ಕೇವಲ 4 ಗಂಟೆಗಳಲ್ಲಿ ಚಿನ್ನದ ಬೆಲೆ ಸುಮಾರು 1500 ಇಳಿಕೆ! ಈಗ ಎಷ್ಟಾಗಿದೆ ಗೊತ್ತ ಚಿನ್ನದ ದರ

Gold Price Today: ಇತ್ತೀಚೆಗೆ ಡಾಲರ್ ಮೌಲ್ಯದಲ್ಲಿ ಉಂಟಾದ ಬದಲಾವಣೆಗಳಿಂದ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಂಗಾರದ ದರದಲ್ಲಿ ಏರಿಳಿತ ಕಂಡುಬರುತ್ತಿದೆ. ಬುಧವಾರ ಬಂಗಾರದ ಬೆಲೆ ತೀವ್ರವಾಗಿ ಏರಿಕೆಯಾಗಿದ್ದರೆ, ಗುರುವಾರ ಬೆಳಗ್ಗೆ ಕೆಲವೇ ಗಂಟೆಗಳಲ್ಲಿ ಮತ್ತೆ ಇಳಿಕೆ ಕಂಡಿದೆ.

ಬೆಳಗ್ಗೆ 6 ಗಂಟೆಯಿಂದ 10 ಗಂಟೆಯವರೆಗೆ ಕೇವಲ ನಾಲ್ಕು ಗಂಟೆಗಳಲ್ಲೇ ತಲಾ ಸುಮಾರು ₹1500 ರಷ್ಟು ಕಡಿಮೆಯಾಗಿರುವುದು ಖರೀದಿದಾರರಿಗೆ ಸ್ವಲ್ಪ ನಿರಾಳತೆ ನೀಡಿದೆ. ಮದುವೆ ಮತ್ತು ಹೂಡಿಕೆ ಉದ್ದೇಶದಿಂದ ಬಂಗಾರ ಖರೀದಿಸಲು ಯೋಚಿಸುತ್ತಿದ್ದವರಿಗೆ ಇದು ಒಳ್ಳೆಯ ಅವಕಾಶ ಎಂದು ವ್ಯಾಪಾರಿಗಳು ಹೇಳುತ್ತಿದ್ದಾರೆ.

ಬೆಂಗಳೂರಿನಲ್ಲಿ ಇಂದಿನ ಚಿನ್ನದ ಬೆಲೆ

ದೇಶದ ಪ್ರಮುಖ ನಗರಗಳಲ್ಲಿಯೂ ಇದೇ ರೀತಿಯ ಬದಲಾವಣೆ ಕಂಡುಬಂದಿದೆ. ಬೆಂಗಳೂರು ಸೇರಿದಂತೆ ಮುಂಬೈ ಮತ್ತು ಪುಣೆಯಲ್ಲಿ 10 ಗ್ರಾಂ 24 ಕ್ಯಾರಟ್ ಬಂಗಾರದ ಬೆಲೆ ಈಗ ಸುಮಾರು ₹1,51,420 ಮಟ್ಟದಲ್ಲಿ ವಹಿವಾಟು ಆಗುತ್ತಿದೆ.

ಇದೇ ವೇಳೆ 22 ಕ್ಯಾರಟ್ 10 ಗ್ರಾಂ ಬಂಗಾರದ ದರ ಸುಮಾರು ₹1,38,800ಕ್ಕೆ ಇಳಿಕೆಯಾಗಿದೆ. ಬೆಳಿಗ್ಗೆ ಇದಕ್ಕಿಂತ ಹೆಚ್ಚು ದರ ಇದ್ದರೂ ಕೆಲವೇ ಗಂಟೆಗಳಲ್ಲಿ ಇಳಿಕೆಯಾಗಿರುವುದು ಮಾರುಕಟ್ಟೆಯಲ್ಲಿ ಚರ್ಚೆಗೆ ಕಾರಣವಾಗಿದೆ.

ಇತರ ನಗರಗಳಲ್ಲಿ ಚಿನ್ನದ ದರ

ರಾಜಧಾನಿ ದೆಹಲಿಯಲ್ಲಿ 24 ಕ್ಯಾರಟ್ 10 ಗ್ರಾಂ ಬಂಗಾರದ ಬೆಲೆ ಸುಮಾರು ₹1,51,570 ಮಟ್ಟದಲ್ಲಿದೆ. 22 ಕ್ಯಾರಟ್ ಬಂಗಾರದ ದರ ಸುಮಾರು ₹1,38,950 ಆಗಿದೆ.

ಚೆನ್ನೈನಲ್ಲಿ 24 ಕ್ಯಾರಟ್ ಬಂಗಾರದ ದರ ₹1,52,180ರಷ್ಟಿದ್ದು, 22 ಕ್ಯಾರಟ್ ಬಂಗಾರದ ಬೆಲೆ ಸುಮಾರು ₹1,39,500 ಆಗಿದೆ.

ಬೆಳ್ಳಿ ದರದಲ್ಲೂ ಭಾರಿ ಇಳಿಕೆ

ಬಂಗಾರದ ಜೊತೆಗೆ ಬೆಳ್ಳಿ ದರದಲ್ಲೂ ದೊಡ್ಡ ಬದಲಾವಣೆ ಕಂಡುಬಂದಿದೆ. ಬೆಳಗ್ಗೆ ಮಾರುಕಟ್ಟೆ ಆರಂಭವಾದಾಗ ಒಂದು ಕೆಜಿ ಬೆಳ್ಳಿ ಸುಮಾರು ₹2,55,000 ಇತ್ತು.

ಆದರೆ ಕೆಲವೇ ಗಂಟೆಗಳಲ್ಲಿ ಸುಮಾರು ₹5000 ಇಳಿಕೆಯಾಗಿದ್ದು ಈಗ ಒಂದು ಕೆಜಿ ಬೆಳ್ಳಿ ₹2,50,000 ಸುತ್ತಮುತ್ತ ವಹಿವಾಟಾಗುತ್ತಿದೆ. ಈ ದರ ಬದಲಾವಣೆಗಳಿಂದ ಹೂಡಿಕೆದಾರರು ಮಾರುಕಟ್ಟೆ ಚಲನವಲನವನ್ನು ಗಮನದಿಂದ ನೋಡುತ್ತಿದ್ದಾರೆ.