Twin Towers: ಅವಳಿ ಗೋಪುರ ಕೆಡವಲು ದಿನಾಂಕ ಫಿಕ್ಸ್.. 9 ಸೆಕೆಂಡ್‌ಗಳಲ್ಲಿ ಕೆಡವಲು ಯೋಜನೆ

Twin Towers: ನೋಯ್ಡಾ ಅವಳಿ ಗೋಪುರಗಳನ್ನು ಕೆಡವಲು ದಿನಾಂಕವನ್ನು ನಿಗದಿಪಡಿಸಲಾಗಿದೆ. 40 ಅಂತಸ್ತಿನ ಅವಳಿ ಗೋಪುರಗಳನ್ನು ಆಗಸ್ಟ್ 21 ರಂದು ಕೆಡವಲು ನೋಯ್ಡಾ ಅಧಿಕಾರಿಗಳು ನಿರ್ಧರಿಸಿದ್ದಾರೆ. ನೋಯ್ಡಾ ಪ್ರಾಧಿಕಾರವು ಈ ನಿರ್ಧಾರವನ್ನು ಕೈಗೊಂಡಿದ್ದು, ಯಾವುದೇ ಸಂದರ್ಭದಲ್ಲೂ ಆಗಸ್ಟ್ 28 ರೊಳಗೆ ನೆಲಸಮ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುವಂತೆ ಸುಪ್ರೀಂ ಕೋರ್ಟ್ ಆದೇಶಿಸಿದೆ.

ಅವಳಿ ಗೋಪುರಗಳನ್ನು ಕೆಡವಲು ಸುಪ್ರೀಂ ಕೋರ್ಟ್ ನೀಡಿದ ಗಡುವಿಗೆ ಒಂದು ವಾರ ಮುಂಚಿತವಾಗಿ ದಿನಾಂಕವನ್ನು ನಿಗದಿಪಡಿಸಲಾಗಿದೆ. ನೋಯ್ಡಾ ಅವಳಿ ಗೋಪುರಗಳು ಹಲವು ವರ್ಷಗಳಿಂದ ವಿವಾದದಲ್ಲಿದೆ.

ಉತ್ತರ ಪ್ರದೇಶದ ನೋಯ್ಡಾದ ಸೆಕ್ಟರ್ 93 ರಲ್ಲಿ ಸೂಪರ್ ಟೆಕ್ ಲಿಮಿಟೆಡ್ ಅವಳಿ ಗೋಪುರಗಳನ್ನು ನಿರ್ಮಿಸಿದೆ. 2009 ರಲ್ಲಿ ಕೈಗೊಂಡ ಈ ಬೃಹತ್ ಯೋಜನೆಯಲ್ಲಿ ಬಿಲ್ಡರ್ ನಿಯಮಗಳನ್ನು ಉಲ್ಲಂಘಿಸಿದ್ದಾರೆ. ನಿಯಮಗಳನ್ನು ಗಾಳಿಗೆ ತೂರಿದ್ದಲ್ಲದೆ, ಅಧಿಕಾರಿಗಳ ಜೊತೆ ಸೇರಿ ಮನಸೋಇಚ್ಛೆ ಕಟ್ಟಡಗಳನ್ನು ನಿರ್ಮಿಸುತ್ತಿದ್ದಾರೆ ಎಂದು ಆರೋಪಿಸಿ ಸ್ಥಳೀಯರು ನ್ಯಾಯಾಲಯದ ಮೊರೆ ಹೋಗಿದ್ದಾರೆ.

ಟ್ವಿನ್ ಟವರ್ ನಿರ್ಮಿಸಿದ ಸೂಪರ್ ಟೆಕ್ ಲಿಮಿಟೆಡ್ ಕಂಪನಿ ವಿರುದ್ಧ ಅರ್ಜಿ ಸಲ್ಲಿಸಲಾಗಿದೆ. ಎರಡೂ ಕಡೆಯ ವಾದ ಆಲಿಸಿದ ಸುಪ್ರೀಂ ಕೋರ್ಟ್ ಕಳೆದ ವರ್ಷ ಆಗಸ್ಟ್ ನಲ್ಲಿ ಅವಳಿ ಗೋಪುರಗಳನ್ನು ಕೆಡವುವಂತೆ ತೀರ್ಪು ನೀಡಿತ್ತು.

ಫ್ಲಾಟ್‌ಗಳನ್ನು ಖರೀದಿಸಿದ ಎಲ್ಲರಿಗೂ ಶೇ.12 ಬಡ್ಡಿಯೊಂದಿಗೆ ಪೂರ್ಣ ಮೊತ್ತವನ್ನು ಪಾವತಿಸುವಂತೆ ಸೂಪರ್ ಟೆಕ್‌ಗೆ ಆದೇಶಿಸಿದೆ. ಸುಪ್ರಿಂ ಕೋರ್ಟ್ ಆದೇಶದನ್ವಯ ಎಡಿಫೈಸ್ ಮೂಲಕ ಕಟ್ಟಡಗಳನ್ನು ಕೆಡವಲು ಅಧಿಕಾರಿಗಳು ಆದೇಶಿಸಿದರು.

Twin Towers In Noida To Be Demolished On August 21

Follow us On