2 ಲಕ್ಷ ಮೀರಿದ ನಗದು ವ್ಯವಹಾರಗಳಿಗೆ ಕಠಿಣ ಕ್ರಮ! ನಿಯಮ ತಿಳಿಯದವರಿಗೆ ದೊಡ್ಡ ಶಾಕ್

ಪ್ರತಿದಿನ ನಗದು ವ್ಯವಹಾರಗಳಿಗೆ ಸರ್ಕಾರ ಕಟ್ಟುನಿಟ್ಟಿನ ಮಿತಿಯನ್ನು ನಿಗದಿಪಡಿಸಿದೆ. ಸೆಕ್ಷನ್ 269ST ಪ್ರಕಾರ ಒಂದೇ ದಿನದಲ್ಲಿ ಒಂದೇ ವ್ಯಕ್ತಿಯಿಂದ ₹2 ಲಕ್ಷಕ್ಕಿಂತ ಹೆಚ್ಚು ನಗದು ಸ್ವೀಕರಿಸುವುದು ಕಾನೂನು ಉಲ್ಲಂಘನೆಯಾಗುತ್ತದೆ.

ಇದು ಉಡುಗೊರೆ, ವ್ಯವಹಾರ ಪಾವತಿ ಅಥವಾ ಬೇರೆ ಯಾವುದೇ ಕಾರಣಕ್ಕಾಗಿ ಆಗಿರಬಹುದು. ಮಿತಿಯನ್ನು ಮೀರಿ ಹಣ ಸ್ವೀಕರಿಸಿದರೆ ಐಟಿ ಇಲಾಖೆ ನೋಟೀಸ್ ಕಳುಹಿಸುವ ಸಾಧ್ಯತೆ ಹೆಚ್ಚಾಗುತ್ತದೆ.

ಇತ್ತೀಚಿನ ವರ್ಷಗಳಲ್ಲಿ ಡಿಜಿಟಲ್ ಪಾವತಿಗಳ ಬಳಕೆ ಹೆಚ್ಚುತ್ತಲೇ ಇದೆ. ನಗದು ರಹಿತ ಆರ್ಥಿಕತೆಯನ್ನು ಉತ್ತೇಜಿಸುವ ಭಾಗವಾಗಿ, ಸರ್ಕಾರ ಮತ್ತು ಆದಾಯ ತೆರಿಗೆ ಇಲಾಖೆ ದೊಡ್ಡ ವಹಿವಾಟುಗಳನ್ನು ಕಟ್ಟುನಿಟ್ಟಾಗಿ ಟ್ರ್ಯಾಕ್ ಮಾಡುತ್ತಿದೆ.

ಇದನ್ನೂ ಓದಿ: ನಿಮ್ಮ ಪರ್ಸನಲ್ ಲೋನ್ ಅರ್ಜಿ ರಿಜೆಕ್ಟ್ ಆಯ್ತಾ? ಹಾಗಾದ್ರೆ, ಮೊದಲು ಈ 4 ತಪ್ಪು ತಿದ್ದಿಕೊಳ್ಳಿ

ಹೆಚ್ಚಿನವರು ತಿಳಿಯದೇ ನಗದಿನಲ್ಲಿ ದೊಡ್ಡ ಮೊತ್ತ ಹಸ್ತಾಂತರ ಮಾಡುವ ಸಂದರ್ಭಗಳಲ್ಲಿ ನಿಯಮ ಉಲ್ಲಂಘಿಸಲಾಗುತ್ತದೆ. ಇದರಿಂದ ನಂತರ ದಂಡ ಅಥವಾ ನೋಟೀಸ್‌ಗಳ ರೂಪದಲ್ಲಿ ಸಮಸ್ಯೆ ಎದುರಾಗಬಹುದು.

ಆದಾಯ ತೆರಿಗೆ ಇಲಾಖೆ ನಗದಿನಲ್ಲಿನ ಅನೇಕ ಪ್ರಮುಖ ಬಳಕೆಗಳನ್ನು ಗಮನಿಸುತ್ತದೆ. ಬ್ಯಾಂಕ್ ಖಾತೆಗೆ ವರ್ಷಕ್ಕೆ ₹10 ಲಕ್ಷಕ್ಕಿಂತ ಹೆಚ್ಚು ನಗದು ಜಮಾ ಮಾಡುವಿಕೆ, ₹1 ಲಕ್ಷಕ್ಕೂ ಹೆಚ್ಚು ನಗದಿನಿಂದ ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಸುವಿಕೆ, ₹30 ಲಕ್ಷಕ್ಕಿಂತ ಹೆಚ್ಚಿನ ಮೌಲ್ಯದ ಆಸ್ತಿ ಖರೀದಿ–ಮಾರಾಟ ಸೇರಿದಂತೆ ಹಲವು ಚಟುವಟಿಕೆಗಳು ಅವರ ನಿಗಾದಲ್ಲಿವೆ.

