60 ಲಕ್ಷ ಹೋಮ್ ಲೋನ್ 10 ವರ್ಷ ಇಎಂಐ ಆದರೆ ಬಡ್ಡಿ ಎಷ್ಟಾಗುತ್ತದೆ? ಇಲ್ಲಿದೆ ಲೆಕ್ಕಾಚಾರ

Home Loan: ಸ್ವಂತ ಮನೆ ಹೊಂದುವುದು ಬಹುತೇಕ ಜನರ ಜೀವನದ ದೊಡ್ಡ ಕನಸು. ಈ ಕನಸನ್ನು ಸಾಕಾರಗೊಳಿಸಲು ಹಲವರು ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಗಳಿಂದ ಹೋಮ್ ಲೋನ್ ಪಡೆಯುತ್ತಾರೆ. ಆದರೆ ಸಾಲದ ಅವಧಿ ಸಾಮಾನ್ಯವಾಗಿ 20–25 ವರ್ಷಗಳವರೆಗೆ ಇರುವುದರಿಂದ, ಅದರ ಬಡ್ಡಿ ಮೊತ್ತವೂ ದೊಡ್ಡ ಮಟ್ಟದಲ್ಲಿ ಹೆಚ್ಚಾಗುತ್ತದೆ.

ಉದಾಹರಣೆಗೆ, ಸುಮಾರು 75 ಲಕ್ಷ ರೂಪಾಯಿ ಗೃಹ ಸಾಲವನ್ನು 8% ಬಡ್ಡಿದರದಲ್ಲಿ 25 ವರ್ಷಗಳಿಗೆ ಪಡೆದರೆ, ತಿಂಗಳ EMI ಸುಮಾರು ₹58,000 ಆಗುತ್ತದೆ. ಈ ಅವಧಿಯಲ್ಲಿ ಮೂಲ ಮೊತ್ತಕ್ಕಿಂತಲೂ ಹೆಚ್ಚು, ಸುಮಾರು ₹98 ಲಕ್ಷದಷ್ಟು ಬಡ್ಡಿ ಪಾವತಿಯಾಗುವ ಸಾಧ್ಯತೆ ಇದೆ. ಆದರೆ ಕೆಲವು ಸ್ಮಾರ್ಟ್ ಹಣಕಾಸು ಕ್ರಮಗಳನ್ನು ಅನುಸರಿಸಿದರೆ ಈ ಬಡ್ಡಿ ಮೊತ್ತವನ್ನು ಗಣನೀಯವಾಗಿ ಕಡಿಮೆ ಮಾಡಬಹುದು.

ಹೋಮ್ ಲೋನ್ ಆರಂಭದ ತಿಂಗಳುಗಳಲ್ಲಿ EMIಯ ಹೆಚ್ಚಿನ ಭಾಗವು ಬಡ್ಡಿಗೆ ಹೋಗುತ್ತದೆ. ಮೂಲ ಸಾಲದ ಮೊತ್ತಕ್ಕೆ ಬಹಳ ಕಡಿಮೆ ಹಣ ಸೇರುತ್ತದೆ. ಉದಾಹರಣೆಗೆ, ಮೊದಲ ತಿಂಗಳಲ್ಲಿ ₹58,000 EMI ಪಾವತಿಸಿದರೆ ಅದರಲ್ಲಿ ಸುಮಾರು ₹50,000 ಬಡ್ಡಿಗೆ ಹೋಗಬಹುದು ಮತ್ತು ಸುಮಾರು ₹7,800 ಮಾತ್ರ ಪ್ರಿನ್ಸಿಪಲ್‌ಗೆ ಸೇರುತ್ತದೆ.

ಇದನ್ನು ಗಮನದಲ್ಲಿಟ್ಟುಕೊಂಡು ಸಾಲದ ಅವಧಿ ಕಡಿಮೆ ಮಾಡಲು ಕೆಲವು ತಂತ್ರಗಳನ್ನು ಬಳಸಬಹುದು.

ಪ್ರತಿ ವರ್ಷ ಒಂದು ಹೆಚ್ಚುವರಿ EMI ಪಾವತಿಸಿ

ಪ್ರತಿ 12 ತಿಂಗಳ ನಂತರ ಒಂದು ಹೆಚ್ಚುವರಿ EMI ಪಾವತಿಸುವುದು ಬಹಳ ಪರಿಣಾಮಕಾರಿ ವಿಧಾನ. ಅಂದರೆ ವರ್ಷಕ್ಕೆ ಒಂದು ತಿಂಗಳಲ್ಲಿ ಎರಡು EMI ಪಾವತಿಸುವುದು.

