ಶಿಮ್ಲಾದಲ್ಲಿ 7 ಸೆಕೆಂಡುಗಳಲ್ಲಿ ಕುಸಿದ 7 ಅಂತಸ್ತಿನ ಕಟ್ಟಡ, ವಿಡಿಯೋ ವೈರಲ್
7 ಸೆಕೆಂಡುಗಳಲ್ಲಿ ಕುಸಿದ 7 ಅಂತಸ್ತಿನ ಕಟ್ಟಡ ವಿಡಿಯೋ ವೈರಲ್: ಹಿಮಾಚಲ ಪ್ರದೇಶದ ರಾಜಧಾನಿ ಶಿಮ್ಲಾದಲ್ಲಿ ಗುರುವಾರ ಸಂಜೆ ಸುರಿದ ಮಳೆಗೆ ಬಹುಮಹಡಿ ಕಟ್ಟಡ ಕುಸಿದಿದೆ. ಅಪಘಾತದಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಶಿಮ್ಲಾದ ಹಾಲಿ ಪ್ಯಾಲೇಸ್ ಬಳಿಯ ಘೋಡಾ ಚೌಕಿಯಲ್ಲಿ ಸಂಜೆ 5.45 ಕ್ಕೆ ಈ ಘಟನೆ ನಡೆದಿದೆ ಎಂದು ರಾಜ್ಯ ವಿಪತ್ತು ನಿರ್ವಹಣಾ ನಿರ್ದೇಶಕ ಸುದೇಶ್ ಕುಮಾರ್ ಮೊಖ್ತಾ ತಿಳಿಸಿದ್ದಾರೆ. ಈ ಘಟನೆಯಲ್ಲಿ ಯಾವುದೇ ಸಾವುನೋವಿನ ವರದಿಯಾಗಿಲ್ಲ.
A multi-storey building collapsed in Kachighati area of #Shimla today evening.
Looks like it’s straight out of a movie scene 😳 pic.twitter.com/jMAYFAxuLv
— Diksha Verma (@dikshaaverma) September 30, 2021
ಕಟ್ಟಡ ಬೀಳುವ ಮುನ್ನ ಜನರು ಅಲ್ಲಿಂದ ಹೊರಗೆ ತೆರಳಿದ್ದರು ಎಂದು ಹೇಳಲಾಗುತ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ, ಕೇವಲ 6-7 ಸೆಕೆಂಡುಗಳಲ್ಲಿ ಎತ್ತರದ ಕಟ್ಟಡವು ಹೇಗೆ ಕುಸಿದು ಬೀಳುತ್ತದೆ ಎಂಬುದನ್ನು ನೋಡಬಹುದು. ಕಟ್ಟಡವು ಏಳು ಅಂತಸ್ತಿನದ್ದು ಮತ್ತು ಭೂಕುಸಿತದಿಂದಾಗಿ ಅದರ ಅಡಿಪಾಯ ಬಿರುಕುಗೊಂಡಿತ್ತು ಎಂದು ಹೇಳಲಾಗುತ್ತಿದೆ.
