ಯೂಟ್ಯೂಬ್ ನೋಡಿ ತಂದೆ ಕೊಲೆಗೆ ಸ್ಕೆಚ್, ಕೊನೆಗೂ ಪಾಪಿ ಮಗ ಅರೆಸ್ಟ್
ಆಸ್ತಿಗಾಗಿ ಸಂಬಂಧವೇ ಕೊಲೆಗೆ ತಿರುಗಿದ ಘಟನೆ ಎನ್ಟಿಆರ್ ಜಿಲ್ಲೆಯಲ್ಲಿ ನಡೆದಿದೆ. ಯೂಟ್ಯೂಬ್ ಮೂಲಕ ಹತ್ಯೆ ಮಾಡುವ ತಂತ್ರ ಕಲಿತು, ತಂದೆಯನ್ನು ಕೊಂದ ಪುತ್ರನ ಕಠೋರ ಕೃತ್ಯ ಇದೀಗ ಬೆಳಕಿಗೆ ಬಂದಿದೆ.
- ಆನ್ಲೈನ್ ಬೆಟ್ಟಿಂಗ್ನಲ್ಲಿ ನಷ್ಟ ಅನುಭವಿಸಿದ್ದ ಮಗ
- ತಂದೆಯಿಂದ ಹಣ ಕೇಳಿದಾಗ ನಿರಾಕರಣೆ
- ಯೂಟ್ಯೂಬ್ ವಿಡಿಯೋಗಳ ಮೂಲಕ ಹತ್ಯೆ ಮಾಡುವ ವಿಧಾನ ಕಲಿತ ಮಗ
ಆಸ್ತಿಗಾಗಿ ತಂದೆಯ ಬಲಿ
ಆಂಧ್ರಪ್ರದೇಶ: ಎನ್ಟಿಆರ್ ಜಿಲ್ಲೆ ಮೂಲಕಲಪೆಂಟ್ ಗ್ರಾಮದಲ್ಲಿ ಈ ತಿಂಗಳ 8ರಂದು ನಡೆದ ಘಟನೆಯು ಇಡೀ ಮನುಕುಲವನ್ನೇ ಬೆಚ್ಚಿಬೀಳಿಸಿದೆ. ಶ್ರೀನಿವಾಸ ರಾವ್ ಎಂಬುವವರು ತಮ್ಮ ಹೊಲದಲ್ಲಿ ಮೃತರಾಗಿರುವುದನ್ನು ಜನರು ಕಂಡು ಶಂಕೆಯೊಂದಿಗೆ ಪೊಲೀಸರ ಗಮನಕ್ಕೆ ತಂದರು. ಆದರೆ ಈ ದುಷ್ಕೃತ್ಯವನ್ನು ಅವರ ಸ್ವಂತ ಮಗನೇ ನಡೆಸಿದ್ದಾನೆ ಎಂಬುದು ತನಿಖೆಯಿಂದ ಬೆಳಕಿಗೆ ಬಂದಿದೆ.
ಶಾಲೆಯಲ್ಲಿ ಶಿಕ್ಷಕನ ಅಸಭ್ಯ ವರ್ತನೆ, ವಿದ್ಯಾರ್ಥಿನಿಗೆ ಲವ್ ಪ್ರಪೋಸ್! ಆಮೇಲೆ ಆಗಿದ್ದೇನು?
ಆನ್ಲೈನ್ ಬೆಟ್ಟಿಂಗ್; ಹಂತಕ ಪುತ್ರ
ಶ್ರೀನಿವಾಸರಾವ್ ಮಗ 32 ವರ್ಷದ ಪುಲ್ಲಾರಾವ್ ಇತ್ತೀಚೆಗೆ ಆನ್ಲೈನ್ ಬೆಟ್ಟಿಂಗ್ ಮತ್ತು ಷೇರು ಮಾರುಕಟ್ಟೆಯಲ್ಲಿ (online betting and stock trading) ದೊಡ್ಡ ಮೊತ್ತದ ನಷ್ಟ ಅನುಭವಿಸಿದ್ದ. ಸಾಲ (Loan) ತೀರಿಸಲು ತಂದೆಯಿಂದ ಆರ್ಥಿಕ ಸಹಾಯ ಕೇಳಿದಾಗ, ಅವರು ನಿರಾಕರಿಸಿದ್ದರಿಂದ ಈ ಕ್ರೂರ ಕೃತ್ಯಕ್ಕೆ ಮುಂದಾಗಿದ್ದಾನೆ.
ಯೂಟ್ಯೂಬ್ ನೋಡಿ ಕಲಿತ ಹತ್ಯೆ ತಂತ್ರ
ತಂದೆಯ ಹತ್ಯೆ ಮಾಡುವುದು ಹೇಗೆ ಎಂಬುದನ್ನು ಯೂಟ್ಯೂಬ್ ವಿಡಿಯೋಗಳ (YouTube Videos) ಮೂಲಕ ಕಲಿತು, ಅದೇ ರೀತಿಯ ಸಂಚು ರೂಪಿಸಿ ಕೊಲೆ ಮಾಡಿದ ಎಂಬುದಾಗಿ ಮೈಲವರಂ ಎಸಿಪಿ ಪ್ರಸಾದ್ ರಾವ್ ತಿಳಿಸಿದ್ದಾರೆ. ಪೊಲೀಸರ ವಿಚಾರಣೆಯಲ್ಲಿ ಪುಲ್ಲಾರಾವ್ ಸ್ವತಃ ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಾನೆ.
ತಾಯಿ ಕಣ್ಣಿಗೆ ಖಾರದ ಪುಡಿ ಎರಚಿ ಬಾಲಕನ ಅಪಹರಣ! ಸುಳಿವು ಕೊಟ್ರೆ ₹30,000 ಬಹುಮಾನ
ತನಿಖೆ ನಡೆಸಿದ ಪೊಲೀಸರು ಈ ಪ್ರಕರಣವನ್ನು ಬಿಚ್ಚಿಟ್ಟಿದ್ದಾರೆ. ತನಿಖೆಯ ಮೊದಲು ತಪ್ಪು ದಾರಿಗೆ ಒಯ್ಯಲು ಒಂದು ಜಮೀನು ವಿವಾದವಿದೆ ಎಂದು ದಾರಿ ತಪ್ಪಿಸಲು ಪ್ರಯತ್ನಿಸಿದ್ದ. ಆದರೆ ಆಳವಾದ ತನಿಖೆಯಿಂದ ಮೂಲ ಸತ್ಯ ಹೊರಬಂದಿದ್ದು, ಕೊನೆಗೂ ಅವನನ್ನು ಬಂಧಿಸಲಾಗಿದೆ.
ಈ ಪ್ರಕರಣದ ತನಿಖೆಯಲ್ಲಿ ಪೊಲೀಸರು ನಿರಂತರ ಶ್ರಮವಹಿಸಿ, ಕೊನೆಗೂ ಸತ್ಯಾಂಶವನ್ನು ಹೊರತಂದಿದ್ದಾರೆ. ವಿಜಯವಾಡಾ ಪೊಲೀಸ್ ಆಯುಕ್ತ ರಾಜಶೇಖರ್ ಬಾಬು ಅವರು ಈ ತಂಡವನ್ನು ಪ್ರಶಂಸಿಸಿದ್ದಾರೆ.
Son Kills Father After Learning from YouTube