ಈ ಕ್ರಮವನ್ನು ಅನುಸರಿಸಿದರೆ:

1. ಒಟ್ಟು ಬಡ್ಡಿ ₹98 ಲಕ್ಷದಿಂದ ಸುಮಾರು ₹76–77 ಲಕ್ಷಕ್ಕೆ ಇಳಿಯಬಹುದು
2. ಸುಮಾರು ₹12 ಲಕ್ಷದಷ್ಟು ಹಣ ಉಳಿಸಬಹುದು
3. ಸಾಲದ ಅವಧಿ 25 ವರ್ಷದಿಂದ ಸುಮಾರು 20 ವರ್ಷಕ್ಕೆ ಕಡಿಮೆಯಾಗುತ್ತದೆ

ಸಂಬಳ ಹೆಚ್ಚಳ ಅಥವಾ ಬೋನಸ್ ಬಂದಾಗ ಈ ಹೆಚ್ಚುವರಿ EMI ಪಾವತಿಸುವುದು ಉತ್ತಮ.

ವರ್ಷಕ್ಕೆ ಎರಡು ಹೆಚ್ಚುವರಿ EMI ಪಾವತಿಸಿದರೆ ಇನ್ನಷ್ಟು ಲಾಭ

ಹಣಕಾಸು ಸಾಮರ್ಥ್ಯ ಇದ್ದರೆ ವರ್ಷಕ್ಕೆ ಎರಡು ಹೆಚ್ಚುವರಿ EMI ಪಾವತಿಸುವುದು ಇನ್ನಷ್ಟು ಲಾಭದಾಯಕ.

ಇದರಿಂದ:

1. ಒಟ್ಟು ಬಡ್ಡಿ ₹98 ಲಕ್ಷದಿಂದ ಸುಮಾರು ₹64 ಲಕ್ಷಕ್ಕೆ ಇಳಿಯಬಹುದು
2. ಸುಮಾರು ₹34 ಲಕ್ಷದಷ್ಟು ದೊಡ್ಡ ಮೊತ್ತ ಉಳಿಯಬಹುದು
3. ಸಾಲದ ಅವಧಿ ಸುಮಾರು 15–16 ವರ್ಷಗಳಿಗೆ ಕಡಿಮೆಯಾಗುತ್ತದೆ

ಈ ವಿಧಾನದಿಂದ ಸಾಲ ಬೇಗ ಮುಗಿದು ಉಳಿದ ಹಣವನ್ನು ಇತರೆ ಹೂಡಿಕೆಗಳಿಗೆ ಬಳಸಬಹುದು.

ಪ್ರತಿ ವರ್ಷ EMI ಮೊತ್ತ ಹೆಚ್ಚಿಸುವ ವಿಧಾನ

ಇನ್ನೊಂದು ಉತ್ತಮ ವಿಧಾನವೆಂದರೆ ಪ್ರತಿ ವರ್ಷ EMI ಮೊತ್ತವನ್ನು 5% ಅಥವಾ 10% ಹೆಚ್ಚಿಸುವುದು.

ಉದಾಹರಣೆಗೆ:

ಮೊದಲ ವರ್ಷ ₹58,000 EMI ಪಾವತಿಸಿದ ನಂತರ, ಮುಂದಿನ ವರ್ಷದಿಂದ EMIಯನ್ನು 10% ಹೆಚ್ಚಿಸಿದರೆ ಸಾಲದ ಅವಧಿ ಬಹಳ ವೇಗವಾಗಿ ಕಡಿಮೆಯಾಗುತ್ತದೆ. ಈ ಕ್ರಮದಿಂದ ಸುಮಾರು 9–10 ವರ್ಷಗಳಲ್ಲೇ ಗೃಹ ಸಾಲ ಮುಗಿಸುವ ಸಾಧ್ಯತೆ ಇದೆ.

ಹೋಮ್ ಲೋನ್ ಎಂದರೆ ಹಲವರಿಗೆ ದೀರ್ಘಕಾಲದ ಹಣಕಾಸು ಹೊರೆ. ಆದರೆ ಸರಿಯಾದ ಯೋಜನೆ, ಹೆಚ್ಚುವರಿ EMI ಪಾವತಿ ಹಾಗೂ EMI ಹೆಚ್ಚಿಸುವ ಕ್ರಮಗಳನ್ನು ಅನುಸರಿಸಿದರೆ ಸಾಲದ ಅವಧಿ ಕಡಿಮೆ ಮಾಡಬಹುದು. ಇದರಿಂದ ಲಕ್ಷಾಂತರ ರೂಪಾಯಿ ವಡ್ಡಿ ಹಣ ಉಳಿಯುವುದಷ್ಟೇ ಅಲ್ಲ, ಹಣಕಾಸಿನ ಸ್ವಾತಂತ್ರ್ಯವೂ ಬೇಗ ಸಿಗುತ್ತದೆ.