ಚೆಕ್ ಬೌನ್ಸ್ ಆದ್ರೆ ಈಗ ಡಬಲ್ ಫೈನ್ + ಜೈಲು ಶಿಕ್ಷೆ! ಹೊಸ ಕಠಿಣ ನಿಯಮಗಳು ಜಾರಿ
ದೇಶದಾದ್ಯಂತ ಚೆಕ್ ವ್ಯವಹಾರಗಳ ವಿಶ್ವಾಸ ಹೆಚ್ಚಿಸಲು ಸರ್ಕಾರ ಹೊಸ ಕಠಿಣ ಚೆಕ್ ಬೌನ್ಸ್ ನಿಯಮಗಳನ್ನು ಜಾರಿಗೆ ತಂದಿದೆ. ಜೈಲು ಶಿಕ್ಷೆ, ಡಬಲ್ ದಂಡ, ಡಿಜಿಟಲ್ ದೂರು, ಅಕೌಂಟ್ ಫ್ರೀಜ್ ಸೇರಿದಂತೆ ಹಲವು ಬದಲಾವಣೆಗಳು ಜಾರಿಯಲ್ಲಿವೆ.
Cheque Bounce Rules: ಚೆಕ್ ಮೂಲಕ ವ್ಯವಹಾರ ಮಾಡುವವರ ಸಂಖ್ಯೆ ಇನ್ನೂ ಹೆಚ್ಚಿರುವ ಸಂದರ್ಭದಲ್ಲಿ, ಸರ್ಕಾರ ತಂದಿರುವ ಹೊಸ ನಿಯಮಗಳು ಹಲವರಲ್ಲಿ ಎಚ್ಚರಿಕೆ ಮೂಡಿಸಿವೆ. ವ್ಯವಹಾರ, ಬಾಡಿಗೆ, ಸಂಬಳ, ದೊಡ್ಡ ಹಣಕಾಸು ಒಪ್ಪಂದಗಳಲ್ಲಿ ಚೆಕ್ ಮುಖ್ಯ ಪಾತ್ರ ವಹಿಸುತ್ತಿರುವುದರಿಂದ, ಈ ಬದಲಾವಣೆಗಳು ಲಕ್ಷಾಂತರ ಜನರ ಮೇಲೆ ನೇರ ಪರಿಣಾಮ ಬೀರುತ್ತವೆ.
ಹೊಸ ನಿಯಮಗಳ ಪ್ರಕಾರ, ಒಂದು ಚೆಕ್ ತಿರಸ್ಕೃತವಾದ ಕ್ಷಣದಿಂದಲೇ ಕೇವಲ 24 ಗಂಟೆಗಳ ಒಳಗೆ ಬ್ಯಾಂಕ್ ಎರಡೂ ಪಕ್ಷಗಳಿಗೆ SMS ಮತ್ತು ಇಮೇಲ್ ಮೂಲಕ ತಕ್ಷಣ ಮಾಹಿತಿ ಕಳುಹಿಸಬೇಕು. ಹಣ ಕಡಿಮೆ, ತಪ್ಪು ಸಹಿ, ಹಳೆಯ ಚೆಕ್ ಅಥವಾ ಅಕೌಂಟ್ ಸ್ಥಿತಿ, ಕಾರಣವೇನು ಎಂಬುದೂ ಸ್ಪಷ್ಟವಾಗಿ ತಿಳಿಸಲಾಗುತ್ತದೆ.
ಅತ್ಯಂತ ಕಠಿಣವಾಗಿ ಕಾಣುವ ಬದಲಾವಣೆಗಳಲ್ಲಿ ಒಂದು ಅಕೌಂಟ್ ಫ್ರೀಜ್ ಕ್ರಮ. ಒಂದೇ ವ್ಯಕ್ತಿಯ ಅಕೌಂಟ್‌ನಿಂದ ಮೂರು ಬಾರಿ ಚೆಕ್ ಬೌನ್ಸ್ ಆದ್ರೆ ಬ್ಯಾಂಕ್ ಆ ಅಕೌಂಟ್‌ನ್ನು ತಾತ್ಕಾಲಿಕವಾಗಿ ಫ್ರೀಜ್ ಮಾಡಲು ಅಧಿಕಾರ ಪಡೆಯುತ್ತದೆ. ಇದರಿಂದ ದುರುದ್ದೇಶಪೂರಿತ ಚೆಕ್ ನೀಡುವವರ ಸಂಖ್ಯೆ ಕಡಿಮೆಯಾಗುತ್ತದೆ ಎಂಬುದು ಸರ್ಕಾರದ ನಂಬಿಕೆ.
