ದೇಶದಲ್ಲಿ ಆಧಾರ್ ಕಾರ್ಡ್ ಪಡೆದ ಮೊದಲ ವ್ಯಕ್ತಿ ಯಾರು ಗೊತ್ತಾ? ಇಲ್ಲಿದೆ ಆಧಾರ್ ಬಗೆಗಿನ ಕುತೂಹಲಕಾರಿ ವಿಷಯಗಳು

Aadhaar card: ನಮ್ಮ ಜೀವನದ ಭಾಗವಾಗಿರುವ ಆಧಾರ್ ಕಾರ್ಡ್ ಬಗ್ಗೆ ನಿಮಗೆಷ್ಟು ಗೊತ್ತು? ಭಾರತದಲ್ಲಿ ಆಧಾರ್ ಕಾರ್ಡ್ ಅನ್ನು ಯಾವಾಗ ಪರಿಚಯಿಸಲಾಯಿತು ಮತ್ತು ದೇಶದಲ್ಲಿ ಮೊದಲ ಆಧಾರ್ ಕಾರ್ಡ್ ಅನ್ನು ಯಾರಿಗೆ ನೀಡಲಾಯಿತು? ಯಾವ ಸರ್ಕಾರದಲ್ಲಿ ಆಧಾರ್ ಕಾರ್ಡ್ ಅನ್ನು ಪರಿಚಯಿಸಲಾಯಿತು? ಅಂತಹ ಆಸಕ್ತಿದಾಯಕ ವಿಷಯಗಳನ್ನು (Interesting Facts) ನೋಡೋಣ.

ಅನೇಕ ಕಂಪನಿಗಳು ಮತ್ತು ಸಾರ್ವಜನಿಕ ವಲಯದ ಸಂಸ್ಥೆಗಳು KYC ಪರಿಶೀಲನೆಗಾಗಿ ಆಧಾರ್ ಕಾರ್ಡ್ ಅನ್ನು ಬಳಸುತ್ತಿವೆ. ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ಆಧಾರ್ ಸೇವೆಗಳಿಗೆ ಕಾರಣವಾಗಿದೆ. ಜನರ ಅನುಕೂಲಕ್ಕಾಗಿ, ಆನ್‌ಲೈನ್‌ನಲ್ಲಿ (Online) ಮತ್ತು ಆಧಾರ್ ಕೇಂದ್ರಗಳ ಮೂಲಕ ಸೇವೆಗಳನ್ನು ಒದಗಿಸಲಾಗುತ್ತದೆ.

ಆಧಾರ್ ಕಾರ್ಡ್ ಬಗ್ಗೆ ಭಾರತೀಯರಿಗೆ ವಿಶೇಷ ಪರಿಚಯ ಅಗತ್ಯವಿಲ್ಲ. ಆಧಾರ್ ಕಾರ್ಡ್ ಅನ್ನು ಭಾರತದ ಪ್ರತಿಯೊಬ್ಬ ನಾಗರಿಕರಿಗೂ ಅನನ್ಯ ಸಂಖ್ಯೆಯನ್ನು ಒದಗಿಸಲು ವಿನ್ಯಾಸಗೊಳಿಸಲಾಗಿದೆ. ಸಿಮ್ ಕಾರ್ಡ್ ನಿಂದ ಗ್ಯಾಸ್ ಕನೆಕ್ಷನ್ ವರೆಗೆ, ಫ್ಲೈಟ್ ಟಿಕೆಟ್ ಕೊಳ್ಳುವುದರಿಂದ (Flight Ticket) ಹಿಡಿದು ಮನೆ ಖರೀದಿವರೆಗೆ (Buy House) ಆಧಾರ್ ಕಾರ್ಡ್ ಕಡ್ಡಾಯವಾಗಿಬಿಟ್ಟಿದೆ.

ಸರಕಾರವೂ ಆಧಾರ್ ಕಾರ್ಡ್ ಕಡ್ಡಾಯಗೊಳಿಸಿದೆ. ಜತೆಗೆ ಪ್ಯಾನ್ ಕಾರ್ಡ್ ಮತ್ತು ಪಡಿತರ ಚೀಟಿಗೆ ಆಧಾರ್ ಲಿಂಕ್ ಮಾಡಲು ತೀರ್ಮಾನ ಕೈಗೊಳ್ಳಲಾಗಿದೆ. ಇದರಿಂದಾಗಿ ಆಧಾರ್ ಕಾರ್ಡ್ ಇಲ್ಲದೇ ಜೀವನವೇ ಇಲ್ಲದಂತಾಗಿದೆ. ಆಧಾರ್ ಕಾರ್ಡ್ ಇಲ್ಲದೆ ಸರಕಾರಕ್ಕೆ ಸಂಬಂಧಿಸಿದ ಯಾವುದೇ ಕೆಲಸಗಳು ನಡೆಯದಂತಹ ಪರಿಸ್ಥಿತಿ ಇದೆ.

