ಸೋನಾಲಿ ಫೋಗಟ್ ಸಾವಿನ ಪ್ರಕರಣ ಸಿಬಿಐ ತನಿಖೆಗೆ ವಹಿಸಿ; ನಟಿ ಸಹೋದರನ ಆಗ್ರಹ

ನವದೆಹಲಿ: ಗೋವಾ ಪ್ರವಾಸದ ವೇಳೆ ಹೃದಯಾಘಾತದಿಂದ ಸಾವನ್ನಪ್ಪಿದ ನಟಿ ಹಾಗೂ ಬಿಜೆಪಿ ನಾಯಕಿ ಸೋನಾಲಿ ಫೋಗಟ್ ಅವರ ಸಾವಿನ ಕುರಿತು ಸಿಬಿಐ ತನಿಖೆಗೆ ಕುಟುಂಬ ಸದಸ್ಯರು ಬುಧವಾರ ಒತ್ತಾಯಿಸಿದ್ದಾರೆ. ಟಿಕ್‌ಟಾಕ್ ತಾರೆ ಸೋನಾಲಿ ಸಹೋದರ ಗೋವಾ ಪೊಲೀಸರಿಗೆ ದೂರು ನೀಡಿದ್ದಾರೆ.

ಸೋನಾಲಿಯನ್ನು ಆಕೆಯ ಇಬ್ಬರು ಸಹಚರರು ಕೊಂದಿದ್ದಾರೆ ಎಂದು ಆರೋಪಿಸಿದ್ದಾರೆ. ಸೋನಾಲಿ ಸಾವಿನ ಪ್ರಕರಣವನ್ನು ಸಿಬಿಐ ತನಿಖೆಗೆ ಒಳಪಡಿಸಬೇಕೆಂದು ಆಕೆಯ ಕುಟುಂಬ ಸದಸ್ಯರು ಆಗ್ರಹಿಸಿದ್ದಾರೆ.

ಸೋನಾಲಿ ಅವರ ಸಹೋದರ ರಿಂಕು ಢಾಕಾ ಅವರು ಅಂಜುನಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ ಮತ್ತು ಸೋನಾಲಿಯನ್ನು ಯೋಜನೆಯ ಪ್ರಕಾರ ಕೊಲೆ ಮಾಡಲಾಗಿದೆ ಮತ್ತು ಅವರ ಆಪ್ತ ಸಹಾಯಕನೊಂದಿಗೆ ಇಬ್ಬರ ಮೇಲೆ ಅನುಮಾನವಿದೆ ಎಂದು ಹೇಳಿದ್ದಾರೆ.

ಸೋನಾಲಿ ಹತ್ಯೆಯನ್ನು ಸಿಬಿಐ ತನಿಖೆಗೆ ಒಳಪಡಿಸಬೇಕು ಮತ್ತು ಗೋವಾದಲ್ಲಿ ನಡೆಸಿದ ಮರಣೋತ್ತರ ಪರೀಕ್ಷೆಯ ಬಗ್ಗೆ ನನಗೆ ಅನುಮಾನವಿದೆ ಎಂದು ಹೇಳಿದರು. ಸೋನಾಲಿ ಮೃತದೇಹವನ್ನು ಏಮ್ಸ್ ನಲ್ಲಿ ಮತ್ತೊಮ್ಮೆ ಮರಣೋತ್ತರ ಪರೀಕ್ಷೆ ನಡೆಸುವಂತೆ ಒತ್ತಾಹಿಸಿದ್ದಾರೆ. ಅನುಮಾನ ವ್ಯಕ್ತಪಡಿಸಿದ ಇಬ್ಬರ ವಿರುದ್ಧ ಎಫ್‌ಐಆರ್ ದಾಖಲಿಸಲು ಪೊಲೀಸರು ಹಿಂದೇಟು ಹಾಕುತ್ತಿದ್ದಾರೆ ಎಂದು ಆರೋಪಿಸಿದರು.

ಸಾವಿನ ಹಿಂದಿನ ರಾತ್ರಿ ಸೋನಾಲಿ ಫೋಗಟ್‌ಗೆ ಕರೆ ಮಾಡಿದವರೆಲ್ಲರೂ ಸೋನಾಲಿ ತುಂಬಾ ಚೆನ್ನಾಗಿ ಮಾತನಾಡಿದ್ದಾರೆ ಮತ್ತು ಇದು ಅನಿರೀಕ್ಷಿತವಾಗಿ ಹೇಗೆ ಸಂಭವಿಸಿತು ಎಂದು ವಿಸ್ಮಯ ವ್ಯಕ್ತಪಡಿಸಿದ್ದಾರೆ. ಇದೆಲ್ಲವೂ ಪ್ಲಾನ್ ಪ್ರಕಾರವೇ ನಡೆದಿದ್ದು, ಅದನ್ನು ಗ್ರಹಿಸಲು ಸಾಧ್ಯವಾಗುತ್ತಿಲ್ಲ ಎಂದರು. ಸೋನಾಲಿ ಸಾವಿನ ಬಗ್ಗೆ ಸಮಗ್ರ ತನಿಖೆ ನಡೆಸಬೇಕು ಎಂದು ಸೋನಾಲಿ ಸಹೋದರ ಒತ್ತಾಯಿಸಿದ್ದಾರೆ. ಮತ್ತೊಂದೆಡೆ, ಸೋನಾಲಿ ಫೋಗಟ್ ಅವರ ಸಹೋದರಿ ತಮ್ಮ ಆಹಾರದಲ್ಲಿ ವಿಷವನ್ನು ಬಳಸಿದ್ದಾರೆ ಎಂದು ಆರೋಪಿಸಿದ್ದಾರೆ.

sonali phogats family seeks cbi probe into her death

TRENDING ARTICLES1 / 5‹›

ಇಂದಿನ ದಿನ ಭವಿಷ್ಯ: 11-11-2026, ಬುಧವಾರ Read the story →

ತಾತನ ಆಸ್ತಿಯಲ್ಲಿ ಮೊಮ್ಮಗನಿಗೆ ಹಕ್ಕಿಲ್ಲ! ಹೈಕೋರ್ಟ್ ಮಹತ್ವದ ತೀರ್ಪು Read the story →

ಮೇಕೆದಾಟು ಯೋಜನೆಯಿಂದ ತಮಿಳುನಾಡಿಗೇ ಲಾಭ; ಡಿಕೆ ಶಿವಕುಮಾರ್ Read the story →

ರೈತರಿಗೆ 5,000 ಬರ ಪರಿಹಾರ ಖಚಿತ; ಡಿಕೆ ಶಿವಕುಮಾರ್ Read the story →

ಒಂದೇ ಮನೆಯಲ್ಲಿ ಎರಡು ಗ್ಯಾಸ್ ಕನೆಕ್ಷನ್; ಕೇಂದ್ರ ಹೊಸ ರೂಲ್ಸ್ Read the story →