ಒಂದು ವಾರ ಕರೆಂಟ್ ಇರಲ್ಲ! ಬೆಂಗಳೂರಿನ ಈ ಏರಿಯಾಗಳಲ್ಲಿ ವಿದ್ಯುತ್ ಕಡಿತ
ದೊಡ್ಡಬಳ್ಳಾಪುರದ ಹಲವು ಗ್ರಾಮಗಳು ಒಂದು ವಾರ ವಿದ್ಯುತ್ ಲಭ್ಯವಿಲ್ಲದೆ ಇರಲಿದೆ. ತಂತಿ ಬದಲಾವಣೆ ಕಾಮಗಾರಿಯ ಹಿನ್ನೆಲೆ ಈ ವ್ಯತ್ಯಯವಾಗುತ್ತಿದ್ದು, ಜನತೆ ಮುಂಚಿತ ಯೋಜನೆ ರೂಪಿಸಿಕೊಳ್ಳುವುದು ಅಗತ್ಯ.
- ಜುಲೈ 24ರವರೆಗೆ ಮಧ್ಯಾಹ್ನ 12ರಿಂದ ಸಂಜೆ 4ರ ವರೆಗೆ ವಿದ್ಯುತ್ ವ್ಯತ್ಯಯ
- ದೇವನಹಳ್ಳಿ, ಬಿದಲೂರು ಸೇರಿದಂತೆ ಹಲವು ಹಳ್ಳಿಗಳಿಗೆ ಪರಿಣಾಮ
- ತಂತಿ ಬದಲಾವಣೆ ಕಾಮಗಾರಿಗೆ ಬೆಸ್ಕಾಂದ ಅಧಿಕೃತ ಅನುಮತಿ
ಬೆಂಗಳೂರು (Bengaluru) ಗ್ರಾಮಾಂತರದ ದೊಡ್ಡಬಳ್ಳಾಪುರ (Doddaballapur) ಮತ್ತು ಸುತ್ತಲಿನ ಗ್ರಾಮಸ್ಥರಿಗೆ ಒಂದು ವಾರ ಕಾಲ ಸಣ್ಣ ವಿದ್ಯುತ್ ಅಡಚಣೆ ಎದುರಾಗಲಿದೆ. 220 ಕೆವಿ ದೊಡ್ಡಬಳ್ಳಾಪುರ ವಿದ್ಯುತ್ ಕೇಂದ್ರಕ್ಕೆ ಸಂಪರ್ಕ ಹೊಂದಿರುವ 66 ಕೆವಿ ದುರಸ್ತಿ ಕಾಮಗಾರಿಯ (transmission maintenance) ಹಿನ್ನೆಲೆ, ಈ ಪ್ರದೇಶದ ಹಲವಾರು ಹಳ್ಳಿಗಳಿಗೆ ಜುಲೈ 24ರ ವರೆಗೆ ಮಧ್ಯಾಹ್ನ 12 ರಿಂದ ಸಂಜೆ 4 ಗಂಟೆವರೆಗೆ ವಿದ್ಯುತ್ ವ್ಯತ್ಯಯವಾಗಲಿದೆ ಎಂದು ಬೆಸ್ಕಾಂ (BESCOM) ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ನಿರ್ವಹಣಾ ಕಾರ್ಯವನ್ನು ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ (KPTCL) ಮಾಡುತ್ತಿದ್ದು, ಎಲೆಕ್ಟ್ರಿಕ್ ತಂತಿಗಳನ್ನು (power cables) ಹೊಸದಾಗಿ ಬದಲಾಯಿಸಲಾಗುತ್ತಿದೆ. ಈ ಕಾಮಗಾರಿಯಿಂದ 66/11 ಕೆವಿ ಉಪಕೇಂದ್ರಗಳ ವಿದ್ಯುತ್ ಸರಬರಾಜು ತಾತ್ಕಾಲಿಕವಾಗಿ ಸ್ಥಗಿತಗೊಳ್ಳಲಿದೆ.
ಇದನ್ನೂ ಓದಿ: ಜೇನು ಸಾಕಾಣಿಕೆಗೆ ಸರ್ಕಾರದಿಂದ ಭಾರೀ ಸಹಾಯಧನ, ನೀವಿನ್ನೂ ಅರ್ಜಿ ಹಾಕಿಲ್ವಾ
ದೇವನಹಳ್ಳಿ, ಯರ್ತಿಗಾನಹಳ್ಳಿ, ಬಿದಲೂರು, ಚಿಮಾಚನಹಳ್ಳಿ, ಕೋರಮಂಗಲ, ಕೋಯಿರ, ತೈಲಗೆರೆ, ಗೊಬ್ಬರಗುಂಟೆ, ಹೀರಾನಂದಾನಿ, ಚಿಕ್ಕಸಣ್ಣೆ, ಭುವನಹಳ್ಳಿ, ವಿಶ್ವನಾಥಪುರ, ಸಣ್ಣಅಮಾನಿಕೆರೆ ಮತ್ತು ಇತರ ಸುತ್ತಮುತ್ತಲ ಹಳ್ಳಿಗಳು ಈ ವ್ಯತ್ಯಯದಿಂದ ಸ್ತಬ್ಧವಾಗಲಿವೆ.
