ಸೆಪ್ಟೆಂಬರ್ 1 ರಿಂದ ಇಡೀ ತಿಂಗಳು ದುರ್ಗಾ ಪೂಜೆ ಆಚರಣೆಗಳು; ಮಮತಾ ಬ್ಯಾನರ್ಜಿ
ಪಶ್ಚಿಮ ಬಂಗಾಳ ದುರ್ಗಾಪೂಜೆ ಆಚರಣೆಗೆ ಸಜ್ಜಾಗಿದೆ, ಈ ವರ್ಷ ಅದ್ಧೂರಿಯಾಗಿ ಆಚರಿಸಲಾಗುವುದು ಎಂದು ಸಿಎಂ ಮಮತಾ ಬ್ಯಾನರ್ಜಿ ಹೇಳಿದ್ದಾರೆ.
ಕೋಲ್ಕತ್ತಾ: ಪಶ್ಚಿಮ ಬಂಗಾಳ ದುರ್ಗಾಪೂಜೆ ಆಚರಣೆಗೆ ಸಜ್ಜಾಗಿದೆ. ಕೊರೊನಾ ಹಿನ್ನಲೆಯಲ್ಲಿ ಕಳೆದ ಎರಡು ವರ್ಷಗಳಲ್ಲಿ ಆಚರಣೆ ನಡೆದಿಲ್ಲ. ಈ ಹಿನ್ನೆಲೆಯಲ್ಲಿ ಈ ವರ್ಷ ಅದ್ಧೂರಿಯಾಗಿ ಆಚರಿಸಲಾಗುವುದು ಎಂದು ಸಿಎಂ ಮಮತಾ ಬ್ಯಾನರ್ಜಿ ಹೇಳಿದ್ದಾರೆ.
ಸೆ.1ರಿಂದ ಒಂದು ತಿಂಗಳ ಕಾಲ ದುರ್ಗಾಪೂಜೆ ಮಹೋತ್ಸವ ನಡೆಯಲಿದೆ ಎಂದು ಸೋಮವಾರ ತಿಳಿಸಿದರು. ಉದ್ಘಾಟನೆಯ ದಿನವಾದ ಸೆ.1ರಂದು ಕೋಲ್ಕತ್ತಾದಲ್ಲಿ ಬೃಹತ್ ರ್ಯಾಲಿ ನಡೆಯಲಿದೆ ಎಂದರು. ದುರ್ಗಾ ಪೂಜೆಗೆ ಹೆರಿಟೇಜ್ ಟ್ಯಾಗ್ ನೀಡಿದ ಯುನೆಸ್ಕೋ (UNCESO) ಗೆ ಧನ್ಯವಾದ ಅರ್ಪಿಸಲು ಈ ಬೃಹತ್ ರ್ಯಾಲಿ ನಡೆಸಲಾಗುತ್ತಿದೆ ಎಂದು ತಿಳಿದುಬಂದಿದೆ.
ಇದನ್ನು ವರ್ಣರಂಜಿತವಾಗಿಸಲು ಮತ್ತು ವಿನೂತನ ಆಲೋಚನೆಗಳೊಂದಿಗೆ ಬರಲು ಪೂಜಾ ಸಮಿತಿಗಳು ಮತ್ತು ಜನರಿಗೆ ಕರೆ ನೀಡಲಾಗಿದೆ. ಯುನೆಸ್ಕೋ ಸದಸ್ಯರೊಂದಿಗೆ ವಿದೇಶಿ ನಿಯೋಗಗಳೂ ಕೋಲ್ಕತ್ತಾಗೆ ಭೇಟಿ ನೀಡಲಿವೆ ಎಂದು ತಿಳಿಸಿದರು. ದುರ್ಗಾಪೂಜೆ ಮಹೋತ್ಸವವು ಬೃಹತ್ ರ್ಯಾಲಿಯೊಂದಿಗೆ ಆರಂಭಗೊಂಡು ಅಕ್ಟೋಬರ್ 8ರಂದು ಮೆಗಾ ಕಾರ್ನಿವಲ್ ನೊಂದಿಗೆ ಮುಕ್ತಾಯಗೊಳ್ಳಲಿದೆ ಎಂದು ವಿವರಿಸಲಾಯಿತು.
ಸೈಮಾ 2022 ಗೆ ಕನ್ನಡ Top ಹಿರೋಯಿನ್ಸ್
ಇನ್ನೊಂದೆಡೆ ದುರ್ಗಾಪೂಜೆ ಸಮಿತಿಗಳಿಗೆ ಸರ್ಕಾರ ನೀಡುತ್ತಿರುವ ಆರ್ಥಿಕ ನೆರವನ್ನು 50 ಸಾವಿರದಿಂದ 60 ಸಾವಿರಕ್ಕೆ ಏರಿಸಲಾಗುತ್ತಿದೆ ಎಂದು ಸಿಎಂ ಮಮತಾ ಹೇಳಿದ್ದಾರೆ. ತೆರಿಗೆಗಳನ್ನು ರದ್ದುಪಡಿಸಲಾಗಿದೆ ಮತ್ತು ವಿದ್ಯುತ್ ಬಿಲ್‌ಗಳ ಮೇಲಿನ ಸಬ್ಸಿಡಿಯನ್ನು 50 ಪ್ರತಿಶತದಿಂದ 60 ಪ್ರತಿಶತಕ್ಕೆ ಹೆಚ್ಚಿಸಲಾಗಿದೆ. ಅಲ್ಲದೆ, ಸೆಪ್ಟೆಂಬರ್ 30 ರಿಂದ ಅಕ್ಟೋಬರ್ 10 ರವರೆಗೆ ಸಾರ್ವಜನಿಕ ರಜೆ ಎಂದು ಘೋಷಿಸಲಾಗಿದೆ.
month long durga puja celebration starting from sept 1 mamata banerjee announces
Follow us On
| Google News |
