ಹೊಸ ಮನೆ ಕಟ್ಟೋರಿಗೆ ಬಿಗ್ ಶಾಕ್, ಸಿಮೆಂಟ್ ಬೆಲೆ ಭಾರೀ ಏರಿಕೆ
Cement Prices: ಸಿಮೆಂಟ್ ಬೆಲೆ ಏರಿಕೆ ಜನಸಾಮಾನ್ಯರಿಗೆ ಹೊರೆ ಹೆಚ್ಚಾಗುವ ಸಾಧ್ಯತೆ. ರಾಜ್ಯ ಸರ್ಕಾರಗಳು ಹೊಸ ಖನಿಜ ತೆರಿಗೆ (mineral tax) ವಿಧಿಸಲು ಮುಂದಾಗಿವೆ.
- ಸಿಮೆಂಟ್ (Cement) ಉತ್ಪಾದನೆಗೆ ಬಳಸುವ ಮೂಲ ಖನಿಜಗಳಿಗೆ ರಾಜ್ಯ ಸರ್ಕಾರಗಳು ಹೊಸ ತೆರಿಗೆ ವಿಧಿಸುತ್ತಿವೆ.
- ನಿರ್ಮಾಣ ವೆಚ್ಚ ಹೆಚ್ಚಳವಾಗಬಹುದು, ಹೌಸಿಂಗ್‌ ಹಾಗೂ ಇನ್ಫ್ರಾಸ್ಟ್ರಕ್ಚರ್‌ ಯೋಜನೆಗಳ ಮೇಲೆ ಪರಿಣಾಮ
- ತಮಿಳುನಾಡು ಸರ್ಕಾರ ಟನ್ನಿಗೆ ₹160 ನೂತನ ಖನಿಜ ತೆರಿಗೆ ವಿಧಿಸಲು ನಿರ್ಧರಿಸಿದೆ.
Cement Prices: ನಿಮ್ಮ ಮನೆಯ ಕನಸು ಕೈಗೆಟುಕಲು ಇನ್ನಷ್ಟು ಭಾರ! ಇತ್ತೀಚೆಗೆ, ಸಿಮೆಂಟ್ ಬೆಲೆ ಹೆಚ್ಚಾಗುವ ಸಾಧ್ಯತೆ ಬಗ್ಗೆ ಸುದ್ದಿಗಳು ಕೇಳಿಬರುತ್ತಿವೆ. ಕೆಲ ರಾಜ್ಯ ಸರ್ಕಾರಗಳು ತಮ್ಮ ಆದಾಯವನ್ನು ಹೆಚ್ಚಿಸಿಕೊಳ್ಳಲು, ಸಿಮೆಂಟ್ ಉತ್ಪಾದನೆಗೆ ಬಳಸುವ ಖನಿಜಗಳ ಮೇಲೆ ಹೊಸ ತೆರಿಗೆ ವಿಧಿಸಲು ಮುಂದಾಗಿವೆ.
ಈ ಹೊಸ ತೆರಿಗೆ ನಿಯಮಗಳು ಕಟ್ಟಡ ನಿರ್ಮಾಣದ ವೆಚ್ಚವನ್ನು ಇನ್ನಷ್ಟು ಹೆಚ್ಚಿಸಬಹುದು.
ರಾಜ್ಯ ಸರ್ಕಾರಗಳ ಹೊಸ ಪಾವತಿ ನಿಯಮ:
2024 ಜುಲೈನಲ್ಲಿ ಸುಪ್ರೀಂ ಕೋರ್ಟ್ ನೀಡಿದ ತೀರ್ಪಿನ ಪ್ರಕಾರ, ರಾಜ್ಯ ಸರ್ಕಾರಗಳಿಗೆ ಖನಿಜ ಸಂಪತ್ತಿನ ಮೇಲೆ ಹೆಚ್ಚುವರಿ ತೆರಿಗೆ ವಿಧಿಸಲು ಅನುಮತಿ ನೀಡಲಾಗಿದೆ. ಇದರಿಂದಾಗಿ, ತಮಿಳುನಾಡು ಸೇರಿದಂತೆ ಕೆಲವು ರಾಜ್ಯಗಳು ಹೊಸ ಖನಿಜ ತೆರಿಗೆ ನಿಯಮಗಳನ್ನು ಜಾರಿಗೆ ತರುತ್ತಿವೆ.
ತಮಿಳುನಾಡು ಸರ್ಕಾರ ಸಿಮೆಂಟ್ ಉತ್ಪಾದನೆಗೆ ಅಗತ್ಯವಾದ limestone ಮೇಲೆ ಟನ್ನಿಗೆ ₹160 ತೆರಿಗೆ ವಿಧಿಸಲು ನಿರ್ಧರಿಸಿದೆ. ಇದರಿಂದ ಸಿಮೆಂಟ್ ಉತ್ಪಾದನಾ ಕಂಪನಿಗಳಿಗೆ ಆರ್ಥಿಕ ಒತ್ತಡ ಹೆಚ್ಚಾಗುವ ಸಾಧ್ಯತೆ ಇದೆ.