ಕೃಷಿಕರು ತಮ್ಮ ನೀರಾವರಿ ಪಂಪ್‌ಸೆಟ್‌ಗಳು (pump sets) ಹಾಗೂ ವಿದ್ಯುತ್ ಆಧಾರಿತ ಯಂತ್ರೋಪಕರಣಗಳನ್ನು ಈ ಸಮಯದಲ್ಲಿ ಬಳಸದಂತೆ ಮನವಿ ಮಾಡಲಾಗಿದೆ.
ಇದೇ ರೀತಿ ಕುಂದಾಣ ಉಪಕೇಂದ್ರ (Kundana substation) ವ್ಯಾಪ್ತಿಯಲ್ಲಿರುವ ಬೆಂ.ಗ್ರಾ ಜಿಲ್ಲಾಡಳಿತ ಕಚೇರಿ, ಕುಂದಾಣ ಗ್ರಾಮ ಪಂಚಾಯತ್, ಕೊಯಿರ ಗ್ರಾಮ ಪಂಚಾಯತ್, ಆಲೂರು-ದುದ್ದನಹಳ್ಳಿ ಗ್ರಾ.ಪಂ ವ್ಯಾಪ್ತಿಯ ಹಳ್ಳಿಗಳಿಗೆ ಸಹ ವಿದ್ಯುತ್ ಲಭ್ಯವಿರುವುದಿಲ್ಲ.
ಇದನ್ನೂ ಓದಿ: 2 ಹಸು ಖರೀದಿಗೆ 2 ಲಕ್ಷವರೆಗೂ ಸಾಲ! ಏನಿದೆ ಯೋಜನೆ? ಇಲ್ಲಿದೆ ಪೂರ್ತಿ ಮಾಹಿತಿ
ಬೆಸ್ಕಾಂ ಜನತೆಗೆ ಸಹಕರಿಸುವಂತೆ ಮನವಿ ಮಾಡಿದ್ದು, ತಮ್ಮ ದೈನಂದಿನ ಕೆಲಸಗಳನ್ನು ಈ ಸಮಯದ ಹೊರಗೆ ಪ್ಲಾನ್ ಮಾಡಿಕೊಳ್ಳುವಂತೆ ತಿಳಿಸಿದೆ.
ಆಸ್ಪತ್ರೆಗಳು (hospitals), ಸಂಸ್ಥೆಗಳು ಮತ್ತು ಶೆಡ್‌ಗಳಲ್ಲಿ ಯಂತ್ರೋಪಕರಣಗಳ ನಿರ್ವಹಣೆ ಮಾಡುತ್ತಿರುವವರು ಮುನ್ನೆಚ್ಚರಿಕೆಯೊಂದಿಗೆ ಬೆಸ್ಕಾಂನ ಸಂಪರ್ಕದಲ್ಲಿರಲು ಸೂಚಿಸಲಾಗಿದೆ.
ಇದನ್ನೂ ಓದಿ: ರೇಷನ್ ಕಾರ್ಡ್ ತಿದ್ದುಪಡಿಗೆ ಆನ್‌ಲೈನ್ ಮೂಲಕವೇ ಅರ್ಜಿ ಹಾಕಿ! ಬಿಗ್ ಅಪ್ಡೇಟ್
ಇದೇ ವೇಳೆ, ಈ ಕಾಮಗಾರಿಯಿಂದ ವಿದ್ಯುತ್ ಸರಬರಾಜಿನಲ್ಲಿ ಭವಿಷ್ಯದಲ್ಲಿ ಸ್ಥಿರತೆ ಬರುತ್ತದೆ ಎಂಬ ಭರವಸೆ ಕೂಡ ಬೆಸ್ಕಾಂ ನೀಡಿದೆ. ತಾತ್ಕಾಲಿಕ ತೊಂದರೆಯೊಂದಿಗೇ ಮುಂದಿನ ದಿನಗಳಲ್ಲಿ ಉತ್ತಮ ಸೇವೆ ಸಿಗಲಿದೆ.
Power Cut Alert in Bengaluru Doddaballapur for a Week