ಪ್ರತಿ ಕೆಲಸಕ್ಕೂ ಅತ್ಯಗತ್ಯವಾಗಿರುವ ಆಧಾರ್ ಕಾರ್ಡ್ ಅನ್ನು 2010 ರಲ್ಲಿ ಮೊದಲ ಬಾರಿಗೆ ದೇಶದಲ್ಲಿ ಪರಿಚಯಿಸಲಾಯಿತು. ಮಹಾರಾಷ್ಟ್ರದ (Maharashtra) ತೆಂಬಳಿ ಗ್ರಾಮದ ರಂಜನಾ ಸೋನಾವಣೆ ಎಂಬ ಮಹಿಳೆ ಆಧಾರ್ ಕಾರ್ಡ್ ಪಡೆದ ಮೊದಲ ವ್ಯಕ್ತಿಯಾಗಿದ್ದಾರೆ.

ಇದನ್ನು ಸೆಪ್ಟೆಂಬರ್ 29, 2010 ರಂದು ಆಗಿನ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಮತ್ತು ಅಂದಿನ ಪ್ರಧಾನಿ ಮನಮೋಹನ್ ಸಿಂಗ್ ಅವರ ಸಮ್ಮುಖದಲ್ಲಿ ಅವರಿಗೆ ನೀಡಲಾಯಿತು.

ರಂಜನಾ ಸೋನಾವನೆ ಅವರು ದೇಶದಲ್ಲೇ ಮೊದಲ ಆಧಾರ್ ಪಡೆದ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ ಮತ್ತು ತಂಬಾಳಿ ಆಧಾರ್ ಕಾರ್ಡ್ ಪಡೆದ ಮೊದಲ ಗ್ರಾಮ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಆ ಸಮಯದಲ್ಲಿ ಈ ಗ್ರಾಮವು ರಾಷ್ಟ್ರದ ಚರ್ಚೆಯಾಯಿತು. ಆ ವೇಳೆ ಅನೇಕ ಮುಖಂಡರು ಗ್ರಾಮಕ್ಕೆ ಬಂದು ರಂಜನಾ ಅವರನ್ನು ಭೇಟಿಯಾದರು. ಇದರೊಂದಿಗೆ ಇಡೀ ದೇಶವೇ ಈ ಗ್ರಾಮದ ಬಗ್ಗೆ ಚರ್ಚೆ ನಡೆಸಿತು.

ಏತನ್ಮಧ್ಯೆ, ದೇಶದಲ್ಲಿ ಶೇಕಡಾ 90 ಕ್ಕಿಂತ ಹೆಚ್ಚು ಜನರು ಆಧಾರ್ ಕಾರ್ಡ್ ಹೊಂದಿದ್ದಾರೆ. ನವೆಂಬರ್ 2022 ರ ವೇಳೆಗೆ, ದೇಶಾದ್ಯಂತ ಒಟ್ಟು 135.2 ಕೋಟಿ ಆಧಾರ್ ಸಂಖ್ಯೆಗಳನ್ನು ರಚಿಸಲಾಗಿದೆ. ಆಧಾರ್ ಕಾರ್ಡ್ ಲಭ್ಯವಾಗುವ ಮೊದಲು, ಹೆಚ್ಚಿನ ಜನರು ಮತದಾರರ ಕಾರ್ಡ್ ಅನ್ನು ತಮ್ಮ ವೈಯಕ್ತಿಕ ಗುರುತಿನ ಚೀಟಿಯಾಗಿ ಬಳಸುತ್ತಿದ್ದರು. ಆರಂಭದಲ್ಲಿ ಆಧಾರ್ ಕಾರ್ಡ್ ಬಳಕೆ ದೊಡ್ಡದಾಗಿರಲಿಲ್ಲ, ಆದರೆ ಕ್ರಮೇಣ ಆಧಾರ್ ಕಾರ್ಡ್ ಎಲ್ಲ ಕ್ಷೇತ್ರಗಳಿಗೂ ವಿಸ್ತರಣೆಯಾಯಿತು. ಇಂದಿನ ದಿನಗಳಲ್ಲಿ ಪ್ರತಿಯೊಂದು ಅಗತ್ಯಕ್ಕೂ ಆಧಾರ್ ಅನಿವಾರ್ಯವಾಗಿದೆ.

Do you know who was the first person Got Aadhaar card in India