Bajaj Finserv: ಬಜಾಜ್ ಫೈನಾನ್ಸ್‌ ಗ್ರಾಹಕರಿಗೆ ಗುಡ್ ನ್ಯೂಸ್, Fixed Deposit ಬಡ್ಡಿದರ ಏರಿಕೆ

Bajaj Finserv Fixed Deposit: ಬಜಾಜ್ ಫೈನಾನ್ಸ್ (Bajaj Finance) ಗ್ರಾಹಕರಿಗೆ ಒಳ್ಳೆಯ ಸುದ್ದಿ ತರುತ್ತಿದೆ. ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಹೆಚ್ಚಿಸುವುದಾಗಿ ಘೋಷಿಸಿದೆ. ಹೌದು, ಬಜಾಜ್ ಫೈನಾನ್ಸ್ ಪ್ರಮುಖ ನಿರ್ಧಾರವನ್ನು ತೆಗೆದುಕೊಂಡಿದೆ. ಸ್ಥಿರ ಠೇವಣಿಗಳ ಮೇಲೆ(FD) ಬಡ್ಡಿದರಗಳನ್ನು ಹೆಚ್ಚಿಸಿದೆ. ದರ ಏರಿಕೆ ನಿರ್ಧಾರ ಈಗಾಗಲೇ ಜಾರಿಯಾಗಿದೆ. ಇದರೊಂದಿಗೆ, ಬಜಾಜ್ ಫೈನಾನ್ಸ್ ಠೇವಣಿದಾರರು ಮೊದಲಿಗಿಂತ ಹೆಚ್ಚಿನ ಬಡ್ಡಿದರವನ್ನು ಪಡೆಯುತ್ತಾರೆ.

ಸ್ಥಿರ ಠೇವಣಿಗಳ (Fixed Deposits) ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸುವ ನಿರ್ಧಾರವು ನವೆಂಬರ್ 8 ರಿಂದ ಜಾರಿಗೆ ಬಂದಿದೆ ಎಂದು ಬಜಾಜ್ ಫೈನಾನ್ಸ್ ತಿಳಿಸಿದೆ. ರೂ. 15 ಸಾವಿರದಿಂದ ಹಣ ಜಮಾ ಮಾಡಬಹುದು. ಎಫ್‌ಡಿ ಮೇಲಿನ ಬಡ್ಡಿದರಗಳನ್ನು 10 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಿಸಲಾಗಿದೆ ಎಂದು ಕಂಪನಿ ಬಹಿರಂಗಪಡಿಸಿದೆ. ಪರಿಣಾಮವಾಗಿ, ಠೇವಣಿದಾರರು ಈಗ ಗರಿಷ್ಠ 7.85 ಶೇಕಡಾ ಬಡ್ಡಿಯನ್ನು ಪಡೆಯುತ್ತಾರೆ.

60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು 44 ತಿಂಗಳ ಅವಧಿಯನ್ನು ಆರಿಸಿದರೆ, ಅವರು 7.6 ಶೇಕಡಾ ಬಡ್ಡಿಯನ್ನು ಪಡೆಯುತ್ತಾರೆ. ಹಿರಿಯ ನಾಗರಿಕರಿಗೆ ಶೇಕಡಾ 0.25 ರಷ್ಟು ಹೆಚ್ಚಿನ ಬಡ್ಡಿ ಸಿಗುತ್ತದೆ. ಅಲ್ಲದೆ, ಹೆಚ್ಚಿನ ಬಡ್ಡಿ ದರವನ್ನು ಬಯಸುವವರು ಬಜಾಜ್ ಫೈನಾನ್ಸ್ ನೀಡುವ ವಿಶೇಷ ಅವಧಿಗಳನ್ನು ಆಯ್ಕೆ ಮಾಡಬೇಕಾಗುತ್ತದೆ.

ಇದನ್ನೂ ಓದಿ: ವೆಬ್ ಸ್ಟೋರೀಸ್

ಬಜಾಜ್ ಫೈನಾನ್ಸ್ (Bajaj Finance) 15 ತಿಂಗಳು, 18 ತಿಂಗಳು, 22 ತಿಂಗಳು, 30 ತಿಂಗಳು, 33 ತಿಂಗಳು ಮತ್ತು 44 ತಿಂಗಳ ಅವಧಿಯೊಂದಿಗೆ ಸ್ಥಿರ ಠೇವಣಿ ಸೇವೆಗಳನ್ನು ನೀಡುತ್ತದೆ. ಅಲ್ಲದೆ, ಬಜಾಜ್ ಫೈನಾನ್ಸ್ ವ್ಯವಸ್ಥಿತ ಠೇವಣಿ ಯೋಜನೆಯನ್ನು ಸಹ ಲಭ್ಯಗೊಳಿಸಿದೆ. ತಿಂಗಳಿಗೆ ರೂ 5 ಸಾವಿರದಿಂದ ಹಣ ಜಮಾ ಮಾಡಬೇಕು.

ಬಜಾಜ್ ಫೈನಾನ್ಸ್‌ನಲ್ಲಿ (Bajaj Finance) ಹಣವನ್ನು ಉಳಿಸಲು ಬಯಸುವವರು ಆನ್‌ಲೈನ್‌ನಲ್ಲಿ ಸ್ಥಿರ ಠೇವಣಿ ಖಾತೆಯನ್ನು ತೆರೆಯಬಹುದು (Fixed Deposit Account in Online). ಇದಕ್ಕಾಗಿ ಎಲ್ಲಿಯೂ ಹೋಗಬೇಕಾಗಿಲ್ಲ. ಅಂದರೆ ಬಜಾಜ್ ಫೈನಾನ್ಸ್‌ನಲ್ಲಿ ಹಣವನ್ನು ಸುಲಭವಾಗಿ ಠೇವಣಿ ಮಾಡಬಹುದು.

ಮತ್ತೊಂದೆಡೆ, ಸುಂದರಂ ಫೈನಾನ್ಸ್ (Sundaram Finance) ಕೂಡ FD ದರಗಳನ್ನು ಹೆಚ್ಚಿಸಿದೆ. ಬ್ಯಾಂಕುಗಳು ಸ್ಥಿರ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಸತತವಾಗಿ ಹೆಚ್ಚಿಸುತ್ತಿವೆ. ಈ ಕ್ರಮದಲ್ಲಿ ಫೈನಾನ್ಸ್ ಕಂಪನಿಗಳೂ ಎಫ್ ಡಿ ದರವನ್ನು ಹೆಚ್ಚಿಸುತ್ತಿವೆ ಎನ್ನಬಹುದು.

ಭಾರತೀಯ ರಿಸರ್ವ್ ಬ್ಯಾಂಕ್ ರೆಪೋ ದರವನ್ನು ಹೆಚ್ಚಿಸಿರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ. ರೆಪೊ ದರ ಹೆಚ್ಚಾದಂತೆ ಬ್ಯಾಂಕ್‌ಗಳು ಮತ್ತು ಎನ್‌ಬಿಎಫ್‌ಸಿಗಳು ಬಡ್ಡಿದರಗಳನ್ನು ಹೆಚ್ಚಿಸುತ್ತಿವೆ. ಹಣ ಹೂಡಿಕೆಗೆ ಇದೊಂದು ಉತ್ತಮ ಅವಕಾಶ ಎಂದೇ ಹೇಳಬಹುದು.

BAJAJ FINANCE RAISE FIXED DEPOSIT RATES

Follow us On

Advertisement