ಜಾಮೀನಿಲ್ಲದೆ 4 ಲಕ್ಷ ಸಾಲ! ಸ್ಟೇಟ್ ಬ್ಯಾಂಕ್ ನಿಂದ ಸ್ವಾತಂತ್ರ್ಯ ದಿನಾಚರಣೆ ಆಫರ್ - SBI Independence Day Loan Offer
ಸ್ವಾತಂತ್ರ್ಯ ದಿನದ ಸಂದರ್ಭದಲ್ಲಿ SBI ಅಘ್ನಿವೀರರಿಗೆ ಜಾಮೀನು ಹಾಗೂ ಪ್ರಾಸೆಸಿಂಗ್ ಶುಲ್ಕವಿಲ್ಲದೆ 4 ಲಕ್ಷ ರೂ. ವರೆಗಿನ ವೈಯಕ್ತಿಕ ಸಾಲ. ಕಡಿಮೆ ಬಡ್ಡಿ ದರ, ಸುಲಭ ಪಾವತಿ ವ್ಯವಸ್ಥೆ ನೀಡುತ್ತಿದೆ.
- ಸ್ಟೇಟ್ ಬ್ಯಾಂಕ್ ಅಘ್ನಿವೀರರಿಗೆ ಜಾಮೀನು ಇಲ್ಲದೆ 4 ಲಕ್ಷ ರೂ. ಸಾಲ
- ಪ್ರಾಸೆಸಿಂಗ್ ಶುಲ್ಕ ರದ್ದು, ಕಡಿಮೆ ಬಡ್ಡಿ ದರ
- ಎಲ್ಲಾ ರಕ್ಷಣಾ ಸಿಬ್ಬಂದಿಗೆ 30 ಸೆಪ್ಟೆಂಬರ್ ವರೆಗೆ ವಿಶೇಷ ಆಫರ್
Personal Loan : ದೇಶದ 79ನೇ ಸ್ವಾತಂತ್ರ್ಯ ದಿನದ (Independence Day) ಹಿನ್ನೆಲೆಯಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (State Bank Of India) ಅಘ್ನಿವೀರರಿಗೆ ವಿಶೇಷ ಉಡುಗೊರೆಯನ್ನು ಘೋಷಿಸಿದೆ. ಅಘ್ನಿವೀರ ಯೋಜನೆಯಡಿ ಸೇವೆ ಸಲ್ಲಿಸುತ್ತಿರುವವರಿಗೆ ಯಾವುದೇ ಜಾಮೀನು ಅಥವಾ ಅಡಮಾನವಿಲ್ಲದೆ 4 ಲಕ್ಷ ರೂ. ವರೆಗಿನ ವೈಯಕ್ತಿಕ ಸಾಲವನ್ನು (SBI Personal Loan)ನೀಡಲು SBI ತೀರ್ಮಾನಿಸಿದೆ.
ಈ ಯೋಜನೆಯ ಅಡಿಯಲ್ಲಿ ಪ್ರಾಸೆಸಿಂಗ್ ಶುಲ್ಕವನ್ನು ಸಂಪೂರ್ಣವಾಗಿ ರದ್ದುಪಡಿಸಲಾಗಿದೆ. ಇದರಿಂದಾಗಿ ಸಾಲ ಪಡೆಯುವಾಗ ಯಾವುದೇ ಹೆಚ್ಚುವರಿ ವೆಚ್ಚಗಳ ಭಾರ ಅಘ್ನಿವೀರರ ಮೇಲೆ ಬೀಳುವುದಿಲ್ಲ.
SBI ಪ್ರಕಾರ, ಈ ಸೌಲಭ್ಯವನ್ನು ಬ್ಯಾಂಕಿನಲ್ಲಿ ವೇತನ ಖಾತೆ ಹೊಂದಿರುವ ಅಘ್ನಿವೀರರಿಗೆ ಮಾತ್ರ ನೀಡಲಾಗುತ್ತದೆ, ಏಕೆಂದರೆ ಬ್ಯಾಂಕ್ ಅವರ ಆದಾಯ ಮತ್ತು ಸೇವಾ ವಿವರಗಳನ್ನು ಈಗಾಗಲೇ ಹೊಂದಿದೆ.
