ಕಲ್ಯಾಣ ಕರ್ನಾಟಕ ಸಿಡಿಲು ಮಳೆಗೆ ತತ್ತರ, ಇಬ್ಬರು ಸಾವು

• ಕಲಬುರಗಿ, ರಾಯಚೂರಿನಲ್ಲಿ ಇಬ್ಬರು ಸಿಡಿಲಿಗೆ ಬಲಿ
• ಧಾರವಾಡ ಜಿಲ್ಲೆಯ ಯುವಕನೊಬ್ಬ ಭಾರೀ ಮಳೆಗೆ ಸಾವು
• ಸಿಡಿಲು ಬಡಿದು ಗಾಯಗೊಂಡವರಿಗೆ ಆಸ್ಪತ್ರೆಲ್ಲಿ ಚಿಕಿತ್ಸೆ

ಕಲ್ಯಾಣ ಕರ್ನಾಟಕದ ರಾಯಚೂರು ಮತ್ತು ಕಲಬುರಗಿ ಜಿಲ್ಲೆಗಳಲ್ಲಿ ಸಿಡಿಲು ಬಡಿದು ಇಬ್ಬರು ಸಾವನ್ನಪ್ಪಿದ್ದು, ಇಬ್ಬರು ಮಹಿಳೆಯರು ಗಾಯಗೊಂಡಿದ್ದಾರೆ. ಬುಧವಾರ ಸಂಜೆ ಜಿಲ್ಲೆಯಾದ್ಯಂತ ಗುಡುಗು, ಮಿಂಚು, ಬಿರುಗಾಳಿ ಸಹಿತ ಭಾರೀ ಮಳೆಯಾಯಿತು.

ದೇವದುರ್ಗ ತಾಲೂಕಿನ ಲಿಂಗದಹಳ್ಳಿಯಲ್ಲಿ ಸಿಡಿಲು ಬಡಿದು ಯಲ್ಲಮ್ಮ (55) ಎಂಬ ಮಹಿಳೆ ಸಾವನ್ನಪ್ಪಿದ್ದಾರೆ. ಲಕ್ಷ್ಮಿ (28) ಮತ್ತು ರಾಮಯ್ಯ (30) ಗಾಯಗೊಂಡಿದ್ದಾರೆ. ಕಲಬುರಗಿ ಜಿಲ್ಲೆ ಅಫಜಲಪುರ ತಾಲೂಕಿನ ಕರ್ಜಿಗಿಯಲ್ಲಿ ಸಿಡಿಲು ಬಡಿದು ನಬಿಲಾಲ್ ಸಾಬ್ ಚೌಧರಿ (70) ಮೃತಪಟ್ಟಿದ್ದಾರೆ.

ಧಾರವಾಡ ಜಿಲ್ಲೆಯಲ್ಲಿ ಮಂಗಳವಾರ ಸಿಡಿಲು ಬಡಿದು ಯುವಕನೊಬ್ಬ ಮೃತಪಟ್ಟಿದ್ದಾನೆ.

ವಿವರ: ಜಿಲ್ಲೆಯ ಕುಂದಗೋಳ ತಾಲೂಕಿನ ಹಿರೇನರ್ತಿ ಗ್ರಾಮದಲ್ಲಿ ಕೆರೆಯಲ್ಲಿ ಎತ್ತುಗಳನ್ನು ತೊಳೆಯಲು ಹೋದ ಯುವಕ ಸಿಡಿಲು ಬಡಿದು ಸಾವನ್ನಪ್ಪಿದ್ದಾನೆ. ಹಿರೇಹರಕುಣಿ ಗ್ರಾಮದ ಮೈಲಾರಪ್ಪ (18) ಎಂಬ ಯುವಕ ತನ್ನ ಅಜ್ಜನ ಮನೆಗೆ ಬಂದಿದ್ದಾಗ ಈ ದುರಂತ ಸಂಭವಿಸಿದೆ.

ಪಿಯುಸಿ ಎರಡನೇ ವರ್ಷದಲ್ಲಿ ಓದುತ್ತಿರುವ ಈ ಯುವಕ ಮಧ್ಯಾಹ್ನ ತನ್ನ ಎತ್ತುಗಳನ್ನು ತೊಳೆಯಲು ಬಂದಿದ್ದಾಗ ಭಾರೀ ಮಳೆ ಸುರಿಯಿತು. ಈ ವೇಳೆ ಹತ್ತಿರದ ಹೊಲದಲ್ಲಿ ಬೇವಿನ ಮರದ ಬಳಿ ನಿಂತಿದ್ದಾಗ ಸಿಡಿಲು ಬಡಿದು ಸಾವನ್ನಪ್ಪಿದರು.

ಸ್ವಲ್ಪ ದೂರದಲ್ಲಿ ನಿಂತಿದ್ದ ಮಂಜುನಾಥ ನಾಯಕ್ ಕೂಡ ಸಿಡಿಲು ಬಡಿದು ಗಾಯಗೊಂಡರು. ತಕ್ಷಣ ಅವರನ್ನು ಕುಂದಗೋಳ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಲಾಯಿತು. ನಂತರ ಅವರನ್ನು ಉತ್ತಮ ಚಿಕಿತ್ಸೆಗಾಗಿ ಕೆಎಂಸಿಗೆ ಸ್ಥಳಾಂತರಿಸಲಾಯಿತು.

ಮೃತ ಮೈಲಾರಪ್ಪನ ತಾಯಿಯ ದೂರಿನ ಆಧಾರದ ಮೇಲೆ ಕುಂದಗೋಳ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ತನ್ನ ಒಬ್ಬನೇ ಮಗನನ್ನು ಕಳೆದುಕೊಂಡ ತಾಯಿ ಕಣ್ಣೀರು ಸುರಿಸುತ್ತಾ ರೋದಿಸುತ್ತಿದ್ದದ್ದು ಎಂತಹವರಿಗೂ ಕಣ್ಣೀರು ತರಿಸುವಂತಿತ್ತು

Lightning Strikes Kill 3, Injure 2 in Karnataka

English Summary▼

In a series of tragic lightning incidents across Karnataka, three people have lost their lives while two others sustained injuries. The districts affected include Raichur, Kalaburagi, and Dharwad. In Devadurga taluk of Raichur, a woman named Yellamma was struck by lightning and died on the spot. Two others, Lakshmi and Ramayya, were injured and are receiving treatment. In Kalaburagi’s Afzalpur taluk, a 70-year-old man named Nabeelal Saab Chaudhary also succumbed to a lightning strike.

Another unfortunate incident occurred in Dharwad's Kundagol taluk where 18-year-old Mailarappa was killed by lightning while taking cattle to a pond. He was a PUC second-year student. His friend, Manjunath Naik, also got injured but survived after being shifted to KMC hospital. Local authorities have promised financial aid to the victims’ families under NDRF and CM relief funds.