Draupadi Murmu; ದೇಶದ ಅತ್ಯುನ್ನತ ಪೀಠದಲ್ಲಿ ಕುಳಿತ ಮೊದಲ ಬುಡಕಟ್ಟು ಮಹಿಳೆ !

Draupadi Murmu: ಒಡಿಶಾದ ದೂರದ ಹಳ್ಳಿಯೊಂದರಲ್ಲಿ ಸಂತಾಲ್ ಬುಡಕಟ್ಟು ಜನಾಂಗದಲ್ಲಿ ಜನಿಸಿದ ದ್ರೌಪದಿ ಮುರ್ಮು ಗುಮಾಸ್ತರಾಗಿ ಜೀವನ ಆರಂಭಿಸಿದರು. ನಂತರ ಶಿಕ್ಷಕರಾಗಿ ಸೇವೆ ಸಲ್ಲಿಸಿದರು. 1997ರಲ್ಲಿ ರಾಜಕೀಯ ಪ್ರವೇಶಿಸಿ ಇಂದು ದೇಶದ ಅತ್ಯುನ್ನತ ಸ್ಥಾನವನ್ನು ತಲುಪಿದ್ದಾರೆ.

ದ್ರೌಪದಿ ಮುರ್ಮು ಭಾರತದ 15ನೇ ರಾಷ್ಟ್ರಪತಿಯಾದರು. ದೇಶದ ಅತ್ಯುನ್ನತ ಪೀಠದಲ್ಲಿ ಕುಳಿತ ಮೊದಲ ಬುಡಕಟ್ಟು ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಲಿದ್ದಾರೆ. ಒಡಿಶಾದ ದ್ರೌಪದಿ ಮುರ್ಮು ಅವರು ಇದೇ ತಿಂಗಳ 25 ರಂದು ರಾಷ್ಟ್ರಪತಿಯಾಗಿ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ಹಾಲಿ ರಾಷ್ಟ್ರಪತಿ ಕೋವಿಂದ್ ಅವರ ಅಧಿಕಾರಾವಧಿ ಜುಲೈ 24ಕ್ಕೆ ಕೊನೆಗೊಳ್ಳಲಿದೆ.

ದ್ರೌಪದಿ ಮುರ್ಮು ಅವರು ಮತ ಎಣಿಕೆ ಆರಂಭವಾದಾಗಿನಿಂದ ಪ್ರತಿ ಸುತ್ತಿನಲ್ಲಿಯೂ ಮುನ್ನಡೆ ಸಾಧಿಸಿದ್ದರು. ಅವರು 1,103 ಮತಗಳ ಬಹುಮತದಿಂದ (3,16,715 ಮತಗಳ ಮೌಲ್ಯ) ಜಯಗಳಿಸಿದ್ದಾರೆ ಎಂದು ಕೇಂದ್ರ ಚುನಾವಣಾ ಆಯೋಗ ಪ್ರಕಟಿಸಿದೆ.

ಮುರ್ಮು 2,161 ಮತಗಳನ್ನು ಪಡೆದಿದ್ದು ಅವರ ಮೌಲ್ಯ 5,77,777. ಯಶವಂತ್ ಸಿನ್ಹಾ 1,058 (2,61,062) ಮತಗಳನ್ನು ಪಡೆದರು. ಒಟ್ಟು 3,219 ಮತಗಳು ಸಿಂಧುವಾಗಿವೆ. ಒಟ್ಟು ಮತಗಳ ಮೌಲ್ಯ 8,38,839. ಮೊದಲಿಗೆ ಸಂಸದರ ಮತ ಎಣಿಕೆ ನಡೆಯಿತು. ಒಟ್ಟು 748 ಸಂಸದರ ಮತಗಳನ್ನು ಎಣಿಕೆ ಮಾಡಲಾಗಿದ್ದು, ಅವುಗಳ ಒಟ್ಟು ಮೌಲ್ಯ 5,23,600. ಅವರಲ್ಲಿ ದ್ರೌಪದಿ ಮುರ್ಮು 540 (3,78,000) ಮತ್ತು ಯಶವಂತ್ ಸಿನ್ಹಾ 208 (1,45,600) ಪಡೆದರು. 15 ಮತಗಳು ಅಸಿಂಧುವಾಗಿವೆ.

ಬಳಿಕ ಶಾಸಕರ ಮತ ಎಣಿಕೆ ಆರಂಭವಾಯಿತು. ಏತನ್ಮಧ್ಯೆ, ವಿರೋಧ ಪಕ್ಷದ ನಾಯಕರಾದ ರಾಹುಲ್ ಗಾಂಧಿ, ಮಮತಾ ಬ್ಯಾನರ್ಜಿ, ಶರತ್ ಪವಾರ್, ಯಶವಂತ್ ಸಿನ್ಹಾ ಮತ್ತಿತರರು ಶುಭಾಶಯ ಕೋರಿದ್ದಾರೆ.

draupadi murmu becomes 15th president of india

ಇವುಗಳನ್ನೂ ಓದಿ…

ನಯನತಾರಾ ಮದುವೆ ವಿಡಿಯೋ ನೋಡಬೇಕಾ

ಮಾಧ್ಯಮಗಳ ಕ್ಷಮೆ ಯಾಚಿಸಿದ ಕಿಚ್ಚ ಸುದೀಪ್

WhatsApp ನಲ್ಲಿ ರಿಯಾಕ್ಷನ್ಸ್ ಫೀಚರ್

ಮೆಗಾಸ್ಟಾರ್ ಚಿರಂಜೀವಿ 154ನೇ ಚಿತ್ರದಲ್ಲಿ ಸುಮಲತಾ

ಟಾಪ್ ಹೀರೋಯಿನ್ ಸಮಂತಾ ಈಗ ವಿಲನ್

ವಿಕ್ರಮ್ ಜೋಡಿಯಾಗಿ ರಶ್ಮಿಕಾ ಮಂದಣ್ಣ

Follow us On

Advertisement