ಮುಂಬೈ ಸೈಬರ್ ಕ್ರೈಂ ಅಪರಾಧದಲ್ಲಿ ಶೇ.70ರಷ್ಟು ಏರಿಕೆ!
ಮುಂಬೈ (Mumbai): ಮುಂಬೈನಲ್ಲಿ ಸೈಬರ್ ಕ್ರೈಂ (Cyber Crime) ಶೇ.70ರಷ್ಟು ಹೆಚ್ಚಾಗಿದೆ ಎಂದು ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಮೇಲ್ಮನೆಗೆ ತಿಳಿಸಿದ್ದಾರೆ.
70 ರಷ್ಟು ಸೈಬರ್ ಕ್ರೈಂ ಹೆಚ್ಚಳ
ಮಹಾರಾಷ್ಟ್ರ ವಿಧಾನಸಭೆ ಬಜೆಟ್ ಅಧಿವೇಶನ ನಡೆಯುತ್ತಿದೆ. ಈ ವೇಳೆ ಸೈಬರ್ ಅಪರಾಧಗಳ ಹೆಚ್ಚಳದ ಕುರಿತು ಮೇಲ್ಮನೆಯಲ್ಲಿ ಪ್ರಶ್ನೆಗಳನ್ನು ಎತ್ತಲಾಯಿತು. ಅದಕ್ಕೆ ಪ್ರತಿಕ್ರಿಯಿಸಿ ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ನಿನ್ನೆ ಮೇಲ್ಮನೆಯಲ್ಲಿ ಮಾತನಾಡಿದರು.
ಕಳೆದ ನವೆಂಬರ್ ವರೆಗೆ ಮುಂಬೈನಲ್ಲಿ 4 ಸಾವಿರದ 286 ಸೈಬರ್ ಅಪರಾಧ ಪ್ರಕರಣಗಳು ದಾಖಲಾಗಿವೆ. ನಗರದಲ್ಲಿ ಸೈಬರ್ ಅಪರಾಧವು 2021 ಕ್ಕೆ ಹೋಲಿಸಿದರೆ 2022 ರಲ್ಲಿ ಶೇಕಡಾ 70 ರಷ್ಟು ಹೆಚ್ಚಾಗಿದೆ.
ಕೇವಲ 279 ಪ್ರಕರಣಗಳು ಇತ್ಯರ್ಥ
ಕ್ರೆಡಿಟ್ ಕಾರ್ಡ್ ಮತ್ತು ಆನ್‌ಲೈನ್ ವಂಚನೆಗೆ ಸಂಬಂಧಿಸಿದಂತೆ ಕೇವಲ 1,294 ಪ್ರಕರಣಗಳು ದಾಖಲಾಗಿವೆ. ಈ ಪೈಕಿ 37 ಪ್ರಕರಣಗಳನ್ನು ಬಗೆಹರಿಸಲಾಗಿದೆ. ಆನ್‌ಲೈನ್ ಶಾಪಿಂಗ್, ಕ್ರಿಪ್ಟೋಕರೆನ್ಸಿ ಹೂಡಿಕೆ, ಶಿಕ್ಷಣ ಸಂಸ್ಥೆಗಳಿಗೆ ಪ್ರವೇಶ, ವಿಮೆ ಮತ್ತು ಉದ್ಯೋಗ ನೀಡುವುದಾಗಿ ಹೇಳಿಕೊಂಡು 2 ಸಾವಿರದ 216 ಸೈಬರ್ ವಂಚನೆ ಘಟನೆಗಳು ನಡೆದಿವೆ.
132 ಪ್ರಕರಣಗಳಲ್ಲಿ ಆರೋಪಿಗಳು ಸಿಕ್ಕಿಬಿದ್ದಿದ್ದಾರೆ. ಕಳೆದ ವರ್ಷ ದಾಖಲಾದ 4 ಸಾವಿರದ 268 ಸೈಬರ್ ಪ್ರಕರಣಗಳ ಪೈಕಿ 279 ಪ್ರಕರಣಗಳಲ್ಲಿ ಮಾತ್ರ ಆರೋಪಿಗಳು ಸಿಕ್ಕಿಬಿದ್ದಿದ್ದಾರೆ. ಸೈಬರ್ ಅಪರಾಧಗಳ ತನಿಖೆಗಾಗಿ ಮುಂಬೈನಲ್ಲಿ 5 ಪೊಲೀಸ್ ಠಾಣೆಗಳನ್ನು ಸ್ಥಾಪಿಸಲಾಗಿದೆ ಎಂಬ ಮಾಹಿತಿ ನೀಡಿದರು.
70 percent rise in cyber crime in Mumbai
