ಕರ್ನಾಟಕ ರೈತರ ಕೃಷಿಗೆ ಹೊಸ ಸ್ಕೀಮ್! ಕುಸುಮ್-ಸಿ ಸೋಲಾರ್ ಯೋಜನೆ ಜಾರಿ
ರೈತರ ಕೃಷಿಗೆ ಹಗಲು ವೇಳೆಯಲ್ಲಿ ಗುಣಮಟ್ಟದ ವಿದ್ಯುತ್ ಪೂರೈಕೆಗಾಗಿ 'ಕುಸುಮ್-ಸಿ' ಯೋಜನೆಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಜೂನ್ 11ರಂದು ಚಾಲನೆ ನೀಡಲಿದ್ದಾರೆ. ಈ ಯೋಜನೆ ರಾಜ್ಯದ ಭವಿಷ್ಯ ಬದಲಾಯಿಸಲಿದೆ.
- ಬೆಂಗಳೂರು ಬಳಿ ಸೋಲಾರ್ ಘಟಕ ಉದ್ಘಾಟನೆಗೆ ಸಿದ್ಧತೆ
- ರೈತರಿಗೆ ಹಗಲು ವಿದ್ಯುತ್ ಪೂರೈಕೆ ಗುರಿ
- ಖಾಸಗಿ ಜಮೀನು ಗುತ್ತಿಗೆಗೆ ಪಡೆದು ವಿದ್ಯುತ್ ಉತ್ಪಾದನೆ
ಬೆಂಗಳೂರು (Bengaluru): ಕರ್ನಾಟಕ ರಾಜ್ಯದಲ್ಲಿ ಮೊದಲ ಬಾರಿಗೆ ಈ ಪ್ರಮಾಣದ (solar plant) ಸ್ಥಾಪನೆಯಾಗಿರುವುದು ಗಮನಾರ್ಹ. ಗೌರಿಬಿದನೂರು ತಾಲೂಕಿನ ಹನುಮೇನಹಳ್ಳಿ ಹಾಗೂ ಚರಕಮಟ್ಟೇನಹಳ್ಳಿಗಳ 60 ಎಕರೆ ಖಾಸಗಿ ಜಮೀನಿನಲ್ಲಿ 20 ಮೆಗಾವ್ಯಾಟ್ ಸಾಮರ್ಥ್ಯದ ಸೋಲಾರ್ ಘಟಕ ಸ್ಥಾಪನೆ ಪೂರ್ಣಗೊಂಡಿದೆ.
ಈ ಪ್ರಾಜೆಕ್ಟ್ ಕರ್ನಾಟಕದ ಕುಸುಮ್-ಸಿ ಯೋಜನೆಯ ಅತಿದೊಡ್ಡ ಘಟಕವಾಗಿ ಗುರುತಿಸಿಕೊಳ್ಳುತ್ತಿದೆ.
ಇದನ್ನೂ ಓದಿ: ಯಾರ್ಯಾರಿಗೆ ಗೃಹಲಕ್ಷ್ಮಿ ಯೋಜನೆ ಹಣ ಬರಲ್ಲ, ಏಕೆ? ಇಲ್ಲಿದೆ ಕಾರಣ! ಹೊಸ ಪಟ್ಟಿ
ಮೂಲಭೂತವಾಗಿ ಈ ಯೋಜನೆಯ ಮೂಲಕ ರೈತರಿಗೆ (Farmers) ಹಗಲು ವೇಳೆಯಲ್ಲೇ ಶಾಶ್ವತ ವಿದ್ಯುತ್ ಪೂರೈಕೆ ಗುರಿಯಾಗಿದೆ. ಟ್ರಾನ್ಸ್ಫರ್ಮರ್ಗಳ ಮೇಲೆ ಇರುವ ಹೊರೆ ಕಡಿಮೆಯಾಗುವುದು, ಸ್ಥಳೀಯವಾಗಿ ವಿದ್ಯುತ್ ಉತ್ಪಾದನೆ ನಡೆಯುವುದು ಮತ್ತು ರೈತರಿಗೆ ಗುಣಮಟ್ಟದ ವಿದ್ಯುತ್ ಲಭಿಸುವುದು ಈ ಯೋಜನೆಯ ಪ್ರಮುಖ ಉದ್ದೇಶಗಳಾಗಿವೆ.
ಈ ಯೋಜನೆಗೆ ಚಾಲನೆ ನೀಡಲು ಜೂನ್ 11ರಂದು ಬೆಳಿಗ್ಗೆ 10:30ಕ್ಕೆ ನೇತಾಜಿ ಕ್ರೀಡಾಂಗಣ, ಗೌರಿಬಿದನೂರಿನಲ್ಲಿ ಕಾರ್ಯಕ್ರಮ ನಡೆಯಲಿದೆ. ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್, ಕೇಂದ್ರ ಸಚಿವ ಪ್ರಲ್ಹಾದ್ ಜೋಶಿ ಹಾಗೂ ಇತರ ಪ್ರಮುಖರು ಪಾಲ್ಗೊಳ್ಳಲಿದ್ದಾರೆ ಎಂದು ಇಂಧನ ಸಚಿವ ಕೆ.ಜೆ. ಜಾರ್ಜ್ ತಿಳಿಸಿದ್ದಾರೆ.