ಸಿಮೆಂಟ್ ಉದ್ಯಮದ ಮೇಲೆ ಪರಿಣಾಮ:
ಈ ಹೊಸ ತೆರಿಗೆ ನಿಯಮಗಳ ಕಾರಣ, ತಮಿಳುನಾಡಿನ ಸಿಮೆಂಟ್ ಬೆಲೆ ಪ್ರತಿ ಬ್ಯಾಗ್‌ ₹8-₹10 ರಷ್ಟು ಏರಬಹುದು ಎಂದು ವಿಶ್ಲೇಷಕರು ಅಂದಾಜಿಸುತ್ತಿದ್ದಾರೆ. ಇದರಿಂದ, ಸಿಮೆಂಟ್ ಕಂಪನಿಗಳು ತಮ್ಮ ನಷ್ಟವನ್ನು ಸಮತೋಲನಗೊಳಿಸಲು ಬೆಲೆ ಹೆಚ್ಚಿಸಬಹುದು. ಇದನ್ನು ಗ್ರಾಹಕರು ಮತ್ತು ಕಟ್ಟಡ ನಿರ್ಮಾಣ ಕಂಪನಿಗಳು ಹೊರುವಂತಾಗುತ್ತದೆ.
ಕಂಪನಿಗಳ ಮೇಲೆ ಪರಿಣಾಮ:
ನೂತನ ತೆರಿಗೆ ನಿಯಮದಿಂದ ರಾಮ್ಕೋ ಸಿಮೆಂಟ್ಸ್ (Ramco Cements) ಅತ್ಯಧಿಕ ಹಾನಿ ಎದುರಿಸಬಹುದು ಎಂದು ಮೋಟೀಲಾಲ್ ಓಸ್ವಾಲ್ ವಿಶ್ಲೇಷಿಸಿದೆ. ಈ ತೆರಿಗೆ ನಿಯಮದಿಂದಾಗಿ, ರಾಮ್ಕೋ ಸಿಮೆಂಟ್ಸ್ ತಲಾ ಟನ್ನಿಗೆ ₹80 ನಷ್ಟ ಅನುಭವಿಸಬಹುದು, ದಾಲ್ಮಿಯಾ ಭಾರತ್ (Dalmia Bharat) ಟನ್ನಿಗೆ ₹34 ನಷ್ಟ ಎದುರಿಸಲಿದೆ. ಇದರಿಂದ ಕಂಪನಿಗಳ ಲಾಭದಾರಿತ್ವದ ಮೇಲೆ ನೇರ ಪರಿಣಾಮ ಬೀರುವ ಸಾಧ್ಯತೆ ಇದೆ.
ತಮಿಳುನಾಡಿನ ಈ ಹೊಸ ತೆರಿಗೆ ನೀತಿ ಇತರ ರಾಜ್ಯಗಳಿಗೂ ಮಾದರಿಯಾಗಬಹುದು. ಈ ಹಿಂದೆ, ಇಂತಹ ತೆರಿಗೆ ನಿಯಮಗಳು ರಾಜ್ಯ ಸರ್ಕಾರಗಳ ಆದಾಯವನ್ನು ಹೆಚ್ಚಿಸಲು ಸಹಾಯ ಮಾಡಿದವು. ಆದರೆ, ಇವು ನಿರ್ಮಾಣ ವಲಯಕ್ಕೆ ದೊಡ್ಡ ಹೊರೆ ಆಗಬಹುದು. ಆಂಧ್ರಪ್ರದೇಶ, ಗುಜರಾತ್ ರಾಜ್ಯಗಳು ಸಹ ಇಂತಹ ತೆರಿಗೆ ನಿಯಮಗಳನ್ನು ಪರಿಗಣಿಸಬಹುದು.
ತಮಿಳುನಾಡಿನ ಈ ಹೊಸ ತೆರಿಗೆ ನೀಮಾವಳಿ ದಕ್ಷಿಣ ಭಾರತದಲ್ಲಿ ಕಾರ್ಯನಿರ್ವಹಿಸುವ ಕಂಪನಿಗಳಿಗೆ ಹೆಚ್ಚಿನ ಹೊರೆ ತರುತ್ತದೆ. ಆದರೆ, ಉತ್ತರ ಮತ್ತು ಪಶ್ಚಿಮ ಭಾರತದ ಸಿಮೆಂಟ್ ಕಂಪನಿಗಳು ಬಹುತೇಕ ಈ ನಿಯಮಗಳ ಪರಿಣಾಮದಿಂದ ತಪ್ಪಿಸಿಕೊಳ್ಳಬಹುದಾಗಿದೆ.
ಬ್ರೋಕರೇಜ್ ಸಂಸ್ಥೆಗಳ ಪ್ರಕಾರ, ಲಾರ್ಜ್-ಕ್ಯಾಪ್ ವಲಯದಲ್ಲಿ ಅಲ್ಟ್ರಾಟೆಕ್ (UltraTech) ಅತ್ಯುತ್ತಮ ಆಯ್ಕೆ, ಮಿಡ್-ಕ್ಯಾಪ್ ವಲಯದಲ್ಲಿ ಜೆಕೆ ಸಿಮೆಂಟ್ಸ್ (JK Cements) ಉತ್ತಮ ಪೈಕಿ ಎಂದು ಹೇಳಲಾಗಿದೆ.
Cement Prices Set to Rise, Construction Costs May Surge
Our Whatsapp Channel is Live Now 👇
