ಸಿನಿಮಾ ಪ್ರಭಾವ: 6 ವರ್ಷದ ಬಾಲಕಿಯನ್ನು ಕೊಂದ 13 ವರ್ಷದ ಬಾಲಕ
ಮಹಾರಾಷ್ಟ್ರದಲ್ಲಿ (Maharashtra) 13 ವರ್ಷದ ಬಾಲಕನೊಬ್ಬ ಸಿನಿಮಾದ ಸೀರಿಯಲ್‌ ಕಿಲ್ಲರ್‌ನ ಪ್ರಭಾವಕ್ಕೆ ಒಳಗಾಗಿ ತನ್ನ 6 ವರ್ಷದ ಸಹೋದರಿಯನ್ನೇ ಕೊಂದ ಘಟನೆಯು ಆತಂಕ ಮೂಡಿಸಿದೆ. ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.
- ಸಿನಿಮಾದ ಪ್ರಭಾವಕ್ಕೆ ಒಳಗಾಗಿ ಬಾಲಕನಿಂದ ಹತ್ಯೆ
- 6 ವರ್ಷದ ಬಾಲಕಿಯನ್ನು ಕೊಂದ 13 ವರ್ಷದ ಬಾಲಕ
- ಬಾಲಕನ ವಿರುದ್ಧ ಪ್ರಕರಣ ದಾಖಲಿಸಿದ ಪೊಲೀಸರು
ಒಂದು ಸಿನಿಮಾ (Cinema) ಬಾಲಕನ ಭಾವನೆಗೇ ವಿನಾಶ ತಂದಿದೆ. ಮಹಾರಾಷ್ಟ್ರದ ಪಾಲ್ಘರ್ (Palghar) ಜಿಲ್ಲೆಯಲ್ಲಿ 13 ವರ್ಷದ ಬಾಲಕನೊಬ್ಬ, ತನ್ನದೇ ಕುಟುಂಬದ 6 ವರ್ಷದ ಬಾಲಕಿಯನ್ನು ಭೀಕರವಾಗಿ ಹತ್ಯೆ ಮಾಡಿದ್ದಾನೆ. ಆತನ ಈ ಕ್ರೂರ ಕೃತ್ಯದ ಹಿಂದಿನ ಕಾರಣವೊಂದು ಕೇಳಿದರೆ ನಂಬಲಸಾಧ್ಯ!
ಈ ದಾರುಣ ಘಟನೆ ಶನಿವಾರ ಬೆಳಕಿಗೆ ಬಂದಿದೆ. ಕುಟುಂಬದವರು 6 ವರ್ಷದ ಬಾಲಕಿ ಕಾಣೆಯಾಗಿರುವ ಬಗ್ಗೆ ಪೊಲೀಸರಿಗೆ ದೂರು ನೀಡಿದರು. ತನಿಖೆ ಕೈಗೊಂಡ ಪೊಲೀಸರು ಸಿಸಿಟಿವಿ (CCTV) ಕ್ಯಾಮೆರಾದ ದೃಶ್ಯವನ್ನು ಪರಿಶೀಲಿಸಿದಾಗ ಆ ಬಾಲಕ, ಬಾಲಕಿಯನ್ನು ಕರೆದುಕೊಂಡು ಹೋಗುತ್ತಿರುವುದು ಕಂಡುಬಂದಿತು.
ಇದನ್ನೂ ಓದಿ: ಹೆಂಡತಿ ಫೋನ್‌ಗೆ ಬಂದ ಕಿಸ್ ಎಮೋಜಿ, ಇಬ್ಬರನ್ನೂ ಕಡಿದು ಕೊಂದ ಪತಿ
ಪೊಲೀಸರು ತನಿಖೆಯನ್ನು ಆಳವಾಗಿ ಮುಂದುವರಿಸಿದಾಗ ಒಂದು ಭಯಾನಕ ಸತ್ಯ ಹೊರಬಿತ್ತು. ಆ ಬಾಲಕ ತನ್ನ ಸೋದರ ಸಂಬಂಧಿ (Cousin) 6 ವರ್ಷದ ಬಾಲಕಿಯನ್ನು ಸಿನಿಮಾದಲ್ಲಿನ ಸೀರಿಯಲ್‌ ಕಿಲ್ಲರ್‌ನಂತೆ ಕೊಲ್ಲಲು ನಿರ್ಧರಿಸಿದ್ದ. ಆಕೆಯ ತಲೆ ಹಿಡಿದು, ಕತ್ತು ಹಿಸುಕಿದ ನಂತರ, ಅವಳ ಮುಖವನ್ನು ಕಲ್ಲಿನಿಂದ (Stone) ಜಜ್ಜಿ ಗುರುತು ಪತ್ತೆಯಾಗದಂತೆ ಮಾಡಿದ್ದ.
ಇದನ್ನೂ ಓದಿ: ಆಸ್ತಿಗಾಗಿ ತಾಯಿಯನ್ನೇ 15 ಬಾರಿ ಚಾಕುವಿನಿಂದ ಇರಿದು ಕೊಂದ ಕಿರಾತಕ ಮಗ
ತನಿಖೆಯ ವೇಳೆ ಬಾಲಕ ತಪ್ಪೊಪ್ಪಿಕೊಂಡಿದ್ದು, ‘ನಾನು ಒಂದು ಸಿನಿಮಾ ನೋಡಿದ್ದೆ. ಅದರಲ್ಲಿ ಸೀರಿಯಲ್‌ ಕಿಲ್ಲರ್‌ (Serial Killer) ಆಗಿದ್ದ ಪಾತ್ರದಿಂದ ಪ್ರಭಾವಿತನಾಗಿ ಈ ಹತ್ಯೆ ಮಾಡಿದ್ದೇನೆ’ ಎಂದು ಹೇಳಿದ್ದಾನೆ. ಪೇಲ್ಹಾರ್ (Pelhar) ಪೊಲೀಸ್ ಠಾಣೆಯ ಸಬ್ ಇನ್ಸ್‌ಪೆಕ್ಟರ್ ಜಿತೇಂದ್ರ ಅವರ ಮಾಹಿತಿ ಪ್ರಕಾರ, ಬಾಲಕನ ವಿರುದ್ಧ ಪ್ರಕರಣ ದಾಖಲಿಸಿ ವಿಚಾರಣೆ ಮುಂದುವರಿಸಲಾಗಿದೆ.
Maharashtra Teen Kills Cousin Inspired by Movie
Our Whatsapp Channel is Live Now 👇