ಇದನ್ನೂ ಓದಿ: ಇದು ಕಡಿಮೆ ಬಜೆಟ್‌ನ ಫ್ಯಾಮಿಲಿ ಕಾರು! ಇಎಂಐ ಆದ್ರೆ ತಿಂಗಳಿಗೆ ಎಷ್ಟು ಕಟ್ಟಬೇಕು ಗೊತ್ತಾ
ಇನ್ನೊಂದು ದೊಡ್ಡ ಅನುಕೂಲವೆಂದರೆ ಡಿಜಿಟಲ್ ದೂರಿನ ವ್ಯವಸ್ಥೆ. ಚೆಕ್ ಬೌನ್ಸ್ ಪ್ರಕರಣವನ್ನು ಆನ್‌ಲೈನ್ ಮೂಲಕಲೇ ದಾಖಲಿಸಬಹುದು. ಬ್ಯಾಂಕ್ ಇಮೇಲ್, SMS, ಸ್ಕ್ಯಾನ್ ಮಾಡಿದ ಚೆಕ್, ಆನ್‌ಲೈನ್ ಸ್ಟೇಟ್ಮೆಂಟ್ ಎಲ್ಲವೂ ನ್ಯಾಯಾಲಯದಲ್ಲಿ ಮಾನ್ಯವಾಗುತ್ತವೆ.
ಹಿಂದಿನಂತೆ 30 ದಿನಗಳಲ್ಲೇ ಫಿರ್ಯಾದ್ ಮಾಡಲು ಆಗಬೇಕು ಎಂಬ ನಿಯಮ ಬದಲಾಗಿದೆ. ಹೊಸ ಕಾನೂನು ಪ್ರಕಾರ, ಚೆಕ್ ಬೌನ್ಸ್ ಆದ ನಂತರ ಮೂರು ತಿಂಗಳವರೆಗೂ ದೂರು ಸಲ್ಲಿಸಬಹುದು. ಇದರಿಂದ ಡಾಕ್ಯುಮೆಂಟ್ ಸಂಗ್ರಹ, ವಕೀಲರ ಸಲಹೆ ಮತ್ತು ಪ್ರಕರಣ ತಯಾರಿ ಮಾಡಲು ಜನರಿಗೆ ಹೆಚ್ಚಿನ ಅವಕಾಶ ದೊರಕುತ್ತದೆ.
ಸರ್ಕಾರ ಜಾರಿ ತಂದಿರುವ ಈ ಬದಲಾವಣೆಗಳಲ್ಲಿ ಅತ್ಯಂತ ಗಟ್ಟಿಯಾದದು ಸೆಕ್ಷನ್ 138 ಅಡಿ ವಿಧಿಸುವ ಶಿಕ್ಷೆ. ಈಗ ಹಣ ಇಲ್ಲದೆ ಚೆಕ್ ನೀಡಿದರೆ ಅದು ನೇರ ಕ್ರಿಮಿನಲ್ ಅಪರಾಧ. ತಪ್ಪಿತಸ್ಥರಿಗೆ ಎರಡು ವರ್ಷಗಳವರೆಗೆ ಜೈಲು ಮತ್ತು ಚೆಕ್ ಮೊತ್ತದ ಡಬಲ್ ಫೈನ್ ವಿಧಿಸಲು ಅವಕಾಶ ಇದೆ. ಜೊತೆಗೆ, ನ್ಯಾಯಾಲಯ ಶುಲ್ಕ ಮತ್ತು ಬ್ಯಾಂಕ್ ಶುಲ್ಕ (₹100–₹750) ಕೂಡ ಹೆಚ್ಚಾಗಿ ಬರಬಹುದು.
ಇದನ್ನೂ ಓದಿ: ಒಬ್ಬ ವ್ಯಕ್ತಿ ಎರಡು ಪ್ಯಾನ್ ಕಾರ್ಡ್ ಹೊಂದಿದ್ದರೆ ಏನಾಗುತ್ತದೆ ಗೊತ್ತಾ? 99% ಜನಕ್ಕೆ ಇದು ಗೊತ್ತಿಲ್ಲ
ಈ ನಿಯಮಗಳ ಉದ್ದೇಶ ಕೇವಲ ಶಿಕ್ಷೆ ನೀಡೋದು ಅಲ್ಲ, ವ್ಯವಹಾರಗಳಲ್ಲಿ ವಿಶ್ವಾಸ ಮತ್ತು ಪಾರದರ್ಶಕತೆ ಹೆಚ್ಚಿಸುವುದು. ಸರಿಯಾದ ಬ್ಯಾಲೆನ್ಸ್ ಇಟ್ಟುಕೊಳ್ಳುವುದು, ಚೆಕ್ ಸರಿಯಾಗಿ ಬರೆಯುವುದು, ‘Account Payee’ ಎಂದು ಗುರುತು ಮಾಡುವುದು ಮತ್ತು ಪಾವತಿ ವಿಳಂಬವಾಗುವ ಸಾಧ್ಯತೆ ಇದ್ದರೆ ಮೊದಲು ತಿಳಿಸುವುದು — ಈ ಮುನ್ನೆಚ್ಚರಿಕೆಗಳು ಜನರನ್ನು ಅನಗತ್ಯ ಕಾನೂನು ಗಜಿಬಿಜಿಯಿಂದ ದೂರ ಇಡುತ್ತವೆ.
New Cheque Bounce Rules, Jail, Double Fine and Account Freeze
