ಗೂಗಲ್ ಸಿಇಒ ಸುಂದರ್ ಪಿಚೈ ತಿಂಗಳ ಸಂಪಾದನೆ ಎಷ್ಟು ಗೊತ್ತಾ! ನೀವು ನಂಬಲ್ಲ - Google CEO Sundar Pichai
ಮಧುರೈ ಮೂಲದ ಸುಂದರ್ ಪಿಚೈ 2024ರಲ್ಲಿ 10.73 ಮಿಲಿಯನ್ ಡಾಲರ್ ಗಳಿಸಿದ್ದಾರೆ. 2025ರಲ್ಲಿ ಅವರ ಶುದ್ಧ ಸಂಪತ್ತು 1.1 ಬಿಲಿಯನ್ ಡಾಲರ್ ದಾಟಿದೆ ಎಂದು ಬ್ಲೂಂಬರ್ಗ್ ವರದಿ ಮಾಡಿದೆ.
- ಸುಂದರ್ ಪಿಚೈ 2024ರಲ್ಲಿ 10.73 ಮಿಲಿಯನ್ ಡಾಲರ್ ಆದಾಯ
- 2025ರಲ್ಲಿ ಶುದ್ಧ ಸಂಪತ್ತು 1.1 ಬಿಲಿಯನ್ ಡಾಲರ್
- ಟಿಮ್ ಕುಕ್, ನೆಟ್ಫ್ಲಿಕ್ಸ್ ಸಿಇಒಗಳು ಹೆಚ್ಚು ಸಂಪಾದನೆ
Google CEO Sundar Pichai : ಮಧುರೈ ಮೂಲದ ಸುಂದರ್ ಪಿಚೈ ಇಂದು ವಿಶ್ವದ ಅತಿ ಪ್ರಭಾವಿ ತಂತ್ರಜ್ಞಾನ ನಾಯಕರುಗಳಲ್ಲಿ ಒಬ್ಬರು. ಗೂಗಲ್ ಹಾಗೂ ಆಲ್ಫಾಬೆಟ್ ಸಂಸ್ಥೆಗಳ ಸಿಇಒ ಆಗಿರುವ ಅವರು ಎಷ್ಟು ಸಂಪಾದಿಸುತ್ತಾರೆ ಎಂಬುದು ಸಾಮಾನ್ಯ ಜನರಲ್ಲಿ ಸದಾ ಕುತೂಹಲ ಹುಟ್ಟಿಸುವ ವಿಷಯ.
2024ರಲ್ಲಿ ಪಿಚೈ ಒಟ್ಟು 10.73 ಮಿಲಿಯನ್ ಡಾಲರ್ (₹89 ಕೋಟಿ) ಗಳಿಸಿದ್ದು ದಾಖಲಾಗಿದೆ. ಇದರಲ್ಲಿ ಮೂಲ ವೇತನ 2 ಮಿಲಿಯನ್ ಡಾಲರ್, ಬೋನಸ್‌ಗಳು, ಸ್ಟಾಕ್ ಅವಾರ್ಡುಗಳು ಹಾಗೂ ಕಂಪನಿಯ ಇತರೆ ಸೌಲಭ್ಯಗಳು ಸೇರಿವೆ. ಅವರ ಭದ್ರತೆ ಹಾಗೂ ಪ್ರವಾಸ ವೆಚ್ಚಕ್ಕಾಗಿ ಮಾತ್ರ ಆಲ್ಫಾಬೆಟ್ ಕಂಪನಿ ಸುಮಾರು 8.27 ಮಿಲಿಯನ್ ಡಾಲರ್ ಖರ್ಚುಮಾಡಿದೆ.
ಇದನ್ನೂ ಓದಿ: ಬ್ಯಾಂಕ್ ಸಿಗ್ನೇಚರ್ ಮರೆತುಹೋಯ್ತು ಅಂದ್ಕೊಳ್ಳಿ, ಆಗ ಅಕೌಂಟ್ ಬ್ಲಾಕ್ ಆಗುತ್ತಾ?
ಆದರೆ, ಇತರ ಟಾಪ್ ಟೆಕ್ ಸಿಇಒಗಳೊಂದಿಗೆ ಹೋಲಿಸಿದರೆ, ಪಿಚೈ ಸಂಪಾದನೆ ಅಷ್ಟೇನೂ ಹೆಚ್ಚಿನದಲ್ಲ. ಆಪಲ್ ಮುಖ್ಯಸ್ಥ ಟಿಮ್ ಕುಕ್ 2024ರಲ್ಲಿ 74.6 ಮಿಲಿಯನ್ ಡಾಲರ್, ನೆಟ್ಫ್ಲಿಕ್ಸ್ ಸಹ-ಸಿಇಒಗಳು ತಲಾ 60 ಮಿಲಿಯನ್ ಡಾಲರ್, ಹಾಗೆಯೇ ಅಡೋಬ್ ಸಿಇಒ 52.4 ಮಿಲಿಯನ್ ಡಾಲರ್ ಸಂಪಾದಿಸಿದ್ದಾರೆ.
ಬ್ಲೂಂಬರ್ಗ್ ಬಿಲಿಯನೇರ್ಸ್ ಇಂಡೆಕ್ಸ್ ಪ್ರಕಾರ, 2025ರ ಜುಲೈ ವೇಳೆಗೆ ಪಿಚೈ ಅವರ ನೆಟ್ ವರ್ತ್ 1.1 ಬಿಲಿಯನ್ ಡಾಲರ್ (₹96,580 ಕೋಟಿ) ತಲುಪಿದೆ. ಆಲ್ಫಾಬೆಟ್ ಸ್ಟಾಕ್‌ನಲ್ಲಿ ಅವರಿಗೆ 0.02% ಪಾಲು ಇದ್ದು, ಅದರ ಮೌಲ್ಯ ಮಾತ್ರವೇ ಸುಮಾರು 440 ಮಿಲಿಯನ್ ಡಾಲರ್ ಆಗಿದೆ.
ಇದನ್ನೂ ಓದಿ: ಫ್ಯಾಮಿಲಿ ಫ್ರೆಂಡ್ಲಿ ಎಲೆಕ್ಟ್ರಿಕ್ ಸ್ಕೂಟರ್, 29,000 ಡಿಸ್ಕೌಂಟ್! 2 ಸಾವಿರಕ್ಕೆ ಬುಕಿಂಗ್
2015ರಲ್ಲಿ ಗೂಗಲ್ ಸಿಇಒ ಸ್ಥಾನವನ್ನು ಸ್ವೀಕರಿಸಿದ ಪಿಚೈ, 2019ರಲ್ಲಿ ಆಲ್ಫಾಬೆಟ್‌ನ ಸಿಇಒ ಆಗಿ ಅಧಿಕಾರ ಸ್ವೀಕರಿಸಿದರು. ಇಂದಿಗೂ ಅವರು ತಂತ್ರಜ್ಞಾನ ಕ್ಷೇತ್ರದ ಅತ್ಯಂತ ಪ್ರಭಾವಿ ನಾಯಕನಾಗಿ ಪರಿಗಣಿಸಲ್ಪಡುತ್ತಿದ್ದಾರೆ.
Google CEO Sundar Pichai Salary and Net Worth in 2025
