ಚಿನ್ನದ ಬೆಲೆ ಕುಸಿತ, ಕೆಲವೇ ಗಂಟೆಗಳಲ್ಲಿ ಬೆಳ್ಳಿ 20 ಸಾವಿರ ಇಳಿಕೆ! ಚಿನ್ನಾಭರಣ ಪ್ರಿಯರಿಗೆ ಭರ್ಜರಿ ಸುದ್ದಿ

• ಚಿನ್ನದ ಬೆಲೆ ಭಾರೀ ಕುಸಿತ
• ಬೆಳ್ಳಿ ಕಿಲೋಗೆ ₹20,000 ಇಳಿಕೆ
• ಬೆಂಗಳೂರು ಗೋಲ್ಡ್ ರೇಟ್

Gold Price Today: ಇತ್ತೀಚಿನ ದಿನಗಳಲ್ಲಿ ಕೈಗೆಟುಕದ ಮಟ್ಟಕ್ಕೆ ಏರಿದ್ದ ಬಂಗಾರ ಮತ್ತು ಬೆಳ್ಳಿ ದರಗಳು ಇಂದು ಹಠಾತ್ ತಗ್ಗಿವೆ. ಹೂಡಿಕೆದಾರರು, ಆಭರಣ ಖರೀದಿಸಲು ಕಾಯುತ್ತಿದ್ದ ಗ್ರಾಹಕರಿಗೂ ಇದು ಒಳ್ಳೆಯ ಸುದ್ದಿಯಾಗಿದೆ. ಬೆಳಿಗ್ಗೆ ಕೆಲವೇ ಗಂಟೆಗಳಲ್ಲಿ ಮಾರುಕಟ್ಟೆಯಲ್ಲಿ ದೊಡ್ಡ ಬದಲಾವಣೆ ಕಂಡುಬಂದಿದ್ದು, ಅದರಲ್ಲೂ ಬೆಳ್ಳಿ ದರ ಹೆಚ್ಚು ಕುಸಿದಿದೆ.

ಬೆಳಿಗ್ಗೆ 6 ಗಂಟೆಗೆ ಸುಮಾರು ₹2,99,900 ಇದ್ದ ಒಂದು ಕಿಲೋ ಬೆಳ್ಳಿ ದರ, 10 ಗಂಟೆಯೊಳಗೆ ₹20,000 ಇಳಿದು ₹2,80,000ಕ್ಕೆ ತಲುಪಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಸರಾಸರಿ ₹2,75,000 ಸುತ್ತಮುತ್ತ ವ್ಯಾಪಾರವಾಗುತ್ತಿದ್ದು, ಒಂದೇ ದಿನದಲ್ಲಿ ಇಷ್ಟು ದೊಡ್ಡ ಇಳಿಕೆ ಕಂಡಿರುವುದು ಅಪರೂಪವೆಂದು ವ್ಯಾಪಾರಿಗಳು ಹೇಳುತ್ತಾರೆ.

ಚಿನ್ನದ ಬೆಲೆಯಲ್ಲೂ ಇಳಿಕೆ ಸ್ಪಷ್ಟವಾಗಿದೆ. ಬೆಂಗಳೂರು, ಹೈದರಾಬಾದ್ ಸೇರಿ ಹಲವು ನಗರಗಳಲ್ಲಿ 24 ಕ್ಯಾರೆಟ್ 10 ಗ್ರಾಂ ಬಂಗಾರ ₹1,52,350ಕ್ಕೆ ಇಳಿದಿದ್ದು, ಬೆಳಿಗ್ಗೆ ಇದ್ದ ದರಕ್ಕಿಂತ ಸುಮಾರು ₹2,000 ಕಡಿಮೆ ಆಗಿದೆ. 22 ಕ್ಯಾರೆಟ್ ದರ ₹1,39,650ಕ್ಕೆ ತಗ್ಗಿದೆ.

