ಆಧಾರ್ ಉಚಿತ ಸೇವೆ, ಗಡುವು ಮಾರ್ಚ್ 14ರ ತನಕ ಮತ್ತೊಮ್ಮೆ ವಿಸ್ತರಣೆ

Aadhaar free update : ಆನ್‌ಲೈನ್‌ನಲ್ಲಿ ಉಚಿತವಾಗಿ ಆಧಾರ್ ವಿವರಗಳನ್ನು ನವೀಕರಿಸುವ ಗಡುವನ್ನು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯುಐಡಿಎಐ) ಮತ್ತೊಮ್ಮೆ ವಿಸ್ತರಿಸಿದೆ. ಆರಂಭದಲ್ಲಿ, 2023 ರ ಡಿಸೆಂಬರ್ 14 ರವರೆಗೆ ಮಾತ್ರ ಆಧಾರ್ ವಿವರಗಳನ್ನು ಉಚಿತವಾಗಿ ನವೀಕರಿಸಲು ಅವಕಾಶವನ್ನು ನೀಡಲಾಯಿತು.

ಇತ್ತೀಚೆಗೆ, ಅದು ಇನ್ನೂ ಮೂರು ತಿಂಗಳ ಗಡುವನ್ನು ನೀಡಿದೆ. ಅಂದರೆ ನೀವು 14 ಮಾರ್ಚ್ 2024 ರವರೆಗೆ ವಿವರಗಳನ್ನು ಉಚಿತವಾಗಿ ನವೀಕರಿಸಬಹುದು. ಸಾರ್ವಜನಿಕರಿಂದ ಸಕಾರಾತ್ಮಕ ಪ್ರತಿಕ್ರಿಯೆ ಬಂದಿರುವುದರಿಂದ ಗಡುವನ್ನು ವಿಸ್ತರಿಸಲು ನಿರ್ಧರಿಸಲಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಗಡುವಿನ ನಂತರ ಆಧಾರ್ ದಾಖಲೆಗಳನ್ನು ನವೀಕರಿಸಲು ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.

ನೀವು ಕ್ರೆಡಿಟ್ ಕಾರ್ಡ್ ಬಳಸುತ್ತಿದ್ದೀರಾ? ಈ ಸಲಹೆಗಳೊಂದಿಗೆ ಪಡೆಯಿರಿ ಇನ್ನಷ್ಟು ಬೆನಿಫಿಟ್

ಆಧಾರ್ ಕಾರ್ಡ್‌ಗೆ ಹೆಸರು ನೋಂದಾಯಿಸಿದ ದಿನಾಂಕದಿಂದ 10 ವರ್ಷಗಳನ್ನು ಪೂರೈಸಿದವರು ಸೂಕ್ತ ದಾಖಲೆಗಳನ್ನು ಸಲ್ಲಿಸಬೇಕು ಮತ್ತು ಅದರಲ್ಲಿರುವ ವಿವರಗಳನ್ನು ನವೀಕರಿಸಬೇಕು ಎಂದು ಯುಐಡಿಎಐ ಈ ಹಿಂದೆ ಸೂಚಿಸಿತ್ತು.

ಇನ್ನು ಮುಂದೆ, ಪ್ರತಿಯೊಬ್ಬರೂ ಕನಿಷ್ಠ ಹತ್ತು ವರ್ಷಗಳಿಗೊಮ್ಮೆ ಗುರುತಿನ ಚೀಟಿ ಮತ್ತು ವಿಳಾಸ ಪರಿಶೀಲನೆ ದಾಖಲೆಗಳನ್ನು ಸಲ್ಲಿಸಬೇಕು ಮತ್ತು ಕೇಂದ್ರೀಯ ಗುರುತಿನ ಡೇಟಾ ರೆಪೊಸಿಟರಿಯಲ್ಲಿ (ಸಿಐಡಿಆರ್) ವಿವರಗಳನ್ನು ನವೀಕರಿಸಬೇಕು. ಈ ಪ್ರಕ್ರಿಯೆಯಿಂದಾಗಿ ಸಿಐಡಿಆರ್ ನಲ್ಲಿ ಕಾಲಕಾಲಕ್ಕೆ ನಾಗರಿಕರ ಮಾಹಿತಿ ಅಪ್ ಡೇಟ್ ಆಗಲಿದ್ದು, ನಿಖರ ಮಾಹಿತಿಗೆ ಸಹಕಾರಿಯಾಗಲಿದೆ ಎನ್ನಲಾಗಿದೆ.

ಆಧಾರ್‌ನ 10 ವರ್ಷಗಳನ್ನು ಪೂರ್ಣಗೊಳಿಸಿದವರು ತಮ್ಮ ಜನಸಂಖ್ಯಾ ವಿವರಗಳನ್ನು ನವೀಕರಿಸಬೇಕಾಗುತ್ತದೆ. ಇದಕ್ಕಾಗಿ ಯುಐಡಿಎಐ ವೆಬ್‌ಸೈಟ್‌ಗೆ ಲಾಗ್ ಇನ್ ಆಗಬೇಕು ಮತ್ತು ಇತ್ತೀಚಿನ ಗುರುತಿನ ಚೀಟಿ ಮತ್ತು ವಿಳಾಸ ವಿವರಗಳನ್ನು ಸಲ್ಲಿಸಬೇಕು.

ಮಹಿಳೆಯರಿಗಾಗಿಯೇ ಮೀಸಲಿರುವ ಈ ಯೋಜನೆಗಳಲ್ಲಿ ಗಳಿಸಬಹುದು ಲಕ್ಷ ಲಕ್ಷ ಆದಾಯ

ಪಡಿತರ ಚೀಟಿ, ವೋಟರ್ ಐಡಿ, ಕಿಸಾನ್ ಫೋಟೋ ಪಾಸ್‌ಬುಕ್, ಪಾಸ್‌ಪೋರ್ಟ್ ಗುರುತು ಮತ್ತು ವಿಳಾಸ ಎರಡಕ್ಕೂ ಪರಿಶೀಲನೆ ದಾಖಲೆಗಳಾಗಿ ಬಳಸಬಹುದು. ಗುರುತಿನ ಪುರಾವೆಯಾಗಿ ಟಿಸಿ, ಮಾರ್ಕ್ ಶೀಟ್, ಪ್ಯಾನ್/ಇ-ಪ್ಯಾನ್, ಡ್ರೈವಿಂಗ್ ಲೈಸೆನ್ಸ್ ಬಳಸಬಹುದು ಎಂದು ಯುಐಡಿಎಐ ತಿಳಿಸಿದೆ.

ಟ್ರ್ಯಾಕ್ಟರ್ ಖರೀದಿಗೆ ಸರ್ಕಾರದಿಂದಲೇ ಸಿಗುತ್ತೆ 50% ನಷ್ಟು ಸಬ್ಸಿಡಿ ಹಣ; ಅರ್ಜಿ ಸಲ್ಲಿಸಿ

ವಿದ್ಯುತ್, ನೀರು, ಅನಿಲ ಮತ್ತು ದೂರವಾಣಿ ಬಿಲ್‌ಗಳನ್ನು (ಮೂರು ತಿಂಗಳಿಗಿಂತ ಹಳೆಯದು) ವಿಳಾಸದ ಪುರಾವೆಯಾಗಿ ಬಳಸಬಹುದು. ದೃಢೀಕರಣ ದಾಖಲೆಗಳ ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ‘ಮೈ ಆಧಾರ್’ ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್ ಮಾಡಬೇಕು.

Deadline extended once again for Aadhaar Card free update