ಇದೇ ರೀತಿಯಾಗಿ ₹50,000ಕ್ಕಿಂತ ಹೆಚ್ಚು ನಗದು ಉಡುಗೊರೆ ಅಥವಾ ₹2 ಲಕ್ಷಕ್ಕಿಂತ ಹೆಚ್ಚು ವ್ಯವಹಾರ ನಗದು ಸ್ವೀಕರಿಸಿದರೂ ಪರಿಶೀಲನೆ ಶುರುವಾಗಬಹುದು.

ನಿಯಮ ಉಲ್ಲಂಘನೆ ಮಾಡಿದರೆ ದಂಡವೂ ತಕ್ಕಮಟ್ಟಿಗೆ ಗಂಭೀರ. ಎಷ್ಟು ನಗದು ಸ್ವೀಕರಿಸಿದ್ದರೋ ಅಷ್ಟೇ ಮೊತ್ತದ ದಂಡ ವಿಧಿಸಲಾಗಬಹುದು. ಉದಾಹರಣೆಗೆ ₹2.5 ಲಕ್ಷ ನಗದು ಸ್ವೀಕರಿಸಿದರೆ, ದಂಡವೂ ₹2.5 ಲಕ್ಷವೇ ಆಗುತ್ತದೆ. ಉದ್ಯೋಗಿ, ವ್ಯಾಪಾರಿ ಅಥವಾ ಸ್ವತಂತ್ರ ವೃತ್ತಿಜೀವಿ–ಎಲ್ಲರೂ ಈ ನಿಯಮಕ್ಕೆ ಒಳಪಡುವವರು.

ಇದನ್ನೂ ಓದಿ: ಎಸ್‌ಬಿಐ ಬ್ಯಾಂಕಿನಲ್ಲಿ 60 ಲಕ್ಷ ಗೃಹ ಸಾಲಕ್ಕೆ ಇಎಂಐ ಎಷ್ಟು? ಬಡ್ಡಿ ಎಷ್ಟು? ಇಲ್ಲಿದೆ ಲೆಕ್ಕಾಚಾರ

ನೋಟೀಸ್ ತಪ್ಪಿಸುವುದು ಅಷ್ಟು ಕಷ್ಟಕರವಲ್ಲ. ದೊಡ್ಡ ಪಾವತಿಗಳನ್ನು ಬ್ಯಾಂಕ್, UPI ಅಥವಾ ಇತರೆ ಡಿಜಿಟಲ್ ಮಾರ್ಗಗಳಿಂದಲೇ ಮಾಡಬೇಕು. ಪ್ರತಿಯೊಂದು ವ್ಯವಹಾರಕ್ಕೂ ದಾಖಲಾತಿಯನ್ನು ಇಟ್ಟುಕೊಳ್ಳುವುದು ಅಗತ್ಯ.

ವ್ಯಾಪಾರಿಗಳು ತಮ್ಮ ಲೆಕ್ಕಪತ್ರಗಳಲ್ಲಿ ಹೆಚ್ಚುವರಿ ಜಾಗ್ರತೆ ವಹಿಸಬೇಕು. ಗ್ರಾಹಕರಿಂದ ₹2 ಲಕ್ಷಕ್ಕೂ ಹೆಚ್ಚು ನಗದು ಸ್ವೀಕರಿಸುವುದು ನಿಯಮ ಉಲ್ಲಂಘನೆಯಾಗುತ್ತದೆ. ಬ್ಯಾಂಕ್ ಮತ್ತು NBFC ಗಳಿಗೂ ದೊಡ್ಡ ಮೊತ್ತದ ನಗದು ವ್ಯವಹಾರಗಳನ್ನು ವರದಿ ಮಾಡುವ ಜವಾಬ್ದಾರಿ ನೀಡಲಾಗಿದೆ.

ಡಿಜಿಟಲ್ ಪಾವತಿಗಳು ಸುರಕ್ಷಿತವಾಗಿರುವುದಲ್ಲದೆ ಭವಿಷ್ಯದಲ್ಲಿ ತೆರಿಗೆ ರಿಟರ್ನ್ ಸಲ್ಲಿಕೆಗೂ ಸಹಕಾರಿ. ದೊಡ್ಡ ನಗದು ಲಾವಾದೇವಿಗಳು ಈಗ ಕಡ್ಡಾಯವಾಗಿ ಟ್ರ್ಯಾಕ್ ಆಗುತ್ತಿರುವುದರಿಂದ, ನಿಯಮಗಳನ್ನು ಮುಂಚಿತವಾಗಿ ತಿಳಿದುಕೊಂಡು ಪಾಲನೆ ಮಾಡಿದರೆ ದಂಡ ಅಥವಾ ನೋಟೀಸ್‌ಗಳಿಂದ ದೂರವಾಗಬಹುದು.

Daily Cash Limit Rules and IT Penalties

English Summary▼

The Income Tax Department strictly monitors high-value cash transactions to curb tax evasion and unaccounted money. Under Section 269ST, receiving more than ₹2 lakh in cash from one person in a single day is a direct violation and may attract penalties equal to the amount received.

Large deposits, cash-based credit card bill payments, high-value property deals and cash gifts are also monitored. To avoid notices, individuals and businesses are advised to conduct major payments through digital or banking channels and maintain proper documentation for every transaction.