FASTag ಬಳಕೆದಾರರಿಗೆ ಕೇಂದ್ರದಿಂದ ಬಿಗ್ ಅಲರ್ಟ್! ಇಂದಿನಿಂದಲೇ ಹೊಸ ನಿಯಮ

FASTag ವ್ಯವಸ್ಥೆಯಲ್ಲಿ ಹೊಸ ನಿಯಮ

ಟೋಲ್ ಪ್ಲಾಜಾಗಳಲ್ಲಿ ಸುಗಮ ಸಂಚಾರ ಮತ್ತು ಡಿಜಿಟಲ್ ಪಾವತಿಯನ್ನು ಉತ್ತೇಜಿಸಲು ಕೇಂದ್ರ ಸರ್ಕಾರ FASTag ವ್ಯವಸ್ಥೆಯಲ್ಲಿ ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ವಾಹನದ ನೋಂದಣಿ ಸಂಖ್ಯೆ ಮತ್ತು FASTag ವಿವರಗಳು ಹೊಂದಿಕೆಯಾಗದಿದ್ದರೆ ಕಠಿಣ ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ನ್ಯಾಷನಲ್ ಹೈವೇಸ್ ಅಥಾರಿಟಿ ಆಫ್ ಇಂಡಿಯಾ (NHAI) ಈ ಕುರಿತು ಬ್ಯಾಂಕುಗಳಿಗೆ ಸೂಚನೆ ನೀಡಿದ್ದು, FASTag ಜಾರಿಗೊಳಿಸಿದ ಎಲ್ಲಾ ಖಾತೆಗಳನ್ನು ತಕ್ಷಣ ಪರಿಶೀಲಿಸಲು ಹೇಳಿದೆ.

ವಾಹನ ನಂಬರ್ ಮತ್ತು FASTag ಒಂದೇ ಆಗಬೇಕು

ಹೊಸ ನಿಯಮದ ಪ್ರಕಾರ, ನೀವು ಯಾವ ವಾಹನ ಸಂಖ್ಯೆಗೆ FASTag ಪಡೆದಿದ್ದೀರೋ ಅದೇ ವಾಹನಕ್ಕೆ ಬಳಸಬೇಕು. ಬೇರೆ ವಾಹನದಲ್ಲಿ ಬಳಸಿದರೆ ಅಥವಾ ವಾಹನ ನೋಂದಣಿ ಸಂಖ್ಯೆಯೊಂದಿಗೆ ಹೊಂದಿಕೆಯಾಗದಿದ್ದರೆ ಆ FASTag ಅನ್ನು ಇನಾಕ್ಟಿವ್ ಅಥವಾ ಬ್ಲಾಕ್ ಮಾಡಬಹುದು.

ಟೋಲ್ ಪ್ಲಾಜಾಗಳಲ್ಲಿ FASTag ಸ್ಕ್ಯಾನ್ ಮಾಡುವಾಗ ವಾಹನ ಸಂಖ್ಯೆ ಮತ್ತು ಟ್ಯಾಗ್ ವಿವರಗಳು ಹೊಂದಿಕೆಯಾಗುತ್ತಿಲ್ಲ ಎಂಬ ಹಲವು ದೂರುಗಳು ಬಂದ ಹಿನ್ನೆಲೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಬ್ಯಾಂಕುಗಳಿಗೆ ಕೇಂದ್ರದ ಸೂಚನೆ

ಟೋಲ್ ಸಂಗ್ರಹ ವ್ಯವಸ್ಥೆಯಲ್ಲಿ ಡೇಟಾ ನಿಖರತೆ ಮತ್ತು ವಿಶ್ವಾಸಾರ್ಹತೆ ಹೆಚ್ಚಿಸಲು ಬ್ಯಾಂಕುಗಳಿಗೆ ಸರ್ಕಾರ ಸೂಚನೆ ನೀಡಿದೆ. FASTag ನೀಡುವಾಗ ವಾಹನದ Registration Number (VRN) ಸರಿಯಾಗಿ ದಾಖಲಾಗಿದೆಯೇ ಎಂದು ಪರಿಶೀಲಿಸಬೇಕು.

ಒಂದು ವೇಳೆ ಬೇರೆ ಸಂಖ್ಯೆಯ ವಾಹನದಲ್ಲಿ ಟ್ಯಾಗ್ ಬಳಸುತ್ತಿರುವುದು ಕಂಡುಬಂದರೆ ಅದನ್ನು ತಕ್ಷಣ ಬ್ಲಾಕ್ ಲಿಸ್ಟ್ ಮಾಡಬೇಕು ಎಂದು ಸೂಚಿಸಲಾಗಿದೆ.

ಡಿಜಿಟಲ್ ಟೋಲ್ ವ್ಯವಸ್ಥೆಗೆ ಒತ್ತು

ಇತ್ತೀಚೆಗೆ ಟೋಲ್ ಪಾವತಿ ವ್ಯವಸ್ಥೆಯನ್ನು ಸಂಪೂರ್ಣ ಡಿಜಿಟಲ್ ಮಾಡಲು ಕೇಂದ್ರ ಸರ್ಕಾರ ಹಲವು ಕ್ರಮಗಳನ್ನು ಕೈಗೊಂಡಿದೆ. ಈಗ ಹಲವೆಡೆ FASTag ಅಥವಾ UPI ಮೂಲಕ ಮಾತ್ರ ಟೋಲ್ ಪಾವತಿ ಮಾಡಲು ಅವಕಾಶ ನೀಡಲಾಗಿದೆ.

ಟೋಲ್ ಪಾವತಿಯನ್ನು ತಪ್ಪಿಸಲು ಪ್ರಯತ್ನಿಸಿದರೆ ಇ-ನೋಟಿಸ್ ಜೊತೆಗೆ ಹೆಚ್ಚಿನ ದಂಡ ವಿಧಿಸುವ ಸಾಧ್ಯತೆಯೂ ಇದೆ.

ಓವರ್‌ಲೋಡ್ ವಾಹನಗಳಿಗೆ ಭಾರೀ ದಂಡ

ನ್ಯಾಷನಲ್ ಹೈವೇಗಳಲ್ಲಿ ಮಿತಿಗಿಂತ ಹೆಚ್ಚು ಸರಕು ಹೊತ್ತ ವಾಹನಗಳಿಗೆ ಸರ್ಕಾರ ಕಟ್ಟುನಿಟ್ಟಿನ ಕ್ರಮಗಳನ್ನು ತೆಗೆದುಕೊಳ್ಳಲು ನಿರ್ಧರಿಸಿದೆ. ನಿಯಮ ಮೀರಿ ಓವರ್‌ಲೋಡ್ ಸಾಗಿಸಿದರೆ ನಾಲ್ಕು ಪಟ್ಟು ಹೆಚ್ಚುವರಿ ದಂಡ ವಿಧಿಸುವ ವ್ಯವಸ್ಥೆ ಕೂಡ ಜಾರಿಯಲ್ಲಿದೆ.

ಇದರ ಮೂಲಕ ಟೋಲ್ ಸಂಗ್ರಹ ವ್ಯವಸ್ಥೆಯಲ್ಲಿ ಲೀಕೆಜ್ ತಡೆಯಲು ಮತ್ತು ಸಂಚಾರವನ್ನು ಸುಗಮಗೊಳಿಸಲು ಸರ್ಕಾರ ಪ್ರಯತ್ನಿಸುತ್ತಿದೆ.