ವಿಜಯವಾಡ, ವಿಶಾಖಪಟ್ಟಣಂ, ಮುಂಬೈ, ಪುಣೆ, ಬೆಂಗಳೂರು ಮತ್ತು ಕೇರಳದಲ್ಲಿಯೂ ಇದೇ ಮಟ್ಟದ ದರಗಳು ಕಂಡುಬರುತ್ತಿವೆ. ಚೆನ್ನೈನಲ್ಲಿ ಮಾತ್ರ ಸ್ವಲ್ಪ ಹೆಚ್ಚಿದ್ದು, ದೆಹಲಿಯಲ್ಲಿ ಸಹ ಸಮಾನ ದರ ಮುಂದುವರಿದಿದೆ.

ಬೆಂಗಳೂರು ಮಾರುಕಟ್ಟೆ ವಿವರ

ಬೆಂಗಳೂರು ನಗರದಲ್ಲಿ 24 ಕ್ಯಾರೆಟ್ ಬಂಗಾರ ಪ್ರತಿ ಗ್ರಾಂ ₹15,371ಕ್ಕೆ ಮಾರಾಟವಾಗುತ್ತಿದೆ. 10 ಗ್ರಾಂಗೆ ₹1,53,710 ದರ ಇದ್ದು, ನಿನ್ನೆಗಿಂತ ₹710 ಕಡಿಮೆ. 100 ಗ್ರಾಂಗೆ ₹7,100 ಇಳಿಕೆ ಕಂಡುಬಂದಿದೆ. 22 ಕ್ಯಾರೆಟ್ ಬಂಗಾರ ಪ್ರತಿ ಗ್ರಾಂ ₹14,090 ಆಗಿದ್ದು, 10 ಗ್ರಾಂಗೆ ₹1,40,900 – ನಿನ್ನೆಗಿಂತ ₹650 ಇಳಿಕೆಯಾಗಿದೆ.

ಇನ್ನೂ ಬೆಳ್ಳಿಯ ವಿಷಯಕ್ಕೆ ಬಂದರೆ, ಪ್ರತಿ ಗ್ರಾಂ ₹275ಕ್ಕೆ ತಗ್ಗಿದೆ. ಒಂದು ಕಿಲೋ ಬೆಳ್ಳಿ ₹2,75,000ಕ್ಕೆ ಲಭ್ಯವಿದ್ದು, ನಿನ್ನೆಗಿಂತ ₹25,000 ಕುಸಿತ ಕಂಡುಬಂದಿದೆ. ಹೀಗಾಗಿ ಬೆಳ್ಳಿ ಖರೀದಿಗೆ ಇದು ಸೂಕ್ತ ಸಮಯ ಎಂದು ಜುವೆಲ್ಲರ್ಸ್ ಹೇಳುತ್ತಿದ್ದಾರೆ.

ಖರೀದಿದಾರರಿಗೆ ಅವಕಾಶ

ಬೆಲೆಗಳು ಇಳಿದಿರುವ ಈ ಸಂದರ್ಭದಲ್ಲಿ ಮದುವೆ ಅಥವಾ ಹೂಡಿಕೆ ಉದ್ದೇಶದ ಖರೀದಿಗೆ ಜನರು ಮುಂದೆ ಬರುತ್ತಿದ್ದಾರೆ. ತಾತ್ಕಾಲಿಕ ಕುಸಿತವೇ ಅಥವಾ ಮುಂದುವರಿಯುವ ಟ್ರೆಂಡ್‌ ಇರಬಹುದೇ ಎಂಬುದನ್ನು ಮಾರುಕಟ್ಟೆ ಗಮನಿಸುತ್ತಿದೆ. ಆದರೆ ಈಗಿನ ದರಗಳು ಖರೀದಿದಾರರಿಗೆ ಸ್ಪಷ್ಟ ಲಾಭ ನೀಡುತ್ತಿರುವುದು ಖಚಿತ.