Gold Price: ಚಿನ್ನದ ಬೆಲೆ ಕೈಮೀರಿ ಓಡ್ತಿದೆ! ಬೆಂಗಳೂರು ಮಾರುಕಟ್ಟೆಯಲ್ಲಿ ದಾಖಲೆ ಮಟ್ಟಕ್ಕೆ ಚಿನ್ನದ ದರ ಜಿಗಿತ
Gold Price Today: ಜಾಗತಿಕ ಬೆಳವಣಿಗೆಗಳ ಪ್ರಭಾವದಿಂದ ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಬಂಗಾರ ಮತ್ತು ಬೆಳ್ಳಿ ಬೆಲೆಗಳು ದಾಖಲೆ ಮಟ್ಟ ತಲುಪಿದ್ದು, ಮಧ್ಯಮ ವರ್ಗದ ಕುಟುಂಬಗಳಿಗೆ ಖರೀದಿ ದೊಡ್ಡ ಸವಾಲಾಗಿ ಮಾರ್ಪಟ್ಟಿದೆ.
- ಬೆಂಗಳೂರು ಬೆಲೆ 24 ಕ್ಯಾರಟ್‌ನಲ್ಲಿ ದಾಖಲೆ ಮಟ್ಟ
- ದರಗಳು ಸಾಮಾನ್ಯ ಗ್ರಾಹಕರಿಗೆ ಹೊರೆ
- ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ದಿನೇದಿನೇ ಬದಲಾವಣೆ
Gold Price Today: ಭಾರತದ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದ್ದು, ವಿಶೇಷವಾಗಿ ಬೆಂಗಳೂರು ಸೇರಿದಂತೆ ಮಹಾನಗರಗಳಲ್ಲಿ ಗ್ರಾಹಕರ ಆತಂಕ ಹೆಚ್ಚಾಗಿದೆ.
ಸಾಮಾನ್ಯವಾಗಿ ಹಬ್ಬ–ಮದುವೆ ಸಮಯದಲ್ಲಿ ಚಿನ್ನ ಖರೀದಿ (Buy Gold) ಮಾಡುವ ಮಧ್ಯಮ ವರ್ಗದ ಕುಟುಂಬಗಳು ಈಗ ಬೆಲೆ ನೋಡಿ ಹಿಂದೆ ಸರಿಯುವಂತಾಗಿದೆ. ತೂಲಾ ಬಂಗಾರವೇ ಲಕ್ಷಾಂತರ ರೂಪಾಯಿ ದಾಟುತ್ತಿರುವುದು ಜನರಲ್ಲಿ ಚರ್ಚೆಯ ವಿಷಯವಾಗಿದೆ.
ಜಾಗತಿಕ ಮಾರುಕಟ್ಟೆಯ ಅನಿಶ್ಚಿತತೆ, ಡಾಲರ್ ಚಲನೆ, ಭೌಗೋಳಿಕ ರಾಜಕೀಯ ಉದ್ವಿಗ್ನತೆ, ಜೊತೆಗೆ ಹೂಡಿಕೆದಾರರ ಹೆಚ್ಚಿದ ಬೇಡಿಕೆ ಇವುಗಳೆಲ್ಲವೂ ಚಿನ್ನದ ದರದ (Gold Rate) ಮೇಲೆ ನೇರ ಪರಿಣಾಮ ಬೀರುತ್ತಿವೆ.
ಇದರಿಂದ ಭಾರತದಲ್ಲೂ ದಿನನಿತ್ಯ ಚಿನ್ನದ ಬೆಲೆಯಲ್ಲಿ ಏರಿಳಿತ ಕಾಣಿಸುತ್ತಿದೆ. ಜನವರಿ 24ರ ಶನಿವಾರದ ಮಾಹಿತಿಯಂತೆ, ದೇಶದ ಹಲವು ನಗರಗಳಲ್ಲಿ ಚಿನ್ನ–ಬೆಳ್ಳಿ ದರಗಳು ಹೊಸ ಮಟ್ಟ ತಲುಪಿವೆ.
ಬೆಂಗಳೂರು ಸೇರಿ ಪ್ರಮುಖ ನಗರಗಳ ಚಿನ್ನ–ಬೆಳ್ಳಿ ದರಗಳು
ಬೆಂಗಳೂರು ಮಾರುಕಟ್ಟೆಯಲ್ಲಿ 24 ಕ್ಯಾರಟ್ ಚಿನ್ನದ ಬೆಲೆ 10 ಗ್ರಾಂಗೆ ರೂ.1,57,160 ಆಗಿದ್ದು, 22 ಕ್ಯಾರಟ್ ಬಂಗಾರ 10 ಗ್ರಾಂಗೆ ರೂ.1,44,060 ದರದಲ್ಲಿ ಲಭ್ಯವಿದೆ.
