100, 200 ರೂಪಾಯಿ ನೋಟುಗಳ ಬಗ್ಗೆ ಮಹತ್ವದ ನಿರ್ಧಾರ, ಬ್ಯಾಂಕ್ಗಳಿಗೆ ಪ್ರಮುಖ ಸೂಚನೆ!
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಹೊಸ ಆದೇಶ ಹೊರಡಿಸಿದೆ. ಮುಂದಿನ ದಿನಗಳಲ್ಲಿ ಎಲ್ಲಾ ಎಟಿಎಂಗಳಲ್ಲೂ ₹100 ಮತ್ತು ₹200 ನೋಟುಗಳನ್ನು ಕಡ್ಡಾಯವಾಗಿ ಲಭ್ಯವಾಗುವಂತೆ ಬ್ಯಾಂಕುಗಳಿಗೆ ಸೂಚನೆ ನೀಡಲಾಗಿದೆ.
- RBI ಆದೇಶ: ಎಟಿಎಂನಲ್ಲಿ 100, 200 ನೋಟು ಕಡ್ಡಾಯ
- ಎಲ್ಲಾ ಬ್ಯಾಂಕ್, ವೈಟ್ ಲೇಬಲ್ ATM ಆಪರೇಟರ್ಗಳಿಗೆ ಸೂಚನೆ
- 2026ರೊಳಗೆ 90% ATMಗಳಲ್ಲಿ ಚಿಲ್ಲರೆ ನೋಟು ಲಭ್ಯ
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಸಾಮಾನ್ಯ ಜನರ ಸೌಲಭ್ಯಕ್ಕಾಗಿ ಮಹತ್ವದ ನಿರ್ಧಾರ ಕೈಗೊಂಡಿದೆ. ಎಟಿಎಂಗಳಿಂದ ಮುಂದಿನ ದಿನಗಳಲ್ಲಿ ₹100 ಮತ್ತು ₹200 ಮುಖಬೆಲೆಯ ನೋಟುಗಳನ್ನು ಕಡ್ಡಾಯವಾಗಿ ಪಡೆಯಲು ಅವಕಾಶ ಇರಲಿದೆ. ಇದರಿಂದ ಚಿಲ್ಲರೆ ಹಣದ ಕೊರತೆಯ ಸಮಸ್ಯೆ ಪರಿಹಾರವಾಗುವ ನಿರೀಕ್ಷೆಯಿದೆ.
ಮಾರುಕಟ್ಟೆಯಲ್ಲಿ ಚಿಲ್ಲರೆ ಹಣದ ಕೊರತೆ ಬಗ್ಗೆ ವ್ಯಾಪಾರಿಗಳು ಮತ್ತು ಜನರು ಅಸಮಾಧಾನ ವ್ಯಕ್ತಪಡಿಸುತ್ತಿದ್ದರು. ಯುಪಿಐ (UPI) ಬಳಕೆ ಹೆಚ್ಚಾದರೂ, ನಗದು ನೀಡುವಲ್ಲಿ ಹಲವರಿಗೆ ತೊಂದರೆ ಉಂಟಾಗುತ್ತಿತ್ತು. ಈ ಹಿನ್ನೆಲೆಯಲ್ಲಿ, ಎಟಿಎಂಗಳಲ್ಲಿ ಕಡಿಮೆ ಮೌಲ್ಯದ ನೋಟುಗಳು ಲಭ್ಯವಾಗುವಂತೆ RBI ಹೊಸ ಆದೇಶ ಹೊರಡಿಸಿದೆ.
ಇದನ್ನೂ ಓದಿ: ಹೊಸ ಎಟಿಎಂ ನಿಯಮಗಳು, ಉಚಿತ ಮಿತಿ ದಾಟಿದರೆ ಬ್ಯಾಂಕ್ ಶುಲ್ಕ! ಬಿಗ್ ಅಪ್ಡೇಟ್
ಬ್ಯಾಂಕುಗಳು ಮತ್ತು ವೈಟ್ ಲೇಬಲ್ ಎಟಿಎಂ ಆಪರೇಟರ್ಗಳಿಗೆ RBI ಪತ್ರ ಬರೆದಿದ್ದು, ಎಲ್ಲಾ ಎಟಿಎಂಗಳಲ್ಲೂ ನಿಯಮಿತವಾಗಿ ₹100 ಮತ್ತು ₹200 ಮುಖಬೆಲೆಯ ನೋಟುಗಳನ್ನು ಇರಿಸಲು ಸೂಚಿಸಿದೆ. ವಿಶೇಷವಾಗಿ ಸೆಪ್ಟೆಂಬರ್ 30, 2025ರೊಳಗೆ ಕನಿಷ್ಠ 75% ಎಟಿಎಂಗಳಲ್ಲಿ ಈ ನೋಟುಗಳನ್ನು ವಿತರಣೆ ಮಾಡಬೇಕು.
ಇದೇ ರೀತಿಯಲ್ಲಿ, ಮಾರ್ಚ್ 31, 2026ರೊಳಗೆ 90% ಎಟಿಎಂಗಳಲ್ಲಿ ಈ ನೋಟುಗಳು ಲಭ್ಯವಾಗುವಂತೆ ನೋಡಿಕೊಳ್ಳಬೇಕು ಎಂದು ಸೂಚಿಸಲಾಗಿದೆ. ಈಗಾಗಲೇ ಅನೇಕ ಎಟಿಎಂಗಳಲ್ಲಿ ಈ ನೋಟುಗಳಿಗಾಗಿ ಪ್ರತ್ಯೇಕ ಸೌಲಭ್ಯ ಇದ್ದರೂ, ನಿರ್ಲಕ್ಷ್ಯದಿಂದಾಗಿ ಜನರು ಚಿಲ್ಲರೆ ಹಣದ ಕೊರತೆಯನ್ನು ಎದುರಿಸುತ್ತಿದ್ದರು.
ಇದನ್ನೂ ಓದಿ: ಮನೆಯಲ್ಲಿ ಎಷ್ಟು ಹಣ ಇಡಬಹುದು ಗೊತ್ತಾ? ಇದಕ್ಕಿಂತ ಹೆಚ್ಚಿದ್ದರೆ 78% ಪೇನಾಲ್ಟಿ
ಬ್ಯಾಂಕುಗಳಿಗೆ ಹೆಚ್ಚಿನ ಬದಲಾವಣೆಗಳನ್ನು ಮಾಡುವ ಅಗತ್ಯವಿಲ್ಲ ಎಂದು RBI ಸ್ಪಷ್ಟಪಡಿಸಿದೆ. ಪ್ರಸ್ತುತ ಕಾರ್ಯನಿರ್ವಹಿಸುತ್ತಿರುವ ಎಟಿಎಂಗಳಲ್ಲೇ ಹೊಸ ಆದೇಶ ಅನುಷ್ಠಾನಗೊಳ್ಳಲಿದೆ. ಇದರಿಂದ ಸಾಮಾನ್ಯ ಜನತೆಗೆ ಸುಲಭವಾಗಿ ಚಿಲ್ಲರೆ ಹಣ ದೊರೆಯಲಿದೆ.
100, 200 Notes Must in ATM
======== Story End ========
Writer of This Story