ಇದನ್ನೂ ಓದಿ: ಮೋದಿಜಿ ಕಡೆಯಿಂದ ರೈತರಿಗೆ ಬಂಪರ್ ಗಿಫ್ಟ್! ಮತ್ತೊಂದು ಹೊಸ ಕೃಷಿ ಯೋಜನೆ
ಸಾಲ ತಿರುಗಿ ಪಾವತಿಸುವ ವ್ಯವಸ್ಥೆಯನ್ನೂ ಅಘ್ನಿವೀರರಿಗೆ ಅನುಕೂಲವಾಗುವಂತೆ ರೂಪಿಸಲಾಗಿದೆ. ಸೈನ್ಯ ಸೇವೆಯ ಅವಧಿಯಲ್ಲೇ ಅವರು ಹಂತ ಹಂತವಾಗಿ ಸಾಲವನ್ನು ಪಾವತಿಸಬಹುದು, ಇದರಿಂದ ಹೆಚ್ಚುವರಿ ಆರ್ಥಿಕ ಒತ್ತಡ ತಗುಲುವುದಿಲ್ಲ.
ಕೆವಲ ಅಘ್ನಿವೀರರಷ್ಟೇ ಅಲ್ಲ, SBI ಎಲ್ಲಾ ರಕ್ಷಣಾ ದಳದ ಸಿಬ್ಬಂದಿಗಳಿಗೆ 2025ರ ಸೆಪ್ಟೆಂಬರ್ 30ರವರೆಗೆ ವಿಶೇಷ ಬಡ್ಡಿ ದರವನ್ನು ಘೋಷಿಸಿದೆ. ಈ ಅವಧಿಯಲ್ಲಿ ವೈಯಕ್ತಿಕ ಸಾಲಗಳಿಗೆ ಕನಿಷ್ಠ 10.50% ಬಡ್ಡಿದರ ಮಾತ್ರ ಅನ್ವಯವಾಗಲಿದೆ. ಸಾಮಾನ್ಯವಾಗಿ ಈ ಬಡ್ಡಿದರ ಹೆಚ್ಚು ಇರುತ್ತದೆ.
ಇದನ್ನೂ ಓದಿ: ಮನೆ ಇಲ್ಲದ ಬಡಕುಟುಂಬಕ್ಕೆ 2.5 ಲಕ್ಷ ನೆರವು! ಸರ್ಕಾರದಿಂದ ಭರ್ಜರಿ ಯೋಜನೆ
ಯೋಜನೆ ಘೋಷಿಸುವ ವೇಳೆ SBI ಅಧ್ಯಕ್ಷ ಸಿ.ಎಸ್. ಶೆಟ್ಟಿ ಮಾತನಾಡಿ — “ದೇಶವನ್ನು ಕಾಪಾಡುವ ನಮ್ಮ ಯುವಕರು ತಮ್ಮ ಭವಿಷ್ಯವನ್ನು ಕಟ್ಟಿಕೊಳ್ಳಲು ನಾವು ಸಂಪೂರ್ಣ ಬೆಂಬಲ ನೀಡುತ್ತೇವೆ. ಶೂನ್ಯ ಪ್ರಾಸೆಸಿಂಗ್ ಶುಲ್ಕ ಕೇವಲ ಆರಂಭ. ಮುಂದೆ ಇಂತಹ ಇನ್ನೂ ಹೆಚ್ಚಿನ ಸೌಲಭ್ಯಗಳನ್ನು ತರಲು ಪ್ರಯತ್ನಿಸುತ್ತೇವೆ.” ಎಂದು ಹೇಳಿದರು.
ಈ ಕ್ರಮದಿಂದ ಸೈನ್ಯದಲ್ಲಿ ಸೇವೆ ಸಲ್ಲಿಸುವ ಯುವಕರಿಗೆ ಆರ್ಥಿಕ ನೆರವು ದೊರೆಯುವುದಷ್ಟೇ ಅಲ್ಲ, ಅವರ ಭವಿಷ್ಯ ನಿರ್ಮಾಣಕ್ಕೂ ಬಲ ಒದಗಲಿದೆ.
SBI Offers Loan to Agniveers with Zero Collateral
