ಇದರೊಂದಿಗೆ ಜಮೀನಿನ ಕಾನೂನು ಸಾಬೀತು ಕೂಡ ಸಿಗುತ್ತದೆ.
ಇದನ್ನೂ ಓದಿ: ಕಾರ್ಮಿಕರ ಮಕ್ಕಳಿಗೆ ಶೈಕ್ಷಣಿಕ ಪ್ರೋತ್ಸಾಹ ಧನ ಯೋಜನೆ! ಉಚಿತ ವಿದ್ಯಾರ್ಥಿವೇತನ
ಇದನ್ನು ಬಳಸಿ ನಾಡಕಚೇರಿಗೆ ಹೋಗುವ ಅವಶ್ಯಕತೆಯಿಲ್ಲದೆ ತಕ್ಷಣ ಮಾಹಿತಿ ಪಡೆದು ಕೆಲಸ ಮುಗಿಸಬಹುದು. ರೈತರು ತಮ್ಮ ಪಹಣಿ ಪತ್ರ (RTC) ಮೊಬೈಲ್‌ನಲ್ಲಿ ಡೌನ್‌ಲೋಡ್ ಮಾಡಿಕೊಂಡು ಅಗತ್ಯಸ್ಥಳದಲ್ಲಿ ಬಳಸಬಹುದು. ಈ ಸೇವೆ ಸಂಪೂರ್ಣ ಉಚಿತವಾಗಿದ್ದು, ರೈತರ ಕಾಲ ಹಾಗೂ ಹಣ ಉಳಿಸುತ್ತಿದೆ.
Check Land Survey Number Online in Karnataka
