ಆಧಾರ್ ಮಾತ್ರ ಸಾಕಾಗಲ್ಲ! ಇನ್ಮುಂದೆ ಹೊಸ ಪ್ಯಾನ್ ಕಾರ್ಡ್ಗೆ ಹೆಚ್ಚುವರಿ ದಾಖಲೆ ಕಡ್ಡಾಯ
New PAN Card Rules: 2026 ಏಪ್ರಿಲ್ 1ರಿಂದ ಹೊಸ PAN Card ನಿಯಮಗಳು ಜಾರಿಯಾಗಿದೆ. ಈಗ ಕೇವಲ ಆಧಾರ್ ಸಾಕಾಗದು. ವಯಸ್ಸು ಮತ್ತು ಗುರುತಿನ ದೃಢೀಕರಣ ದಾಖಲೆಗಳನ್ನೂ ಸಲ್ಲಿಸಬೇಕು. ನಕಲಿ PAN ಕಾರ್ಡ್ ತಡೆಯಲು ಸರ್ಕಾರ ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದೆ.
ಪ್ಯಾನ್ ಕಾರ್ಡ್ಗೆ ಹೊಸ ನಿಯಮಗಳು ಜಾರಿ
New PAN Card Rules: ದೇಶದಲ್ಲಿ ತೆರಿಗೆ ವ್ಯವಸ್ಥೆಯನ್ನು ಇನ್ನಷ್ಟು ಪಾರದರ್ಶಕವಾಗಿಸಲು ಕೇಂದ್ರ ಸರ್ಕಾರ PAN Card ಸಂಬಂಧಿಸಿದ ನಿಯಮಗಳಲ್ಲಿ ಮಹತ್ವದ ಬದಲಾವಣೆ ಮಾಡಿದೆ. 2026ರ ಏಪ್ರಿಲ್ 1ರಿಂದ ಈ ಹೊಸ ನಿಯಮಗಳು ಜಾರಿಯಾಗಿದ್ದು, ಈಗ PAN ಕಾರ್ಡ್ ಪಡೆಯಲು ಕೇವಲ ಆಧಾರ್ ಕಾರ್ಡ್ ನೀಡುವುದು ಸಾಕಾಗುವುದಿಲ್ಲ.
ಇದುವರೆಗೆ ಹಲವರು ಆಧಾರ್ ಕಾರ್ಡ್ ಮೂಲಕವೇ PAN ಕಾರ್ಡ್ಗೆ ಅರ್ಜಿ ಸಲ್ಲಿಸುತ್ತಿದ್ದರು. ಆದರೆ ಹೊಸ ನಿಯಮಗಳ ಪ್ರಕಾರ ಈಗ ಅರ್ಜಿದಾರರು ತಮ್ಮ ವಯಸ್ಸು ಹಾಗೂ ಗುರುತನ್ನು ದೃಢೀಕರಿಸುವ ಹೆಚ್ಚುವರಿ ದಾಖಲೆಗಳನ್ನು ಕೂಡ ನೀಡಬೇಕು. ಇದರ ಮೂಲಕ ಅರ್ಜಿದಾರರ ಮಾಹಿತಿ ಇನ್ನಷ್ಟು ಖಚಿತವಾಗುತ್ತದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಯಾವ ದಾಖಲೆಗಳನ್ನು ನೀಡಬೇಕು?
ಹೊಸ ನಿಯಮಗಳ ಪ್ರಕಾರ PAN ಕಾರ್ಡ್ ಅರ್ಜಿ ಸಲ್ಲಿಸುವವರು ಕೆಳಗಿನ ದಾಖಲೆಗಳಲ್ಲಿ ಯಾವುದಾದರೂ ಒಂದನ್ನು ನೀಡಬೇಕಾಗುತ್ತದೆ.
ಜನನ ಪ್ರಮಾಣ ಪತ್ರ
ಮತದಾರರ ಗುರುತಿನ ಚೀಟಿ
ಪಾಸ್ಪೋರ್ಟ್
ಡ್ರೈವಿಂಗ್ ಲೈಸೆನ್ಸ್
10ನೇ ತರಗತಿ ಮಾರ್ಕ್ಸ್ ಕಾರ್ಡ್
ಮ್ಯಾಜಿಸ್ಟ್ರೇಟ್ ನೀಡಿದ ಅಫಿಡವಿಟ್
ಈ ದಾಖಲೆಗಳ ಮೂಲಕ ಅರ್ಜಿದಾರರ ಜನ್ಮ ದಿನಾಂಕ ಹಾಗೂ ಗುರುತು ಸ್ಪಷ್ಟವಾಗಿ ಪರಿಶೀಲಿಸಲು ಸಾಧ್ಯವಾಗುತ್ತದೆ.
ಹೆಸರು ಹೊಂದಿಕೆಯಾಗಬೇಕು
ಇನ್ನೊಂದು ಪ್ರಮುಖ ಬದಲಾವಣೆ ಎಂದರೆ PAN ಕಾರ್ಡ್ನಲ್ಲಿರುವ ಹೆಸರು ಮತ್ತು ಆಧಾರ್ ಕಾರ್ಡ್ನಲ್ಲಿರುವ ಹೆಸರು ಒಂದೇ ರೀತಿಯಲ್ಲಿ ಇರಬೇಕು. ಹೆಸರುಗಳಲ್ಲಿ ವ್ಯತ್ಯಾಸ ಕಂಡುಬಂದರೆ ಅರ್ಜಿಯನ್ನು ತಿರಸ್ಕರಿಸುವ ಸಾಧ್ಯತೆ ಇದೆ.
ಈ ಕ್ರಮದಿಂದ ಗುರುತಿನ ಪರಿಶೀಲನೆ ಇನ್ನಷ್ಟು ಕಟ್ಟುನಿಟ್ಟಾಗಲಿದೆ ಎಂದು ಸರ್ಕಾರ ತಿಳಿಸಿದೆ.
ಅರ್ಜಿ ಸಲ್ಲಿಸುವ ವಿಧಾನ
PAN ಕಾರ್ಡ್ಗೆ ಅರ್ಜಿ ಸಲ್ಲಿಸಲು ಈಗಾಗಲೇ ಆನ್ಲೈನ್ ಸೇವೆಗಳು ಲಭ್ಯವಿವೆ. ಪ್ರೋಟೀನ್ ಇ-ಗವರ್ಮೆಂಟ್ ಟೆಕ್ನಾಲಜೀಸ್ ಲಿಮಿಟೆಡ್ (Protean), ಯುಟಿಐ ಇನ್ಫ್ರಾಸ್ಟ್ರಕ್ಚರ್ ಟೆಕ್ನಾಲಜಿ ಅಂಡ್ ಸರ್ವೀಸಸ್ ಲಿಮಿಟೆಡ್ (UTIITSL) ಹಾಗೂ ಆದಾಯ ತೆರಿಗೆ ಇಲಾಖೆಯ e-filing ಪೋರ್ಟಲ್ ಮೂಲಕ ಅರ್ಜಿ ಸಲ್ಲಿಸಬಹುದು.
ಇದಲ್ಲದೆ, ಹೊಸ ನಿಯಮಗಳಿಗೆ ಅನುಗುಣವಾಗಿ ನವೀಕೃತ ಅರ್ಜಿ ಫಾರ್ಮ್ಗಳನ್ನು ಕೂಡ ಶೀಘ್ರದಲ್ಲೇ ಪರಿಚಯಿಸುವ ಸಾಧ್ಯತೆ ಇದೆ.
