ಸೆಕೆಂಡ್ ಹ್ಯಾಂಡ್ ಕಾರ್ ಖರೀದಿ ಮಾಡ್ತೀರಾ? ಹಾಗಾದ್ರೆ ಈ ನಷ್ಟದ ಬಗ್ಗೆ ಗೊತ್ತಿರಲಿ - Second-Hand Car
Second-Hand Car : ಪೂರ್ತಿ ಚೆಕ್ ಮಾಡದೆ ಸೆಕೆಂಡ್ ಹ್ಯಾಂಡ್ ಕಾರ್ ಖರೀದಿ ಮಾಡಿದರೆ ಆರ್ಥಿಕ ನಷ್ಟವಾಗಬಹುದು. ಬಜೆಟ್, ಪೇಪರ್ಸ್, ಟೆಸ್ಟ್ ಡ್ರೈವ್, ಮೆಕ್ಯಾನಿಕ್ ತಪಾಸಣೆಗಳನ್ನು ಮರೆತರೆ ಸಮಸ್ಯೆ ಗ್ಯಾರಂಟಿ!
- ಸೆಕೆಂಡ್ ಹ್ಯಾಂಡ್ ಕಾರ್ ಖರೀದಿಗೆ ಮೊದಲು ಟೆಸ್ಟ್ ಡ್ರೈವ್ ಮಾಡಲೇಬೇಕು
- ಎಲ್ಲಾ ಪೇಪರ್ಸ್ ಹಾಗೂ ಸರ್ವೀಸ್ ರೆಕಾರ್ಡ್ ಚೆಕ್ ಮಾಡುವುದು ಅಗತ್ಯ
- ಮೆಕ್ಯಾನಿಕ್ ಮೂಲಕ ತಪಾಸಣೆ ಮಾಡಿದರೆ ಭದ್ರತೆ ಹೆಚ್ಚಳ
Second-Hand Car : ಹೊಸ ಕಾರ್ ಖರೀದಿಸಲು ಬಜೆಟ್ ಕಡಿಮೆಯಿದ್ದರೆ, ಸೆಕೆಂಡ್ ಹ್ಯಾಂಡ್ ಕಾರ್ ಒಂದು ಉತ್ತಮ ಆಯ್ಕೆಯಾಗಬಹುದು. ಆದರೆ, ಚಿಕ್ಕ ತಪ್ಪುಗಳಿಂದ ದೊಡ್ಡ ಸಮಸ್ಯೆ ಉಂಟಾಗಬಹುದು. ಅದಕ್ಕಾಗಿಯೇ ಈ ಪಾಯಿಂಟ್ಗಳನ್ನು ಗಮನದಲ್ಲಿಟ್ಟುಕೊಳ್ಳಿ.
ಮೊದಲಿಗೆ ನಿಮ್ಮ ಬಜೆಟ್ ನಿಶ್ಚಯಿಸಿ. ನಿಮ್ಮ ಸಾಮರ್ಥ್ಯಕ್ಕಿಂತ ಹೊರ ಹೋಗುವ ಕಾರು ಆಯ್ಕೆ ಮಾಡಿದರೆ ಆರ್ಥಿಕ ಒತ್ತಡ ಉಂಟಾಗಬಹುದು. ನಿಮ್ಮ ಬಜೆಟ್ಗೆ ತಕ್ಕಂತೆ ವಿವಿಧ ವೆಬ್ಸೈಟ್ಗಳು, ಆಪ್ಗಳು ಮತ್ತು ಮಾರಾಟಗಾರರಲ್ಲಿ ಕಾರು ಬೆಲೆ ಹೋಲಿಸಿ ನೋಡಿ.
ಇದನ್ನೂ ಓದಿ: ಹಳೆಯ ಫೋನ್ಗಳನ್ನು ಎಕ್ಸ್ಚೇಂಜ್ ಮಾಡಿದ್ರೆ ಹೊಸ ಫೋನ್! ಬಂಪರ್ ಆಫರ್
ಟೆಸ್ಟ್ ಡ್ರೈವ್ ಮಾಡುವುದು ಬಹುಮುಖ್ಯ. ಕಾರು ಯಾವ ಸ್ಥಿತಿಯಲ್ಲಿದೆ ಎಂಬುದು ಸರಿಯಾದ ರಸ್ತೆ ಮೇಲೆ ಓಡಿಸಿದಾಗ ಮಾತ್ರ ಗೊತ್ತಾಗುತ್ತದೆ. ಶಾರ್ಟ್ ಡ್ರೈವ್ ನಲ್ಲಿ ಕಾಣಿಸದು, ಆದ್ದರಿಂದ ಸಾಧ್ಯವಾದಷ್ಟು ದೂರ ಓಡಿಸಿ. ಲೋಪಗಳಿವೆ ಅನಿಸಿದರೆ ನಂಬಿಕಸ್ಥ ಮೆಕ್ಯಾನಿಕ್ ಒಬ್ಬರನ್ನು ಕರೆದುಕೊಂಡು ಹೋಗಿ ತಪಾಸಣೆ ಮಾಡಿಸಿ.
