Viral Video: ಲಾರಿಗೆ ಕಟ್ಟಿದ್ದ ಹಗ್ಗ ಕುತ್ತಿಗೆಗೆ ಸುತ್ತಿ ರಸ್ತೆಯಲ್ಲಿ ಹಾರಿ ಬಿದ್ದ ಬೈಕ್ ಸವಾರ.. ಭಯಾನಕ ಘಟನೆ ಸಿಸಿಟಿವಿಯಲ್ಲಿ ಸೆರೆ
Rope Wraps Biker Tamil Nadu Viral Video – ತಮಿಳುನಾಡಿನಲ್ಲಿ ಅನಿರೀಕ್ಷಿತ ಘಟನೆಯೊಂದು ನಡೆದಿದೆ. ಬೈಕ್ ಸವಾರನೊಬ್ಬ ಲಾರಿಯೊಂದರ ಪಕ್ಕದಲ್ಲಿ ಹಾದು ಹೋಗುತ್ತಿದ್ದಾಗ ಲಾರಿಗೆ ಅಳವಡಿಸಿದ್ದ ಹಗ್ಗ ಆಕಸ್ಮಿಕವಾಗಿ ಆತನ ಕುತ್ತಿಗೆಗೆ ಸುತ್ತಿಕೊಂಡಿದೆ. ತಕ್ಷಣ ಬೈಕ್ ಸವಾರ ನೆಲದ ಮೇಲೆ ಹಾರಿ ಬಿದ್ದಿದ್ದಾನೆ. ಈ ಘಟನೆ ತಮಿಳುನಾಡಿನ ತೂತುಕುಡಿಯ ಎರಲ್ ಪ್ರದೇಶದಲ್ಲಿ ನಡೆದಿದೆ.
ಶ್ರೀವೈಕುಂಠಂ ಪಟ್ಟಣದ ಮುತ್ತು ಎಂಬ ವ್ಯಕ್ತಿ ಬೈಕ್ ಚಲಾಯಿಸುತ್ತಿದ್ದರು. ಎದುರಿಗೆ ಬರುತ್ತಿದ್ದ ಟ್ರಕ್ನ ಬದಿಯಿಂದ ಬೈಕ್ ಚಲಾಯಿಸಿಕೊಂಡು ಹೋಗುತ್ತಿದ್ದಾಗ ಈ ಅವಘಡ ಸಂಭವಿಸಿದೆ. ಲಾರಿಯ ಮೇಲೆ ಕಟ್ಟಿದ್ದ ಹಗ್ಗ ಆಕಸ್ಮಿಕವಾಗಿ ಕೆಳಗೆ ಬಿದ್ದು ಪಕ್ಕದಲ್ಲೇ ಬೈಕ್ ಚಲಾಯಿಸುತ್ತಿದ್ದ ಮುತ್ತು ಅವರ ಕುತ್ತಿಗೆಗೆ ಸುತ್ತಿಕೊಂಡಿದೆ. ಇದರಿಂದ ಬೈಕ್ ಚಲಾಯಿಸುತ್ತಿದ್ದ ಮುತ್ತು ರಸ್ತೆಗೆ ಬಿದ್ದಿದ್ದಾರೆ.
ಈ ಘಟನೆಯಲ್ಲಿ ಅವರು ತೀವ್ರ ಗಾಯಗೊಂಡಿದ್ದಾರೆ. ತಕ್ಷಣ ಸ್ಥಳೀಯರು ಆತನನ್ನು ರಕ್ಷಿಸಿದ್ದಾರೆ. ಆತನನ್ನು ಪಕ್ಕಕ್ಕೆ ಕರೆದೊಯ್ದು ಸ್ಥಳೀಯ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಸಣ್ಣಪುಟ್ಟ ಗಾಯಗಳೊಂದಿಗೆ ಆತ ಬದುಕುಳಿದಿದ್ದಾರೆ.
ಲಾರಿಯ ಮೇಲಿದ್ದ ಹಗ್ಗವನ್ನು ಸರಿಯಾಗಿ ಕಟ್ಟದ ಕಾರಣ ನಡುರಸ್ತೆಯಲ್ಲೇ ಕೆಳಗೆ ಬಿದ್ದಿದೆ. ಅದೇ ಹಗ್ಗ ಗಾಳಿಗೆ ಹಾರಿ ಮುತ್ತು ಕುತ್ತಿಗೆಗೆ ಸುತ್ತಕೊಂಡಿತ್ತು. ಈ ಘಟನೆ ರಸ್ತೆ ಬದಿಯಲ್ಲಿ ಅಳವಡಿಸಲಾಗಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ದಾಖಲಾಗಿದೆ. ಘಟನೆ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
Rope Wraps Biker Tamil Nadu Viral Video
Viewers discretion advised, road accident caught on CCTV.
A bike rider was pulled down by a loosened rope which was binding gunny bags to a truck. Incident happened in Eral town of Tuticorin district, Tamil Nadu. pic.twitter.com/a0eGKRchfZ
— Arvind Chauhan, very allergic to 'ya ya' (@Arv_Ind_Chauhan) December 15, 2022