ಇದೇ ವೇಳೆ ಬೆಳ್ಳಿ ಕಿಲೋ ದರ ರೂ.3,40,100 ಆಗಿದೆ. ಬೆಂಗಳೂರಿನ ಆಭರಣ ವ್ಯಾಪಾರಿಗಳು ಮುಂದಿನ ದಿನಗಳಲ್ಲಿ ಬೆಲೆ ಇನ್ನಷ್ಟು ಏರಿಳಿತವಾಗುವ ಸಾಧ್ಯತೆ ಇದೆ ಎಂದು ಸೂಚಿಸುತ್ತಿದ್ದಾರೆ.
ಚೆನ್ನೈನಲ್ಲಿ 24 ಕ್ಯಾರಟ್ ಬಂಗಾರ 10 ಗ್ರಾಂಗೆ ರೂ.1,58,740 ಮತ್ತು 22 ಕ್ಯಾರಟ್ ಬಂಗಾರ ರೂ.1,45,510 ದರದಲ್ಲಿದೆ. ಇಲ್ಲಿ ಬೆಳ್ಳಿ ಕಿಲೋ ರೂ.3,45,100 ಆಗಿದೆ.
ಮುಂಬೈ, ಕೊಲ್ಕತ್ತಾ, ದೆಹಲಿ ನಗರಗಳಲ್ಲಿ 24 ಕ್ಯಾರಟ್ ಬಂಗಾರ 10 ಗ್ರಾಂಗೆ ಸುಮಾರು ರೂ.1,57,160 ರಿಂದ ರೂ.1,57,310 ನಡುವೆ ವಹಿವಾಟು ನಡೆಸುತ್ತಿದೆ.
ಹೈದರಾಬಾದ್, ವಿಜಯವಾಡ ಮತ್ತು ವಿಶಾಖಪಟ್ಟಣಂ ನಗರಗಳಲ್ಲಿ ಕೂಡ ಚಿನ್ನದ ದರ ಬಹುತೇಕ ಸಮಾನವಾಗಿದ್ದು, ಬೆಳ್ಳಿ ಬೆಲೆ ರೂ.3,60,100 ಕಿಲೋವರೆಗೆ ಏರಿದೆ. ಸ್ಥಳೀಯ ತೆರಿಗೆಗಳು ಮತ್ತು ಬೇಡಿಕೆ–ಸರಫರಾಜಿನ ಆಧಾರದಲ್ಲಿ ನಗರದಿಂದ ನಗರಕ್ಕೆ ಸಣ್ಣ ವ್ಯತ್ಯಾಸಗಳು ಕಂಡುಬರುತ್ತಿವೆ.
ಗ್ರಾಹಕರಿಗೆ ಎಚ್ಚರಿಕೆ
ಈ ದರಗಳು ಬೆಳಿಗ್ಗೆ 8 ಗಂಟೆಯೊಳಗಿನ ಮಾಹಿತಿಯನ್ನು ಆಧರಿಸಿದ್ದು, ಮಾರುಕಟ್ಟೆ ತೆರೆಯುವ ಬಳಿಕ ಯಾವುದೇ ಕ್ಷಣದಲ್ಲಿ ಬದಲಾವಣೆಯಾಗಬಹುದು. ಹೀಗಾಗಿ ಚಿನ್ನ ಅಥವಾ ಬೆಳ್ಳಿ ಖರೀದಿಗೆ ಮುಂದಾಗುವವರು ಸ್ಥಳೀಯ ಜ್ಯುವೆಲ್ಲರ್ ಬಳಿ ನೈಜ ಸಮಯದ ದರ ಪರಿಶೀಲಿಸುವುದು ಸೂಕ್ತ. ಇತ್ತೀಚಿನ ಅಪ್‌ಡೇಟ್‌ಗಾಗಿ 8955664433 ಸಂಖ್ಯೆಗೆ ಮಿಸ್‌ಡ್ ಕಾಲ್ ನೀಡುವ ಮೂಲಕವೂ ಮಾಹಿತಿ ಪಡೆಯಬಹುದು.