ಹಳೆಯ ಕಾರು ಕೊಂಡಾಗ ಖರ್ಚು ಎಷ್ಟು ಬಂತು ಅಂತ ಊಹಿಸಿಕೊಳ್ಳುವುದು ಮುಖ್ಯ. ಲೋಪಗಳನ್ನೆಲ್ಲ ಗಮನಿಸಿ, ಅವುಗಳಿಗೆ ಬರುವ ಖರ್ಚನ್ನು ಪ್ರತ್ಯೇಕವಾಗಿ ಅಂದಾಜಿಸಿ. ಮಾರಾಟಗಾರನಿಗೆ ಸ್ಪಷ್ಟವಾಗಿ ಹೇಳಿ, ಈ ದರ ತಕ್ಕಲ್ಲ ಎಂದು ಹೇಳಿ ಮತ್ತಷ್ಟು ಕಡಿತಕ್ಕೆ ಪ್ರಯತ್ನಿಸಿ.
ಇದನ್ನೂ ಓದಿ: 1 ಲಕ್ಷಕ್ಕೆ 2 ಲಕ್ಷ, 3 ಲಕ್ಷಕ್ಕೆ 6 ಲಕ್ಷ ರೂಪಾಯಿ! ಪೋಸ್ಟ್ ಆಫೀಸ್ ಬಂಪರ್ ಯೋಜನೆ
ಅವಶ್ಯಕವಾಗಿ ಮೆಕ್ಯಾನಿಕ್ ಮೂಲಕ ತಪಾಸಣೆ ಮಾಡಿಸಿ ಅಥವಾ ಕಂಪನಿಯ ಅಧಿಕೃತ ಸರ್ವೀಸ್ ಸೆಂಟರ್ಗೆ ಕರೆದೊಯ್ಯಿರಿ. ಹಾಗೂ ನಿಮಗೆ ಬಿಕ್ಕಟ್ಟು ಉಂಟುಮಾಡಬಲ್ಲ ಇಂಟರ್ನಲ್ ಸಮಸ್ಯೆಗಳಿರಬಹುದು. ನಿಮ್ಮಿಂದ ಅದು ಗುರುತಿಸುವುದಕ್ಕೆ ಸಾಧ್ಯವಿಲ್ಲ.
ಅಂತೆಯೇ ಕಾರು ಪೂರ್ತಿ ಸರಿಯಾದ ದಾಖಲೆಗಳೊಂದಿಗೆ ಇರಬೇಕು. ಸರ್ವೀಸ್ ದಾಖಲೆ, ಕಾರಿನ ರಿಜಿಸ್ಟ್ರೇಶನ್, ಇನ್ಸುರನ್ಸ್ ಪೇಪರ್ಸ್ ಎಲ್ಲವೂ ಪರಿಶೀಲಿಸಿ. ಚಾಸಿಸ್ ನಂಬರ್ ಮತ್ತು ಎಂಜಿನ್ ನಂಬರ್ಗಳೂ ದಾಖಲೆಯೊಂದಿಗೆ ಹೊಂದಿಕೊಳ್ಳುತ್ತದೆಯೆ ಎಂಬುದೂ ನೋಡಿ.
ಈ ಎಲ್ಲಾ ಹಂತಗಳನ್ನು ಸರಿಯಾಗಿ ಪಾಲಿಸಿದರೆ ನೀವು ಉತ್ತಮ ಸ್ಥಿತಿಯ ಸೆಕಂಡ್ ಹ್ಯಾಂಡ್ ಕಾರು (Used Car Buying Tips) ಖರೀದಿಸಿ, ಮುಂದೆ ಯಾವುದೇ ತೊಂದರೆ ಇಲ್ಲದೆ ಬಳಸಬಹುದು.
ಮಾಹಿತಿ ಹಾಗೂ ನಿಖರ ಸುದ್ದಿಗಳಿಗೆ Kannada News Today ಪ್ರತಿದಿನ ಭೇಟಿ ನೀಡಿ.
Top Checks Before Buying a Second-Hand Car
