ಕಡಿಮೆ ಬಜೆಟ್‌ನ ಬೈಕ್‌ಗಳು! ಬೆಲೆ ₹55,000 ದಿಂದಲೇ ಆರಂಭ! ಮೈಲೇಜ್ ಬಯಸುವವರಿಗೆ ಬೆಸ್ಟ್
ಕಡಿಮೆ ಬಜೆಟ್‌ನಲ್ಲಿ ಉತ್ತಮ ಮೈಲೇಜ್ ಬಯಸುವವರಿಗೆ ಭಾರತದಲ್ಲಿನ ಅಗ್ಗದ ಐದು ಬೈಕ್‌ಗಳು ಹೊಸ ಆಯ್ಕೆಯಾಗಿ ಎದುರಾಗಿವೆ. ಜಿಎಸ್ಟಿ ಇಳಿಕೆಯ ನಂತರ ಇವುಗಳ ಬೆಲೆಗಳು ಮತ್ತಷ್ಟು ಕೈಗೆಟುಕುವಂತಾಗಿವೆ.
Best Bikes: ಜಿಎಸ್ಟಿ ಇಳಿಕೆಯ ಪರಿಣಾಮವಾಗಿ ಕಡಿಮೆ ಬೆಲೆಗೆ ಉತ್ತಮ ಮೈಲೇಜ್ ನೀಡುವ ಬೈಕ್‌ಗಳ ಮೇಲೆ ಗ್ರಾಹಕರ ಆಸಕ್ತಿ ಮತ್ತಷ್ಟು ಹೆಚ್ಚಿದೆ. ವಿಶೇಷವಾಗಿ ಬಜೆಟ್ ಸ್ನೇಹಿ ದ್ವಿಚಕ್ರ ವಾಹನವನ್ನು ಹುಡುಕುತ್ತಿರುವವರಿಗೆ ಐದು ಮಾದರಿಗಳು ಈಗ ಹೆಚ್ಚು ಜನಪ್ರಿಯ ಆಯ್ಕೆಯಾಗಿವೆ.
ಕಡಿಮೆ ಬೆಲೆ, ಉತ್ತಮ ಮೈಲೇಜ್ ಹಾಗೂ ದೈನಂದಿನ ಬಳಕೆಗೆ ಸೂಕ್ತ ಎಂಬ ಕಾರಣದಿಂದ ಇವುಗಳಿಗೆ ಹೆಚ್ಚಿನ ಬೇಡಿಕೆ ಕಂಡುಬರುತ್ತಿದೆ.
ಈ ಪಟ್ಟಿಯಲ್ಲಿ ಹೆಚ್ಚು ಮಾರಾಟವಾಗುವ ಹೆಸರು ಹೀರೋ HF ಡೀಲಕ್ಸ್. ಜಿಎಸ್ಟಿ ಕಡಿತದ ನಂತರ ಇದರ ಬೆಲೆ ₹55,992 (ಎಕ್ಸ್ಶೋರೂಮ್) ಆಗಿದ್ದು, ನಗರ ಬಳಕೆಗೆ ಅತ್ಯಂತ ಸೂಕ್ತ ಎಂದು ಗ್ರಾಹಕರು ಹೇಳುತ್ತಾರೆ.
ಇದನ್ನೂ ಓದಿ: ಇದೇ ದೇಶದ ಅತ್ಯಂತ ಕಮ್ಮಿ ಬೆಲೆಯ 125cc ಬೈಕ್! ಉತ್ತಮ ಮೈಲೇಜ್, ಆಧುನಿಕ ಫೀಚರ್‌
ಅದೇ ರೀತಿ, ಉತ್ತಮ ಮೈಲೇಜ್‌ಗಾಗಿ ಪ್ರಸಿದ್ಧವಾದ TVS ಸ್ಪೋರ್ಟ್ ಈಗ ₹55,100 ಎಕ್ಸ್ಶೋರೂಮ್ ಬೆಲೆಯಲ್ಲಿ ದೊರೆಯುತ್ತಿದೆ. ಕಡಿಮೆ ಬಜೆಟ್‌ನಲ್ಲಿ ದೀರ್ಘಕಾಲ ಬಳಕೆಗೆ ಇದು ಸೂಕ್ತವಾದ ಆಯ್ಕೆ.
ಮತ್ತೊಂದು ಜನಪ್ರಿಯ ಎಂಟ್ರಿ-ಲೆವಲ್ ಬಜೆಟ್ ಬೈಕ್ ಹೋಂಡಾ ಶೈನ್ 100. ಜಿಎಸ್ಟಿ ಇಳಿಕೆಯ ನಂತರ ಇದರಲ್ಲಿ ₹5,600 ಉಳಿತಾಯವಾಗಿದ್ದು, ಈಗ ಹೊಸ ಬೆಲೆ ₹63,191 ಎಕ್ಸ್ಶೋರೂಮ್. ಮೃದುವಾದ ಇಂಜಿನ್ ಹಾಗೂ ಸೊಗಸಾದ ಚಾಲನಾ ಅನುಭವದಿಂದ ಇದು ಕುಟುಂಬ ಬಳಕೆಗೆ ಹೆಚ್ಚು ಸೂಕ್ತ.
ಜೊತೆಗೆ, ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿರುವ ಹೆಸರೊಂದು ಹೀರೋ ಸ್ಪ್ಲೆಂಡರ್ ಪ್ಲಸ್. ಜಿಎಸ್ಟಿ ಇಳಿಕೆಯಿಂದ ಈಗ ₹6,800 ಕಡಿತವಾಗಿ ₹73,902 ಎಕ್ಸ್ಶೋರೂಮ್ ಬೆಲೆಯಲ್ಲಿ ಲಭ್ಯ. ಮೈಲೇಜ್ ಹಾಗೂ ವಿಶ್ವಾಸಾರ್ಹ ಕಾರ್ಯಕ್ಷಮತೆಯಿಂದ ವರ್ಷಗಳಿಂದಲೇ ಇದು ಬೈಕ್ ಪ್ರಿಯರ ನೆಚ್ಚಿನದು.
ಇದನ್ನೂ ಓದಿ: ಫುಲ್‌ ಟ್ಯಾಂಕ್‌ ಮಾಡಿದ್ರೆ 700 ಕಿ.ಮೀ ಮೈಲೇಜ್ ಕೊಡುವ ಫ್ಯಾಮಿಲಿ ಬೈಕ್ ಇದು! ಭಾರೀ ಬೇಡಿಕೆ
ಕೊನೆಯಲ್ಲಿ ಬಜಾಜ್ ಪ್ಲಾಟಿನಾ 100, 102cc DTS-I ಎಂಜಿನ್ ಹೊಂದಿದ್ದು, ಲೀಟರ್‌ಗೆ ಸುಮಾರು 70 ಕಿಮೀ ಮೈಲೇಜ್ ನೀಡುತ್ತದೆ. ಇದಕ್ಕೂ ಜಿಎಸ್ಟಿ ಕಡಿತದ ಪ್ರಯೋಜನ ಸಿಕ್ಕಿದ್ದು, ಹೊಸ ಎಕ್ಸ್ಶೋರೂಮ್ ಬೆಲೆ ₹66,520. ದೈನಂದಿನ ಪ್ರಯಾಣಿಕರಿಗೆ ಇದು ಆರ್ಥಿಕವಾಗಿ ಉತ್ತಮ ಆಯ್ಕೆ ಎಂದು ಪರಿಣಿತರು ಹೇಳುತ್ತಾರೆ.
Top 5 Cheapest Bikes in India