ಇದನ್ನೂ ಓದಿ: ಕರ್ನಾಟಕ ಪ್ರೋತ್ಸಾಹ ಯೋಜನೆ, ತಿಂಗಳಿಗೆ ₹1000 ಸಹಾಯಧನ! ತಕ್ಷಣ ಅರ್ಜಿ ಹಾಕಿ
ಯೋಜನೆಯ ಮೊದಲ ಹಂತದಲ್ಲಿ 2,400 ಮೆಗಾವ್ಯಾಟ್ ಸೋಲಾರ್ ವಿದ್ಯುತ್ ಉತ್ಪಾದನೆ ಗುರಿಯಾಗಿದ್ದು, ಸುಮಾರು 6.19 ಲಕ್ಷ ಕೃಷಿ ಪಂಪ್ಸೆಟ್ಗಳಿಗೆ ಹಗಲು ವಿದ್ಯುತ್ ಪೂರೈಕೆ ಮಾಡಲು ಪ್ರಸ್ತಾವವಿದೆ. ಈಗಾಗಲೇ 200 ಮೆಗಾವ್ಯಾಟ್ ಘಟಕಗಳು ಪೂರ್ಣಗೊಂಡಿದ್ದು, ಮುಂದಿನ ತಿಂಗಳಲ್ಲಿ 545 ಮೆಗಾವ್ಯಾಟ್ ಘಟಕಗಳು ಲಾಂಚ್ ಆಗಲಿವೆ.
ಈ ಯೋಜನೆ ಹೊಸದಿಲ್ಲ. ಆದರೆ ಹಿಂದೆ ರಾಜ್ಯದಲ್ಲಿ ಈ ಯೋಜನೆ ಸ್ಥಗಿತಗೊಂಡಿತ್ತು. ಈಗ ಸರ್ಕಾರ ಬದಲಾದ ಬಳಿಕ ಅದನ್ನು ಪ್ರಾರಂಭಿಸಲಾಗಿದೆ. ಟೆಂಡರ್ ಕರೆಯಲಾಗಿದೆ ಮತ್ತು ಪ್ರತಿ ಯೂನಿಟ್ (unit) ವಿದ್ಯುತ್ಗೆ ₹3.17 ನಿಗದಿ ಪಡಿಸಲಾಗಿದೆ. ಇದರಲ್ಲಿ ₹1 ಕೋಟಿ ವರೆಗೂ ಸಬ್ಸಿಡಿ ಕೇಂದ್ರದಿಂದ ಒದಗಿಸಲಾಗುತ್ತದೆ.
ಇದನ್ನೂ ಓದಿ: ಬೆಂಗಳೂರಿನಲ್ಲಿ ಕಟ್ಟಡ ಅನುಮತಿಗೆ ಇನ್ಮುಂದೆ ಈ ದಾಖಲೆ ಕಡ್ಡಾಯ! ಹೊಸ ನಿಯಮ
ವಿದ್ಯುತ್ ಉತ್ಪಾದನೆಗೆ ಭೂಮಿ ಅಗತ್ಯವಿದೆ. ಸರಕಾರದ ಭೂಮಿ ಇದ್ದರೆ ಉಚಿತವಾಗಿ ನೀಡಲಾಗುತ್ತದೆ. ಆದರೆ ಖಾಸಗಿ ಉತ್ಪಾದಕರು ಪ್ರತಿ ಎಕರೆಗೆ ₹25,000 ಪಾವತಿಸಬೇಕು. ಈ ಹಣ ಉಪಕೇಂದ್ರ ಪ್ರದೇಶದ ಶಾಲೆ, ಅಂಗನವಾಡಿ ಅಭಿವೃದ್ಧಿಗೆ ಬಳಕೆಯಾಗಲಿದೆ. ಖಾಸಗಿ ಜಮೀನಿಗೆ ಕೂಡ ಗುತ್ತಿಗೆ ನೀಡಲಾಗುತ್ತದೆ.
ರೈತರು ತಮ್ಮ ಕೃಷಿ ಪಂಪ್ಸೆಟ್ಗಳಿಗೆ ಬೆಳಗ್ಗೆ 10ರಿಂದ ಸಂಜೆ 5ರೊಳಗೆ (daytime electricity) ಸ್ಥಿರ ವಿದ್ಯುತ್ ಪಡೆಯಬಹುದಾದ ಪರಿಸ್ಥಿತಿ ನಿರ್ಮಾಣವಾಗಲಿದೆ. ಇದರೊಂದಿಗೆ ಕೃಷಿಯಲ್ಲಿ ಹೆಚ್ಚುವರಿ ಖರ್ಚು ತಗ್ಗುವ ಸಾಧ್ಯತೆ ಇದೆ.
Karnataka Kusum-C Solar Project to Power Farms by Day
